Changes
Նոր էջ. {{Վերնագիր |վերնագիր = Պատրանքներ։ Ակամա Փրկչի արկածները։ |հեղինակ =[[Ռիչարդ Բախ]] |թարգմանիչ = Վահե Հո...
{{Վերնագիր
|վերնագիր = Պատրանքներ։ Ակամա Փրկչի արկածները։
|հեղինակ =[[Ռիչարդ Բախ]]
|թարգմանիչ = Վահե Հովհաննիսյան
|աղբյուր = «Հայաստան» 2003 թ․
}}
:==ԱՌԱՋԱԲԱՆ==
:Երբ «Ճայը» լույս տեսավ, ինձ հաճախ էին հարցնում․ «Իսկ հետո՞, Ռիչա՛րղ, ինչի՞ մասին ես պատրաստվում գրել «Ջոնաթանից» հետո»։
:Ես, սակայն, բնավ պարտավորված չէի զգում որևէ բան գրել, մեկ բառ անգամ։ Ուստի պատասխանում էի, թե իմ գրքերով,֊ բոլո՛ր գրքերով, ոչ միայն «Ճայով»,֊ արդեն ասել եմ այն, ինչ ուզում էի, և այլևս գրելիք չունեմ։ Բացի այդ, մի քիչ հետուտռաջ անելուց հետո մեքենան վերջապես գործի էր ընկել, գրքերն սկսել էին լույս աշխարհ գալ, և այնքան հաճելի էր գիտակցել, որ վերացել է ամեն օր առավոտից երեկո, առանց արձակուրդի և հանգստյան օրերի աշխատելու անհրաժեշտությունը։
:Բայց, մեկ է, ամեն ամառ ես նստում էի իմ անդրջրհհղեղյան բիպլանը ու թռչում դեպի Միջին Արևմուտք՝ թռիչքը երեքուկես դոլարով ուղևորներ ման տալու մարգագետնային խոտերի անծայրածիր կանաչ օվկիանոսի վրայով։ Ու, վերջիվերջո, հասավ այն պահը, երբ կրկին զգացի ծանոթ լարվածությունը, ինչ֊որ բան լրիվ չի ասվել, ինչ֊որ բան դեռ մնացել է։
:Ես գրամոլ չեմ։ Ավելին գրելուց ընդհանրապես հաճույք չեմ ստանում։ Ու եթե մի կողմ քաշվելու և ստվերում պահվելու ուժ գտնեի, եթե միայն կարողանայի դուռը չբանալ թակողի առաջ, երբևէ մտքովս չէր անցնի գրիչ վերցնել։
:Բայց երբեմն, հանկարծ, դինամիտի հզոր պայթյունի պես ինչ֊որ բան է կատարվում, ապակու բեկորներ, աղյուսի փշրանք ու ծեփի կտորներ են թռչում դեմքիդ, պատը ցրիվ է գալիս, ու դուռն արդեն բացարձակապես որևէ նշանակություն չունի։ Իսկ բացված ճեղքի միջով մոտենում է ինչ֊որ մեկը և խշրտոցով անցնելով բեկորների վրայով՝ մահացա ճանկում կոկորդդ ու քնքշանվաղ ձայնով խոստանում է. ․Բաց չեմ թողնի, մինչև ինձ բառեր չհագցնես, բառեր, որ գրվում են թղթին»։ Հենց այդպես ինձ այցելեցին «Պատրանքները»։
:Պառկել էհ խոտերի մեջ, ինչ֊որ տեղ Միջին Արևմուտքի անծայրածիր դաշտերում, ու նայում էի երկինք փորձելով ամպ ցրել սովորել։ Իսկ ուղեղիս մեջ պատկերներ էին վխտում, և մտքերս կամաց֊կամաց շարվում էին իրար ետևից՝ դառնալով դիպաշար։
:Հետաքրքիր է, ահա պառկած եմ այստեղ ու փորձում եմ ցրել ամպերը․․․ իսկ եթե, եթե․․․ Հանկարծ հայտնվեր մեկը, որ ստույգ կգիտենար, թե դա ինչպես է արվում և ընդունակ կլիներ ինձ իսկապես ուսուցանելու այդ արվեստը։ Նա, ով ինձ կկարողանար բացատրել՝ ինչպես է կառուցված աշխարհը և ինչպես կառավարել այդ աշխտրհը։ Ի՞նչ կլիներ, եթե երջանկություն ունենայի հանդիպելու որևէ գերբնական էակի...․
:Դե, եթե, օրինակ, մեր ժամանակներում հայտնվեր Սիդհարթհան։ Կամ՝ Հիսուսը։ Մեկը, որ իշխանություն ունի համաշխարհային պատրանքների վրա, քանզի հասու է եղել նրանցից անդին իրականությանը։ Ու եթե ինձ վիճակվեր անձամբ ծանոթանալ հետը, ասենք նա էլ թռչեր բիպլանով ու վայրէջք կատարեր հենց այս մարգագետնում, իմ կողքին։ Ինչպիսի՞ն կլիներ նա և ի՞նչ կասեր։
:Հնարավոր է, որ իմ տետրակի՝ մեքենայի յուղից ու խոտի տերևներից աղտոտված էջերին հայտնվելով՝ նա ճշգրտորեն նման չլիներ Փրկչի։ Գուցե բառ անգամ չասեր այն ամենից, որ ասում է Փրկիչն այս գրքում։ Բայցևայնպես, նա, որ գրքից է, ուսուցանում էր. ․եր կյանքը մարմնավորումն է այն ամենի, ինչ կրում ենք մեր մտքում։ Ամենը, որ այնտեղ կատարվում է, ինքներս ենք ստեղծել։ Իսկ եթե այդպես է, ուրեմն մենք բոլորս, ֊ դուք ձեր հերթին, ես իմ, ֊ պատահմամբ չենք հանդիպել այստեղ, տվյալ կոնկրետ պահին։ Եվ այդ դեպքում, ամենայն հավանականությամբ, բնավ պատահական չէ, որ հիմա ձեր ձեռքին է այս գիրքը, ու հավւսնաբար եկել եք այստեղ, որ հիշեք։ Իսկ իմ գրած գիրքը կարող է ձեգ օգնել այդ հարցում։ Ես կատարվածի ա՛յդ մեկնաբանությունն եմ ընտրում։ Եվ իմ Փրկիչը բնավ էլ գեղարվեստական հորինվածք չէ, այլ միանգամայն իրական ոմն․ նա հիմա նստած է ինչ֊որ տեղ, զուգահեռ աշխարհներից մեկում ու գոհունակ ծիծաղում է՝ նայելով թե իրադարձություններն այստեղ ինչպես են զարգանում՝ ճիշտ ու ճիշտ այն սցենարով, որ հորինել ենք ինքներս մեզ համար։ Ես այդպես եմ կարծում, քանզի այդպիսին է իմ ընտրությունը։
: ՀԵՂԻՆԱԿ
:==1==
:1․ Կանխորոշված էր, որ հայտնություն գա
:Վարպետն աշխարհին
:ծնված լինելով Ինդիանայի սրբազան երկրում։
:Եվ աշխարհ եկավ ու հասակ առավ
:գաղտնիքով օծուն բլուրների մոտ,
:որ Ֆորտ֊Ուեյնից դեպ արևելք են։
:2․ Եվ այս աշխարհի իմացությունը
:Վարպետն ստացավ
:դասատներում Ինդիանայի,
:և ապա տարիք առնելով անցավ
:արհեստանոցներն
:ու աշխատում էր ավտոմեխանիկ։
:3․ Բայց կար նաև այլ, ուրիշ գիտելիք,
:որ բերել էր իր բազում կյանքերից՝
:ապրած այլ, ուրիշ ժամանակներում
:ու երկրներում բոլորովին այլ։
:Եվ հիշում էր նա՝
:իմաստնություն ու եռանդ առնելով
:և տեսնում էին ամբողջը մարդիկ,
:և շատերն էին խորհրդի համար
:գալիս նրա մոտ։
:4․ Եվ հավատում էր Վարպետն իր ուժին,
:և համոզված էր, որ գիտի ինչպես
:օգնի ինքն իրեն, բոլորին նաև,
:բոլոր ապրողաց այս երկրի վրա։
:Եվ հավատում էր քանի որ Վարպետն իր գիտեցածին,
:ճշմարիտ խոսք էր դառնում գիտելիքն ու ճշմարիտ գործ։
:Տեսնելով նրա զորությանն այդ մեծ՝
:մարդիկ Վարպետի մոտ էին գալիս
:ապաքինվելու հոգսերից բոլոր
:և ախտերից, որ չարչարում էին ու տանջում իրենց։
:5․ Եվ հավատում էր Վարպետն անպայման
:բարի է, եթե ամեն արարած
:ինքն իր մեջ տեսնի Աստծո զավակին,֊
:ու սա էր քանզի հավատքը նրա,
:հենց այդպես էլ կար։
:Ուստի և, դեպի արհեստանոցներն,
:ուր աշխատում էր,
:ամբոխն էր հորդում,
:և այդ տեղերում վաղ առավոտից մինչև երեկո
:բազմություն կար մեծ՝
:իրենից խոսքն իր կամ գոնե հպումն ակնկալելով,
:ու շրջակայքում պտտվում էին դեռ հուսալով, թե
:կողքից անցնեչիս կդիպչի իրենց
:Վարպետն իր շուքով
:փոխակերպելով կյանքն
:ու փրկելով չարչարանքներից։
:6․ Եվ այնքան մեծ ու ահագին էին ամբոխները այդ,
:և այնքան հոծ էր արհեստանոցում
:հայտնության տենչով բռնվածների բազմությունը մեծ,
:որ ոչ Վարպետը ու ոչ էլ մյուս մեխանիկները
:մեքենաները նայելու անգամ հնար չունեին։
:Եվ գործատեղի վարիչները ու տերերը մի օր
:խնդրում էին, որ
:Վարպետը թողնի գործիքները իր ու թողնի գնա։
:7․ Եվ հեռանում էր այդժամ դաշտերը
:ու ման էր գափս ագարակներում,
:իսկ նրան հետքով գնացողները,
:անվանում էին Փրկիչ ու կոչում հրաշագործ, և
:քանի որ սա էր հավատքը նրանց,
:հենց այդպես էլ կար։
:8․ Իսկ Եթե հողմ էր բարձրանում հանկարծ,
:երբ խոսում էր նա
:լսողաց վրա,
:անձրևի ոչ մի կաթիլ չէր ընկնում,
:ու որքան էլ շատ լինեին վերջին
:շարքերում կանգնած՝
:նրա խոսքն այնտեղ հասնում էր հստակ,
:ինչպես որ շուրջը հավաքվածների ականջն էր լսում։
:Ու մեկ էր՝ քամու ոռնոց է
:կամ թե ամպրոպն է ճայթում,
:կամ Էլ կայծակն է ճեղքում կապարե ամպալեռները․․․
:Եվ խոսում էր նա միշտ առակներով։
:9․ Եվ այսպես ասաց․
:«Ձերն է ընտրության իրավունքը և
:ձեր մեջ է ուժը, որ հաշտ փնեք հենց ձեր ընտրության հետ։
:Առողջությունը ընտրելով ներուստ
:համաձայնում ենք առողջ ապրելուն,
:և ընտրությունը ուժ է առնում մեր համաձայնությամբ։
:Հիվանդությունը ընտրելով մենք մեր
:համաձայնությամբ դառնում ենք հիվանդ։
:Քանի որ մենք ենք մեզ համար ընտրում
:թե՛ բարօրություն, թե՛ աղքատություն,
:թե՛ ազատություն և թե՛ ճորտություն։
:Ոչ մի ուրիշ ոք, այլ ինքներս ենք
:ընտրություն անում, համաձայնում ենք
:և ինքներս ենք կանգնում ղեկի մոտ»։
:10․ Եվ այդ ժամանակ
:ջրաղացպանը ձայն տվեց նրան
:եւ այսպես ասաց․
:«Քեզ համար հեշտ է խոսել․
:Վարպետ ես, ի վերուստ գիտակ,
:բնավ ինչպիսին մենք՝ բախտի կամքին թողնվածներս։
:Ուստի, կարիքը չունես բանելու՝ քրտինք թափելով,
:ինչպես որ մենք ենք բանում ամեն օր,
:ինչպես որ ծանր մեր բեռն ենք տանում,
:որ այս աշխարհում ապրենք ինչ֊որ կերպ»։
:11․ Եվ պատասխանեց Վարպետը նրան
:և այսպես ասաց.․«Կար֊չկար հսկա ու բյուրեղի պես մաքրաջուր մի գետ,
:որի հատակին էակներ էին ինչ֊որ բնակվում։
:Եվ ապրում էին համայնքով, մեկտեղ։
:12․ Եվ անխոս ու լուռ գլորում էր գետն
:իր բյուրեղի պես մաքուր ջրերը նրանց վրայով
:տարեցների և պարմանիների,
:և հարուստների, և անտունների,
:ողորմածների և ցասկոտների,
:ողջախոհների, ախտավորների․․․
:Նրա ջրերի հոսքն իր էր ինքնին,
:քանզի գնամ էր իր ճանապարհով
:և իր սեփական էությունն էր նա ճանաչում միայն,
:որն էր՝ բյուրեղյա մաքրությունը իր։
:13․ Եվ ամեն մեկը իր ինքնահատուկ
:եղանակով էր վերստին կառչում
:շյուղերից խոտի, սուզագերանից
:ու քարերից, որ շաղ էին եկել
:մեծ բյուրեղի պես մաքրաջուր գետի
:հատակին խորունկ։
:Այդպես շարունակ՝
:քանի որ դա էր կերպն իրենց կյանքի,
:և իմաստն այն էր, որ գոյատևեն կարեցածին չափ՝
:մնալով անշարժ ու դիմանալով ջրերի հոսքին։
:Եվ ամեն մեկը դրան վարժված էր
:իր ծննդյան հենց առաջին պահից։
:14․ Բայց կար նրանց մեջ
:մեկը, որ ասաց օրերից մի օր,
:«Հոգնեցի ու չեմ կառչելու մնամ։
:Հավատում եմ, որ հոսանքը գիտի թե ուր է հոսում։
:Ու թող որ նրա իմացությունը
:դեռ հասու չէ իմ հոգու աչքերին՝
:կտրվեմ կամքին գետահոսանքի
:ու թող նա տանի ինձ՝ ուր գնում է։
:Մնալով տեղում և առաջվա պես կառչելով, անշուշտ
:պիտի կործանվեմ,
:և ձանձրույթը գորշ
:կդառնա պատճառն իմ կործանումի»։
:15․ Եվ լսողները ծիծաղում էին ու ասում
:«Հիմա՜ր։ Բա՛ց թող, մի՛ կառչիր,
:ու քո պատվելի գետը կնետի
:քեզ ժեռ քարերին
:ու կոլորի քեզ եղջյուրի նման,
:ու կջախջախի
:ու վերջը կգա քո միանգամից,
:ու չես սպասի,
:որ ձանձրույթը քեղ սպանի մի օր»։
:16․ Ականջ չդրեց հորդորին նրանց՝
:ողջամիտների,
:խոր շունչ առավ և այն ամենն, ինչից
:կառչած էր մինչ այդ, ազատ արձակեց։
:Եվ այդ ժամանակ ջրերի հոսքը խլեց,
:ոլորեց եղջյուրի նման,
:նետեց քարերին, ափեափ խփեց,
:բայց չկործանեց, չսպանեց նրան։
:17․ ժամանակ անցավ,
:բայց նա այլևս
:տրված էր ջրի հարահոս կամքին։
:Եվ այդ ժամանակ հոսանքն ընդունեց
:ազատությունը նրա ու թեթև
:տարավ ոչնչի չհարվածելով
:չվնասեւով և ոչ մի անգամ։
:18․ Ու տարավ նրան հոսանքը
:հսկա իր հոսքով ներքև,
:ուր չէր ճանաչում նրան ոչ մի ոք,
:ուստի տեսնելով մոտ լողացողին,
:ձայն տվին նրանք․
:«Հրա՜շք է։ Տեսե՜ք,
:֊մեր նմանն է նա,
:ճախրում է սակայն։
:Մեսիան է, Փրկիչն
:ու եկել է նա մեզ ազատելու»։
:19․ Իսկ նա, ում հոսքը առաջ էր տանում
:սրանց վրայով, պատասխան տվեց․
:«Ես Փրկիչ եմ ոչ ավելի քան դուք։
:Քանզի պատրաստ է հոսանքը ազատ
:տանել ամենքին,
:ով համարձակվի արձակել ամենն,
:ինչից կառչում էր։
:Դրա համար ենք աշխարհ զալիս մենք,
:և այդ ուղին Է
:Էությունը և իմաստը կյանքի»։
:20․ Բայց չէին լսում՝
:շարունակելով գոչել «Մեր Փրկի՛չ»,
:խոնարհվում էին առավել ամուր կառչելու,
:իսկ երբ վերև նայեցին՝
:չտեսան նրան՝
:հոսանքով հեռու քշվածը չկար։
:Ապա մնալով մենակ, իրենց հետ՝
:լեգենդներ էին հյուսում
:Փրկիչի հայտնության մասին»։
:21․ Եվ օրերն էին անցնում,
:և անցնող օրերի միջով
:տեսնում էր վարպետն
:իր շուրջն ամբոխն է խտանում անվերջ,
:և՛ ավեփ են սեղմվում իրեն,
:և՛ առավել են շրջապատում խիտ,
:և՛ շողշողում են աչքերը նրանց կատաղի ու չար։
:Եվ տեսնում էր նա՝ ինչպե՜ս են տենչում,
:որ ապաքինի իրենց շարունակ
:ու գոհացում տա իրենց հրաշքով։
:Ու որ գիտենա՝ իրե՜նց փոխարեն
:և կյանքերն իրենց ցվախճան ապրի՝
:փորձությունները կրելով բոլոր,
:որ առաքվում են սոսկ իրե՛նց համար։
:Եվ այդ ժամանակ թողնելով նրանց՝
:բարձրացավ լեռան գագաթը, ապա
:ամենաբարձր գագաթին ծնկած՝ մենակ աղոթեց։
:22․ Եվ սրանք էին բառերը նրա․
:«Դո՛ւ․ Շլացուցի՛չ,
:Անվախճանական Շողարձակման մեջ
:թող կամքդ լինի որ ամենայն ինչ թողնեմ,
:ու տար այս բաժակը հեռու։
:Ծանր է ինձ համար և արդեն իսպառ
:անտանելի է, իմ ուժերից վեր։
:Քանզի չի լինամ, որ գեթ մե՛կ ուրիշ
:հոգու կյանքն ապրես,
:իսկ նրանք բյուր են,
:և բյուրք են լալիս,
:և իրենց համար չեն տենչում նոր կյանք։
:Ու ես զղջում եմ,
:որ թույլ եմ տվել սույնը կատարվի
:բայց եթե լինի կամքիդ ուզածով
:թույլ տուր հեռանամ նրանցից, ու թող
:մնամ իմ գործին, շարժիչներիս հետ,
:ու սովորական մարդու պես ապրեմ,
:ինչպես ապրում են ամենուր մարդիկ»։
:23․ Եվ գագաթին էլ պատասխան եղավ
:նրան մի ձայնով ոչ տղամարդու ու ոչ էւ կնոջ,
:ոչ խաղաղ, ոչ Էլ ահեղ, բայց լեցուն
:մի անչափելի բարեգթությամբ։
:Եվ այսպես ասվեց․
:«Իմ կամոք չէ, այլ՝ քո կամքով ողջը։
:Քանզի իմ կամքը կամենում է քեզ
:այն, ինչ կարող է լինել քո կամոք։
:Ուրեմն, գնա քո ճանապարհով,
:ինչպես մնացած մարդիկ են գնում,
:ու երջանիկ լեր այս հողի վրա»։
:24․ Խոսքը լսելով՝ Վարպետը ցնծաց
:ու, երախտապարտ, երբ լեռն էր թողնում,
:երգ էր դնդնում ինքը իր համար,
:այն, որ երգել էր միշտ աշխատելիս։
:Իսկ երբ որ կրկին շրջապատեցին ամբոխները խիտ
:ու տենչում էին և՛ ապաքինում, և՛ իմաստնություն,
:և՛ ամենօրյա հացը անքրտինք,
:ու որպեսզի նա տա իր իմացությունը,
:ու որպեսզի նա հաճույք պատճառի՝
:հանդիսախաղով հրաշքների, որ
:սոսկ ինքն էր գործում,
:այդ ժամանակ նա ժպտաց ու ասաց
:նրանց, որ բյուր ու բյուր էին իր շուրջ,
:պարզապես ասաց․ «Ես հեռաճամ եմ»։
:25․ Եվ լռաթյուն էր,
:քանզի քարացան ամենքն ապշահար,
:ու քամուց խոտն էր խշշում ոտքի տակ։
:26․ Եվ այդ լռաթյան մեջ նա մրմնջաց․
:«Եթե դիմել է մարդն իր Տիրոջը
:և ասել է, որ թեթևացնել է տենչում
:տառապանքն իր մերձավորաց,
:ու Տերը նրան ողորմածաբար
:հորդորել է, որ պիտի կատարվի
:ինչպես կամեցավ,
:հա՞րկ է, որ մարդը վարվի ճիշտ այնպես,
:ինչպես որ Տերն է ցուցանել նրան»։
:27․ Եվ բազմությունից
:շատերը նրան պատասխանեցին,
:թե չկա կասկած ու երկմտություն,
:և պետք է վարվեւ ճիշտ այնպես,
:ինչպես Տերն է ցուցանել,
:ու եթե նույնիսկ կանխորոշված է
:կրել դժոխքի չարչարանքները,
:ուրախությամբ է կրել հարկավոր՝
:համարելով դա շնորհ ու վայելք։
:28․ «Նշանակություն չունի՞
:ինչպիսի տառապանքներ են
:և ինչ խնդիր էր, որ Տերը տվեց»,֊
:այսպես հարցրեց նրանց։
:29․ Եվ նրան պատասխանեց․
:«Փառք է կախաղան ելնեւն ու փառք է
:գամվելն անպատիվ անարգասյունին,
:ողջակիզվելը կրակների մեջ,
:թե այդպիսին է խնդիրը Տիրոջ»։
:30․ Եվ այդ ժամանակ
:Վարպետը այսպես հարցրեց նրանց․
:«Իսկ ի՞նչ կանեիք, եթե Տերն ուղիղ
:ձեզ հետ խոսեր ու հրամայեր, որ
:երջանիկ լինեք աշխարհում այնքան,
:քանի ապրում եք։
:Այդ ժամանա՞կ՝ ինչ»։
:31․ Եվ լռություն էր նորից․
:ոչ մի բառ ու ոչ մի հնչյուն՝
:բլուրների և դաշտերի վրա,
:ուր խմբվել էին իր շուրջը նրանք։
:32․ Եվ ընկավ նրանց քար լռության մեջ
:խոսքը Վարպետի,
:և այսպես ասվեց.․«Երջանկությո՛ւնը՝ ճանապարհն ահա․
:և այդ ճամփին եք գտնելու ստույգ իմացությունը,
:հանուն որի ենք ընտրություն արել՝
:ապրելու այստե՛ղ և ա՛յս օրերում։
:Այս պահին սա եմ հասկացել, ուստի
:իմ ընտրությունն է՝ թողնել ձեզ,
:ամեն մեկիդ որ գնաք
:ձեր ճանապարհով ինչպես ուզում եք»։
:33․ Եվ բազմությունը ճեղքելով
:ճամփով, որ ինքն էր ընտրել
:թողեց նրանց ու վերադարձավ այն
:աշխարհը, որտեղ մարդիկ էին ու մեքենաները,
:ու սովորական օրվա ետևից հաջորդն էր գալիս,
:ու կյանքն էր այսպես հոսում շարունակ։
:==2==
: Ամռան կեսերին էր, որ դիպվածն ինձ հանդիպեցրեց Դոնալդ Շիմոդային։ Չորս տարվա թռիչքների ընթացքում չէի հանդիպել մեկ այլ օդաչուի, որը կաներ այն, ինչ ես էի անում հնամաշ բիպլանով․ թռչեր քաղաքից քաղաք և ուղևորներ ման տար՝ տաս րոպեն չորս դոլարով։ Բայց մի անգամ, Իլինոյս նահանգի Ֆերիս քաղաքից հյուսիս, ցած նայեցի իմ Ֆլիտի բաց խցիկից ու, կհավատա՞ք, տեսա, որ ներքևում մի հին Թրեվըլ Էյր֊4000 է կանգնած՝ ճերմակականաչ, զմրուխտյա, ցանկապատված դաշտում։
: Ես ազատ կյանք եմ վարում, բայց երբեմն չափազանց մենակ եմ զգում ինձ։ Եվ ահա, տեսա բիպլանը, մի քիչ մտմտացի ու վճռեցի, որ մեծ մեղք չի լինի, եթե նայեմ՝ ինչ կա այնտեղ։ Արագությունը հասցնելով նվազագույնի, ուղղորդման ղեկի օգնությամբ, սահքով՝ ես ու Ֆլիտը սկսեցինք իջնել։ Պտուտակի թափը կոտրելով՝ շարժիչը խլաձայն ու մեղմ ծոր տվեց իր խաղաղ «թիկ֊թակ»֊ը։ Պաշտպանիչ ակնոցը քաշեցի ճակատիս, որ ավելի լավ տեսնեմ, թե որտեղ եմ վայրէջք կատարելու։ Ներքևում սուլոցով սուրում էին հասկերի կանաչ ջունգլիները, առկայծեց ցանկապատը, որից այն կողմ, որքան կարողացա տեսնել, նոր հնձած դաշտն էր։ Ուղղորդման ղեկը հանեցի սահքի վիճակից ու ոչ մեծ շրջան արեցի գետնին.․խոտը խփվում էր անիվներին, հետո մեղմ շրշաց հողը, դանդա՛ղ, ավելի՛ դանդաղ, վերջապես լսվեցին շարժիչի արագ ճայթյունները, և մեքենան կանգ առավ մյուս ինքնաթիռի կողքին։ Ես անջատեցի շարժիչը։ Մեղմ կլակլտոց լսվեց, ու վրա հասավ հուլիսյան օրվա կատարյալ լռությունը։
: Թրեվըլ էյլրի օդաչուն, մեջքով իր ինքնաթիռի ձախ անիվին հենված, նստել էր խոտին ու նայում էր ինձ։ Ինքս այդքան անխռով մնալ չէի կարող և չէի նստի այդպես՝ հետևելով, թե մեկ ուրիշն ինչպես է վայրէջք կատարում ինձնից ընդամենը տաս ոտնաչափի վրա։ Ես գլխով արեցի։ Նա ինձ դուր էր եկել՝ ինքս էլ չգիտեմ, թե ինչու։
: ֊ Դու միայնակ մարդու տեսք ունես,֊ ասացի նրան։
: ֊Դու՝ նույնպես։
: ֊ Չեմ ուզում խանգարել։ Եթե ավելորդ եմ, կշարունակեմ թռիչքս։
: ֊ Չէ, ես սպասում էի քեզ։
: Ես ժպտացի․
: ֊ Կներես, որ ուշացա։
: ֊ Ոչի՛նչ։
: Ես հանեցի սաղավարտն ու ակնոցը, դուրս եկա խցիկից ու իջա գետնին։ Օդում անցկացրած մի քանի ժամից հետո դա միշտ էլ հաճելի է։
: ֊ Հուսով եմ, որ ապուխտից ու պանրից չես հրաժարվի,֊ ասաց նա,֊ ապուխտ, պանիր, հնարավոր է՝ նաև մրջյուն։
: Ու ոչ մի ձեռքսեղմում, ոչ մի ծանոթանալ։
: Նա մարմնեղ չէր, ուսերին հասնող մազերն ավելի սև էին, քան անիվի ռետինը, որին հենվել էր։ Աչքերը մուգ էին բազեի աչքերի պես։ Լավ է, երբ նման աչքեր ունի ընկերդ, բայց անծանոթի պարագայում անհանգստության զգացում ես ապրում։ Նա միանգամայն կարող էր իր հերթական աղմկոտ մրցելույթին մեկնող կարատեի վարպետ լինել։
: Ես նրա ձեռքից վերցրի սենդվիչն ու թերմոսի փոքրիկ բաժակը։
: ֊ Դու ո՞վ ես,֊ հարցրի,֊ ինքնաթիռով թափառելուս տարիներին ոչ մի անգամ ինձ պես շրջմոլիկի չէի հանդիպել։
: ֊ Ես, ճիշտն ասած, հատուկ որևէ բանի պիտանի չեմ,֊ ուրախ֊ուրախ ասաց նա։֊ Մի քիչ մեխանիկ եմ, եռակցող, քիչումիչ վաստակել եմ Քեթսի թրթուրավոր մեքենաները բանեցնելով։ Բանն այն է, որ երբ հարկ եղածից մի քիչ ավելի եմ մնում որևէ տեղ, միշտ ինչ֊որ պատմությունների մեջ եմ ընկնում։ Դրա համար էլ ինքնաթիռ սարքեցի ինձ համար և ահա շրջում եմ։
: ֊ Այդ ի՞նչ թրթուրավոր մեքենաներ են,֊ մանկուց խելքս գնում էր դիզելային տրակտորների համար։
: ֊ Դ֊8, Դ֊9։ Բայց այդ ամենը շատ կարճ տևեց, Օհայոյում։
: ֊ Դ֊9։ Այն մեծերն են, չէ՞, մի տան չափ։ Կրկնակի հաղորդակով․․․ դրանք իսկապե՞ս կարող են լեռ շարժել։
: ֊ Լեռներ շարժելու շատ ավելի լավ միջոցներ կան,֊ ասաց նա ժպիտով, որը մի ակնթարթ էլ չձգվեց։
: Ինքնաթիռի թևին հենված՝ մի րոպեի չափ հետևում էի։ Լույսի խա՜ղ..․ Նրան դժվար էր մոտիկից նայել։ Ասես լուսապսակ լիներ գլխին՝ մեղմ առկայծող արծաթավուն խորապատկերի վրա։
: ֊ Ինչ֊որ բան այնպես չէ՞,֊ հարցրեց նա։
: ֊ Իսկ այդ ի՞նչ պատմությունների մեջ ես ընկել։
: ֊ Առանձնակի ոչինչ չկար։ Պարզապես հիմա ինձ, ինչպես որ քեզ, դուր է գալիս շարունակ տեղաշարժվելը։
: Ես վերցրի սենդվիչս ու պտույտ տվի նրա ինքնաթիռի շուրջը։ 1928 կամ 1929 թվականի արտադրության մեքենա էր, ու վրան՝ ոչ մի քերծվածք։ Ոչ մի գործարան այդպիսի նոփ֊նոր ինքնաթիռներ չի արտադրում ու կանգնեցնում դաշտի մեջտեղը։ Յուղաներկի ու լաքի առնվազն քսան շերտերը հայելու պես շողշողում էին փայտե մասերին։ Խցիկի տակ՝ ոսկե տառերով, հին անգլիական տառատեսակով, գրված էր «ԴՈՆ», իսկ գրանցման քարտում նշված էր՝ Դ․ ՈՒ․ Շիմոդա։ Գործիքները նույնպես նոր էին, ասես հենց նոր արկղից հանած, 1928 թվականի իսկական թռիչքային գործիքներ։ Կաղնեփայտե հղկած սարքավահանակը և ուղղորդման ղեկը, խառնիչն ու բռնկման կանխարգելիչը՝ ձախից։ Հիմա արդեն բռնկման կանխարգելիչ չես տեսնի նույնիսկ լավագույնս վերականգնված ինքնաթիռներում։ Եվ ոչ մի տեղ՝ ոչ մի քերծվածք, ոչ մի բիծ՝ նրբակտավե երեսվածքին, յուղի ոչ մի կաթիլ՝ շարժիչի կափարիչին, ծղոտի ոչ մի շյուղ՝ խցիկի հատակին, ասես մեքենան երբևէ թռիչք կատարած չլիներ։ Կարծես այն պարզապես նյութականացել էր հենց այս դաշտում՝ ժամանակի ինչ֊որ կեսդարյա ճեղքվածքի միջով։ Ես զգացի, թե այդ ամենը տեսնելուց ինչպես են մեջքովս մրջյուններ վազվզում։
: ֊ Ինչքա՞ն ժամանակ է, որ ուղևորներ ես ման տալիս,֊ հարցրի նրան ինքնաթիռի մյուս կողմից։
: ֊ Մի ամիս, կարող է՝ հինգ շւսբաթ։
: Նա թռե՜լ էր։ Հինգ շաբաթվա թռիչք դաշտերի վրայով․ ով էլ լինես՝ և՛ կեղտ կհայտնվի ինքնաթիռիդ վրա, և՛ ծղոտ՝ խցիկիդ հատակին։ Թեկուզ քիչ, բայց ինչ֊որ բան կլինի։ Իսկ այդ մեքենա՜ն..․ Յուղի ոչ մի կաթիլ՝ հողմապակու վրա, ոչ մի ջնջխված միջատ՝ պտուտակին։ Ամռանն Իլինոյսում դա անհնար է ցանկացած ինքնաթիռի համար։ Ես էլի հինգ րոպեի չափ զննեցի Թրեվըլ էյրը, ապա վերադարձա ու թևի տակ նստեցի խոտին՝ դեմքով դեպի օդաչուն։ Այդ տղան ինձ դուր էր գալիս, բայց ինչ֊որ բան այն չէր։
: ֊ Ինչո՞ւ ինձ ճշմարտությունը չես ասում։
: ֊ Ես արդեն ասացի քեզ ճշմարտությանը, Ռի՛չարդ։ Եվ անունս էլ գրված է ինքնաթիռի վրա։
: ֊ Մարդը չի կարող ուղևորներ ման տալ այնպես, որ ինքնաթիռը, թեկուզ մի քիչ, չյուղոտի, բարեկա՛մս, գոնե մի քիչ չկեղտոտի։ Գոնե մի բիծ՝ երեսվածքի վրա, հը՞։ Աստվա՜ծ իմ, գոնե խոտի մի շյուղ՝ հատակին։
: Նա խաղաղ ժպտաց․
: ֊ Կան բաներ, որ դու չգիտես։
: Այդ պահին նա օտարական էր, ուրիշ մոլորակի մարդ։ Ես հավատացի նրան, բայց որևէ բացատրություն չէի գտնում այդ ոսկերչական իրի գոյության համար, որն, ըստ էության, նրա ինքնաթիռն էր՝ թռիչքադաշտի կենտրոնում։
: ֊ Ճի՛շտ է։ Բայց երբևէ կիմանամ։ Ամեն ինչ կիմանամ։ Եվ այն ժամանակ կարող ես վերցնել իմ ինքնաթիռը, Դո՛նալդ, որովհետև այլևս թռչելու կարիք չեմ ունենա։
: Նա հետաքրքրությամբ նայեց ինձ, ու սև հոնքերը ձգվեցին վեր։
: ֊ Իսկապե՞ս։ Պատմի՛ր։
: Ես ցնծում էի․ ինչ֊որ մեկին հետաքրքրել էր իմ տեսությունը․․․
: ֊ Մարդիկ երկար ժամանակ թռչել չէին կարողանում։ Գուցե և ոչ այն պատճառով, որ դա անհնար էին համարում, գուցե չէին յուրացրել աերոդինամիկայի առաջին օրենքը։ Ես ուզում եմ հավատալ, որ ինչ֊որ տեղ գոյություն ունի մեկ այլ օրենք, և մեզ հարկավոր չեն ինքնաթիռները, որպեսզի թռչենք, կամ անցնենք պատերի միջով, կամ հասնենք ուրիշ մոլորակների։ Մենք կարոդ ենք սովորել և անել այդ ամենը նաև առանց մեքենաների։ Որտեղ էլ որ լինի։ Եթե ցանկանանք։
: Նա ժպտաց իր հպանցիկ ժպիտով ու լուրջ֊լուրջ գլխով արեց։
: ֊ Եվ դու գտնում ես, որ կսովորես այդ ամենը, եթե շարունակես երեք դոլարով ուղևո՞ր ման տալ։
: ֊ Միակ ուսումնառությունը, որ իմաստ ունի, այն է, որին ինքդ ձգտում ես։ Չկա և չի կարող լինել երկրի վրա մեկը, որն ինձ ավելին կսովորեցնի, քան իմ ինքնաթիռն ու երկինքը։ Եվ եթե նման մեկը լիներ, ես անմիջապես կգնայի փնտրելու այդ մարդուն։ Մեկ է՝ տղամարդ լիներ, թե՝ կին։
: Մուգ աչքերը հանդարտ ու սևեռուն նայում էին ինձ։
: ֊ Դու, եթե իսկապես ուզում ես սովորել, մի՞թե չես հավատում, որ քեզ ղեկավարում են։
: ֊ Այո, ինձ ղեկավարում են։ Իսկ ո՞ւմ չեն ղեկավարում։ Ես միշտ զգացել եմ, որ ինձ հետևում են կամ նման մի բան։
:֊ Եվ կարծում ես՝ քեզ կբերեն Ուսուցչի մոտ, որը կօգնի քեզ։
:֊ Եթե չպատահի այնպես, որ ինքս լինեմ այդ ուսուցիչը, ապա՝ այո։
:֊ Կարող է և այդպես լինել,֊ ասաց նա.․․
: Թարմ տեսքով, նոր արտադրության պիկապը, փոշու ամպ բարձրացնելով, անաղմուկ մոտեցավ մեզ ու կանգ առավ դաշտի եզրին։ Դռնակները բացվեցին։ Մեքենայից իջան մի ծերունի ու մի տասնամյա աղջնակ։ Այնպիսի անհողմություն էր, որ փոշեհատիկը կախվում֊մնում էր օդում։
:֊ Այդ դո՞ւք եք այստեղ ուղևորներ ման տալիս,֊ հարցրեց ծերունին։ Դաշտը Դոնալդն էր գտել, ուստի ես ձայն չհանեցի։
:֊ Այո, սը՛ր,֊ ուրախ֊ուրախ ասաց նա։֊ Այսօր վատ չէր լինի թռչել, ճի՞շտ է։ Ուզո՞ւմ եք։
:֊ Իսկ եթե ուզեմ, չե՞ք սկսի խեղկատակություն անել օդում, գլուխկոնծի տալ,֊ ծերունու աչքերը չարաճճի կայծկլտում էին, քանի դեռ զննում էր մեզ, փորձելով տեսնել՝ գլուխ հանո՞ւմ ենք իր պես գեղջուկից։
:֊ Կուզեք՝ կանենք, չեք ուզի՝ չենք անի։
:֊ Բայց դուք երևի ահագին փող եք պլոկում, չէ՞։
:֊ Կանխիկ երեք դոլար՝ ինը֊տաս րոպե թռիչքի համար։ Դա նշանակում է՝ երեսուներեք ու երեք տասնորդական սենթ՝ րոպեում։ Շատերն ասում են, որ արժե։
: Ես կողմնակի մարդու տարօրինակ զգացում ունեի, որը պարապ նստել ու լսում էր, թե ուրիշն ինչպես է դրստում իր գործերը։ Ինձ դուր էր գալիս, որ նա այդ ամենն այդքան զուսպ ասաց։ Ես այնպես էի վարժվել թռիչքներս աղմկոտ գովազդելուն (Մարդի՜կ, ձեզ վերևում երաշխավորում եմ տաս աստիճանով ցածր ջերմություն։ Մեկնենք այնտեղ, ուր թռչում են միայն թռչուններն ու հրեշտակները։ Եվ այդ ամենը՝ երե՜ք դոլարով, չնչին մասը ձեր քսակի կամ գրպանի․․․), որ արդեն չէի էլ պատկերացնում՝ ինչպես կարելի է առանց դրա։
: Միայնակ թռչելն ու ուղևորներ ման տալը ծանր աշխատանք է։ Ես վարժվել էի դրան, բայց մի ուրիշ հանգամանք էլ կար․ եթե ես ուղևորներ չունենայի, ուտելու բան էլ չէի ունենա։ Հիմա, երբ հնարավոր էր պարապության տրվել, քանզի իմ ճաշն այլևս կախված չէր իմ եկամտից, կարող էի գեթ մեկ անզամ լիցքաթափվել ու նայել՝ ինչ է կատարվում։ Աղջնակը հետ էր քաշվել ու նույնպես դիտում՛ էր։ Շիկահեր, խաժ աչքերով, լուրջ հայացքով՝ նա կանգնել էր այստեղ, որովհետև այստեղ էր իր պապիկը։ Նա թռչել չէր ուզում։ Ավելի հաճախ հակառակն է՝ թռիչք տենչացող երեխաներ ու զգուշավոր մեծեր։ Երբ դրանով եք վաստակում ձեր հացը, նման հարցերում հոտառություն է մշակվում, ես հո գիտեի, որ աղջնակը չի թռչելու, եթե նույնիսկ ամբողջ ամառը նստենք այստեղ։
: ֊ Ձեզնից ո՞րը, ջենթլմեննե՛ր,֊ հարցրեց ծերունին։
: Շիմոդան իր բաժակի մեջ ջուր լցրեց։
: ֊ Ռիչարդը կտանի ձեզ։ Ես դեռ ճաշում եմ։ Կամ էլ՝ սպասեք։
:֊ Ոչ, սը՛ր, ես պատրաստ եմ թռչել հենց հիմա։ Կարո՞ղ ենք անցնել իմ ագարակի վրայով։
:֊ Իհարկե,֊պատասխանեցի ես,֊ միայն ցույց տվեք, թե որ կողմն եք կամենում թռչել, սր՛ր։
: Ես խցիկի առաջնամասից իջեցրի անկողինս, գործիքների արկղն ու կաթսայիկները, ծերունուն օգնեցի բարձրանալ ուղևորի տեղն ու կապեցի նրան ամրագոտիներով։ Ապա սահեցի ետևի նստիքին ու ձգեցի ամրագոտիս։
: ֊ Օգնիր, Դո՛ն, լա՞վ։
: ֊ Ըհը՛,֊ նա, գավաթը ձեռքին, վեր կացավ ու կանգնեց պտուտակի մոտ։֊ Ի՞նչ պիտի անեմ։
: ֊ Պտուտա՛կը։ Կամա՜ց պտտիր։ Հրումից կպոկվի ձեռքիցդ։
: Միշտ, երբ որևէ մեկը դարձնում էր Ֆլիտի պտուտակը, չափազանց արագ էր անում դա, և ինչ֊որ անհասկանալի պատճառով շարժիչը չէր գործարկվում։ Բայց այս մարդն այնքան մեղմ պտտեց, ասես ողջ կյանքում այդ գործով էր զբաղվել։ Մագնետոն ճթթաց, կայծը գնաց ցիլինդր, ու հին շարժիչը թեթև֊ թեթև աշխատեց։ Շիմոդան վերադարձավ իր ինքնաթիռի մոտ, նստեց ու զրույցի բռնվեց աղջնակի հետ։
: Շարժիչը մռնչաց, և դեսուդեն թռչող ծղոտի հողմապտույտի մեջ Ֆլիտը երկու հարյուր ոտնաչափ օդ բարձրացավ (եթե շարժիչը հիմա խափանվի, կիջնենք արտում), հինգ հարյուր ոտնաչափ (հիմա կարելի է շրջադարձ անել ու նստել արոտատեղում, այստեղից արևմուտք կովերի արոաավայր կա), ութ հարյուր ոտնաչափ։ Ես ուղղում եմ մեքենան՝ թռչելով այն կողմն, ուր ցույց է տալիս ծերունու մատը, հարավ֊արևելյան քամուն հակառակ։ Երեք րոպեի թռիչք, ու մենք արդեն պտույտ ենք անում ագարակի փղոսկրագույն շինությունների վրա, որ թաքնվել են եգիպտացորենի և անանուխի թփուտներում։ Տան հետևը բանջարանոցն է, որտեղ շաքարի եգիպտացորեն է աճում, սալաթ ու լոլիկ։
: Առջևի նստիքին տեղավորված մարդը, քանի դեռ պտտվում էինք ագարակի վրա, ներքև էր նայում Ֆլիտի թևերի ու ծգալարերի բացվածքի միջով։ Ներքևում, սանդղամուտին, մի կին երևաց՝ կապույտ զգեստի վրայից ճերմակ գոգնոց կապած, ու ձեռքով արեց մեզ։ Տղամարդն ի պատասխան թափահարեց ձեռքը։ Հետո նրանք տպավորություններ կփոխանակեն, թե ինչ լավ էին տեսնամ մեկմեկու։ Վերջապես ծերունին դարձավ իմ կողմն ու գլխով արեց, այսինքն՝ արդեն բավական է, շնորհակալություն, կարոդ ենք վերադառնալ։
: Ես մի մեծ պտույտ տվի Ֆերիս քաղաքի վրա՝ նշան անելով, որ ուղևոր եմ ման տալիս, ու սկսեցի պարուրաձև իջնել, որպեսզի ցույց տամ, թե որտեղից եմ թռչում։ Երբ դաշտի վերևը կտրուկ շրջադարձ անելով՝ գնացի վայրէջքի, Թրեվըլ Էյրը վեր ճախրեց և անմիջապես ուղղվեց ագարակի կողմը, որի վրայով հենց նոր թռչում էինք։
: Մի ժամանակ ես թռչում էի հնգյակի կազմում, և իմ մեջ արթնացավ նույն զգացումը.․․ Մի ինքնաթիռն, ուղևորով հանդերձ, օդ է բարձրանում այն պահին, երբ մյուսը գնում է վայրէջքի։ Մենք թեթև ցնցումով դիպանք հողին ու գլորվեցինք դեպի դաշտի հեռավոր ծայրը, ճանապարհի կողմը։ Շարժիչը լռեց, ծերունին արձակեց ամրագոտին, ու ես օգնեցի, որ դուրս գա խցիկից։ Նա հանեց դրամապանակն ու գլուխն օրորելով՝ սկսեց հաշվել թղթադրամները։
: ֊ Ա՜յ սա ուղևորություն էր, տղա՛ս։
: ֊ Մենք էլ ենք նույն կարծիքին։ Վատ ապրանք չենք ծախում։
: ֊ Ծախողն ընկերդ է։
: ֊ Ահա՜ թե ինչ։
: ֊ Այո, ընկերդ սատանային էլ մոխիր կծաիփ։ Գրագ եմ գալիս։ Այդպես չէ՞։
: ֊ Ինչո՞ւ եք այդպես կարծում։
: ֊ Աղջնակի պատճառով, ուրիշ ինչի՞,֊ այդ ասելիս նա հետում էր Թրեվըլ Էյրին, որն արծաթակապտավուն ծխաշղարշի մեջ պտտվում էր ագարակի վրա։֊ Որ իմ թոռնիկ Սառան ինքնաթիռով թռչե՜ր։֊ Նա այնպես էր խոսում, ինչպես անտագնապ կխոսեր մարդը, նկատելով թե իր այգում խնձորենու չոր ճյուղն ինչպես է ծաղկել ու ծանրացել հասուն պտուղներով։֊ Ծննդյան պահից այդ աղջիկը մահու չափ վախենում է բարձրությունից։ Ճչո՜ւմ էր։ Պարզապես սարսափահար էր լինում։ Նա ավելի շատ մերկ ձեռքերով ձիաբոռ կբռներ, քան կմագլցեր ծառը։ Սանդուղքով ձեղնահարկ չէր բարձրանա, եթե նույնիսկ ջրհեղեղ սկսվեր։ Աղջնակը հրաշալի լեզու է գտնում մեքենաների հետ, ասենք՝ կենդանիների հետ էլ վատ չէ, բայց այ բարձրությո՜ւնը, դրանից փախչում է, ինչպես ժանտախտից։ Ու հիմա, տես, թռչո՜ւմ է։
: Նա շարունակում էր խոսել այդ և զանազան այլ բաների մասին, հիշեց, թե շատ տարիներ առաջ մեզ նման շրջմոլիկներն ինչպես էին թռչում Հեյսբերգի ու Մոնմութի վրայով, այնպիսի «գրադարակներով», ինչպիսին մերն են, միայն թե դրանցով սատանա՜ն գիտի ինչեր էին անում։ Ես նայում էի, թե հեռավոր Թրեվըլ Էյրն ինչպես է աստիճանաբար խոշորանում, ինչպես պարուրաձև անցավ դաշտի վրայով, շատ ավելի կտրուկ շրջադարձով, քան ես կանեի, սահեց արտի վրայով, ապա ցանկապատի, դիպավ խոտին և այնքան ճշգրիտ նստեց երեք կետի վրա, որ շունչս բռնվեց։ Դոնալդ Շիմոդան, ըստ ամենայնի, շա՜տ վաղուց է թռչում, եթե կարողանում է ահա այսպես նստեցնել Թրեվըլ Էյրը։
: Ինքնաթիռն առանց ջանքի գլորվեց ու կանգ առավ մեր կողքին։ Պտուտակը մեղմ ծլնգաց ու համրացավ։ Ես վեր թռա, որ օգնեմ, արձակեցի աղջնակի ամրագոտին, բացեցի առջեւի խցիկի դռնակը ու ցույց տվի, թե ուր դնի ոտքը, որ ինքնաթիռի թեվի երեսվածքը չվնասի։
: ֊ Ո՞նց է, դուրդ եկա՞վ։
: Նա չլսեց անգամ, թե ինչ եմ հարցնում։
: ֊ Պապի՜կ։ Ես չե՜մ վախենում։ Ինձ համար սարսափելի չէր, ազնիվ խոսք։ Տունն ասես խաղաղիք լիներ, իսկ մայրիկը ձեռքով արեց ինձ, իսկ Դոնն ասաց, թե ես վախենում էի, որովհետև մի անգամ բարձր տեղից ընկել ու մահացել եմ, և որ այլևս չպիտի վախենամ։ Ես օդաչու կդառնամ, պապի՛կ։ Ես ինքնաթիռ կունենամ և ինքս էլ կվարեմ, կթռչեմ ամենուր ու ման կտամ մարդկանց։ Կարելի՞ է։
: Շիմոդան ժպտաց ծերունուն ու թոթվեց ուսերը։
: ֊ Այդ նա՞ ասաց, որ օդաչու ես դառնալու, այո՞ , Սառա։
: ֊ Չէ, ե՛ս։ Ախր գիտես, չէ՛, որ շարժիչներից լավ եմ հասկանում։
: Նրանք շնորհակալություն հայտնեցին, ու մեկը քայլեց, իսկ մյուսր վազ տվեց դեպի պիկապը՝ երկուսն էլ կերպափոխված նրանից, ինչ կատարվել էր դաշտում ու երկնքում։
: Հայտնվեց ևս երկու մեքենա, հետո՝ էլի մեկը, և ամբողջ օրը մեզ մոտ լի՜քը ժողովուրդ կար, մարդիկ, որ անհամբերությամբ ուզում էին Ֆերիսը տեսնել երկնքից։ Մենք առանց դադարի տասներկու թե տասներեք ուղերթ կատարեցինք, ընդ որում ջանում էինք կարելվույն չափ, որից հետո սլացանք քաղաք՝ Ֆլիտի համար բենզին բերելու։ Հետո էլի մի քանի ուղևոր ունեցանք, և էլի, ու վրա հասավ երեկոն, իսկ մենք առանց դադարի հետուառաջ էինք թռչում, մինչև արևի մայր մտնելը։
: Ինչ֊որ տեղ ուղենշանի վրա կարդացի՝ «Բնակչաթյունը֊200», ու երբ սկսեց մթնել, մտածեցի, որ նրանց բոլորին արդեն ման ենք տվել, հնարավոր է՝ ոմանց նաև արվարձաններից։ Իրարանցման մեջ մոռացել էի Դոնին հարցնել Սառայի մասին, հորինե՞լ էր նա այդ պատմությունը, թե լուրջ էր խոսում։ ժամանակ առ ժամանակ, քանի դեռ ուղևորները տեղավորվում էին, ես ուշադիր հետևում էի նրա ինքնաթիռին։ Ոչ մի բիծ, ոչ մի խալ, այն հավանաբար խույս էր տալիս միջատներից, որոնց ես, մեկ֊երկու ժամ թռիչքից հետո, ստիպված էի լինում մաքրել հողմապակուց։
: Երկինքն արդեն համարյա մթնել էր, երբ ավարտեցինք։ Ու քանի դեռ ծղոտ էի լցնում իմ թիթեղյա վառարանը, վրան ածուխի խտակտորներ ավելացնում ու կրակ անում, լրիվ մթնեց, և կրակը վառ լուսացոլքեր էր նետում կողք կողքի կանգնած ինքնաթիռների վրա ու մեր շուրջը՝ ծղոտի ոսկեգույն ցողուններին։ Ես բաց արի մթերարկղը։
: ֊ Ապո՞ւր, թե՞ խաշած միս, գուցե սպագետի՞,֊ հարցրի,֊ գուցե տանձ կամ դե՞ղձ։ Տաք֊տաք դեղձեր ուզո՞ւմ ես։
: ֊ Մեկ է,֊ մեղմ ասաց նա,֊ որևէ բան կամ ոչինչ։
: ֊ Դու, ի՞նչ է, քաղցած չե՞ս։ Ախր ծանր օր էր։
: ֊ Տեսականիդ այն չէ, հանուն որի արժե սովածանալ, թերևս՝ եթե լավ միս լիներ։
: Ես մսի պահածոն բացեցի իմ շվեդական սպայական վթարային դանակով, նույն կերպ և սպագետիի տուփը, ու երկուսն էլ դրեցի կրակին։ Գրպաններս լեփլեցուն էին թղթադրամներով։ Դա օրվա՝ ինձ համար առավել հաճելի պահերից էր։ Դուրս քաշեցի փողն ու սկսեցի հաշվել՝ չջանալով անգամ շտկել ու դասավորել դրամները։ Պարզվեց՝ հարյուր քառասունյոթ դոլար է, ու ես սկսեցի մտքում հաշիվ անել, ինչն ինձ համար այնքան էլ հեշտ չէր։
: ֊ Սպասի՛ր, սպասի՛ր․․․ թող մտածեմ, չորս ու երկուսն էլ մտքում․․․ քառասունինը ուղերթ՝ այսօր։ Դո՜ն, ես խփեցի այն ռեկորդը, երբ հարյուր դոլարանոց օր էի ունեցել, միայն ես ու Ֆլիտր։ Դա, հավանաբար, երկու հարյուր դոլարանոցն էլ կխփեիր, ախր հիմնականում դու էիր ման տալիս միանգամից երկուսին։
: ֊ Հիմնականում՝ այո։ Իսկ ի՞նչ կասես այն ուսուցչի կապակցությամբ, որին փնտրում ես,֊ փոքր֊ինչ հապաղելով հարցրեց Դոնը։
: ֊ Ես ոչ մի ուսուցչի էլ չեմ սպասում,֊ ասացի։֊ Ես փող եմ հաշվում։ Ես կարող եմ մի շաբաթ ապրել սրանով։ Մի ամբողջ շաբաթ կարող եմ մատս մատիս չտալ։
: Նա ինձ նայելով՝ ժպտաց․
: ֊ Երբ փողերիդ մեջ լող տալն ավարտես, չե՞ս հաճի ինձ փոխանցել մսի պահածոն։
:==3==
: Հրմշտոց, ամբոխներ, մարդկային բազմության գետեր, որ հորձանք են տալիս դեպի կենտրոնում կանգնածը։ Հետո մարդկային հոսանքները ձուլվում են, դառնամ օվկիանոս, որն ուր որ է կուլ կտա կենտրոնում կանգնած մարդուն, սակայն խորտակվելու փոխարեն նա ինչ֊որ մեղեդի սուլելով քայլում է օվկիանոսի միջով ու անհետանում․․․ Ջրեղեն օվկիանոսը վերածվեց խոտեղենի։ Ոսկեճերմակ Թրեվըլ Էյրն իջավ խոտին, օդաչուն դուրս եկավ խցիկից և ինքնաթիռի վրա կտավե պաստառ փակցրեց ԹՌԻՉՔ֊3$֊ԹՌԻՉՔ։
: Առավոտյան ժամը երեքն էր, երբ արթնացա, ու երագս հիշում էի ամբողջությամբ, և անհասկանալի պատճառով երջանիկ էի դրանից։ Ես բացեցի աչքերս ա լուսնալույսի տակ տեսա, որ խոշոր Թրեվըլ Էյրը կանգնած է Ֆլիտի կողքին։ Շիմոդան իր անկողնու վրա նստել էր ճիշտ այնպես, ինչպես այն ժամանակ, երբ առաջին անգամ հանդիպեցինք՝ ինքնաթիռի ձախ թևին հենված։ Չի կարելի ասել, թե նրան պարզորոշ տեսնում էի։ Ուղղակի գիտեի, որ այդպես է։
: ֊ Հե՜յ, Ռի՛չարդ,֊ մաթի միջից կամացուկ ձայն տվեց նա։֊ Սա մի՞թե քեզ ոչինչ չի ասում։
: ֊ Ի՞նչ պիտի ասի,֊ աղոտ գլխի ընկնելով, հարցրի ես՝ դեռևս հիշելով երազս ու, թվում է, բնավ չզարմանալով, որ նա արթուն է։
: ֊ Քո երազը։ Այդ տղան՝ բազմության մեջ, և ինքնաթիռը,֊ համբերատար բացատրեց նա։֊ Դու ուզում էիր գիտենալ իմ մասին, հիմա գիտես, ամեն ինչ կարգի՞ն է։
: Այդպիսի հաղորդագրություններ եղել էին․ Դոնալդ Շիմոդան, նա, ում կոչում էին Մեխւսնիկ֊Մեսիա, ամերիկացի օդաչուն, որ չքացել էր քսանհինգ հազարանոց բազմության աչքի առաջ։ Դա հիշում էի, կարդացել էի Օհայո նահանգի մի փոքրիկ քաղաքի լրագրային վահանակին, աչքիս էր ընկել, որովհետև թերթի առաջին էջում էր։
: ֊ Դոնւսլդ Շիմո՞դա։
: ֊ Ձեր խոնարհ ծառան,֊ ասաց նա։֊ Հիմա դու գիտես, ուրեմն ստիպված չես լինի գլուխ ջարդել ինձ վրա։ Իսկ հիմա՝ քնի՛ր։
: Ես դեռ երկար մտածում էի այդ ամենի մասին, մինչև քնով կանցնեի։
: ֊ Մի՞թե ձեզ թույլատրվում է․․․ Մտքովս չէր էլ անցնում․․․ Դու այնպիսի աշխատա՜նք անես՝ Փրկի՜չ, քեզնից սպասում են, որ փրկելու ես աշխարհը, այդպես չէ՞։ Մտքովս չէր անցնի, որ Փրկիչը կարող է հեշտ ու հանգիստ պնդօղակ պտտել, իսկ հետո վերցնել ու հրաժարվել ամեն ինչից։
: Ես նստել էի Ֆլիտի շարժիչի կափարիչին ու վերևից նայում էի իմ տարօրինակ ընկերոջը։
: ֊ Տուր, խնդրում եմ, տասնվեց համարի բանալին։
: Նա խառնշտորեց արկղը, գտավ ու ինձ նետեց մանեկաբանալին։ Ինչպես մյուս գործիքները՝ բանալին էլ, որ նետեց ինձ, դանդաղեցրեց թռիչքն ու ծուլորեն պտտվելով, լող տալով անկշռելիության մեջ՝ կախվեց֊մնաց օդում։ Բայց հենց դիպա, իջավ ափիս մեջ, ու սովորական քրոմապատ ավիացիոն մանեկաբանալի էր։ Թեև, ասենք, ոչ այնքան սովորական։ Այն պահից ի վեր, երբ ձեռքիս մեջ ջարդվեց 7/8 համարի բանալին, ամենալավագույն գործիքներն էի գնում, որ հնարավոր էր հայթայթել․․․ Դա իսկապես առաջնակարգ բանալի էր և, ըստ այդմ, ինչպես հայտնի է ցանկացած մեխանիկի՝ ոչ սովորական։ Գնից դատելով մանեկաբանալին կարող էր և մաքուր ոսկուց լինել, ու կատարյալ հաճույք էր այն ձեռքի մեջ պահելը, համոզված, որ չի ջարդվի, ինչպես էլ բանեցնես։
: ֊ Իհարկե, դու կարող ես հրաժարվել։ Հրաժարվել՝ ինչից ուզում ես, եթե միտքդ փոխել ես։
: Նա թռիչքի նետեց Ֆիլիպսի պտուտակահանը, հենց այնպես, ասես զվարճանալու համար։
: ֊ Եվ այսպես, հրաժարվո՛ւմ ես Փրկիչ լինել, ու եթե խոսքս այնպես է հնչում, ասես արդարանում եմ, ապա պատճառը երևի այն է, որ իսկապես դեռ մի քիչ արդարանում եմ։ Ավելի լավ է, սակայն, այդպես, քան շարունակես աշխատանքն ու ատես այն։ Լավ Փրկիչը ոչինչ չի ատում։ Եվ ազատ է՝ գնալու ցանկացած ճանապարհով, որով ուզում է գնալ։ Դե ինչ, դա, իհարկե, արդարացի է ուզածդ մարդու համար։ Մենք բոլորս Աստծո որդիներն ենք, կամ՝ Գոյի, կամ՝ Բանականության գաղաւիարի, կամ որևէ այլ բանի՝ ինչ անուն էլ որ տաս։
: Ես չարչարվում էի, որ մանեկները ձգեմ Քինների շարժիչի ցիլինդրի հիմնամասին։ Լավ շարժիչ է, ծերուկ Բ֊5֊ի, սակայն մի հարյուր ժամվա թռիչքից հետո մանեկները թուլանում ու սկսում են լխկլխկալ, ուրեմն ավելի լավ է չթողնես, որ բանը հասնի դրան ու նախօրոք ձգես։ Եվ, իհարկե, առաջին իսկ մանեկը, որ բռնեցի բանալիով, պահանջվածից քառորդ պտույտով թույլ էր։ Ու ես ուրախացա իմ շրջահայացությունից։
: ֊ Դո՛ն, Դո՛ն, ճիշտ է, բայց ինձ թվում է՝ եթե փրկչությունը չտարբերվեր մյուս աշխատանքներից, ապա, գիտե՞ս ինչ, Հիսուսը կվերադառնար ու հաց կվաստակեր մուրճ բանեցնելով։ Դա տարօրինակ չե՞ս համարում։
: Նա մտքի մեջ ընկավ՝ փորձելով ըմբռնել իմ տեսակետը։
: ֊ Ես քեզ չեմ հասկանում։ Տարօրինակը հենց այն է, որ նա չթողեց ամեն ինչ, երբ իրեն առաջին անգամ սկսեցին Փրկիչ կոչել։ Այդ զզվելի նորությունը լսելուն պես փախչելու փոխարեն նա փորձեց տրամաբանել․ «Լա՛վ, ես Աստծո Որդին եմ, բայց մենք բոլորս ենք այդպիսին, ես Փրկիչ եմ, բայց դուք բոլորդ՝ նույնպես։ Հրաշքները, որ ես գործում եմ, դուք էլ կարող եք գործել»։ Ցանկացած ողջամիտ մարդ հասկանում է դա։
: Շարժիչի կափարիչին տոթ էր, սակայն աշխատանքը որպես տաժանակիր գործ չէր ընկալվում։ Որքան ավելի շատ պիտի աշխատվեր, այնքան ավելի քիչ էի դա աշխատանք համարում։ Հաճույք էի ստանում այդ պահին անելուց այն, ինչը ցիլինդրին թույլ չէր տա պոկվել շարժիչից։
: ֊ Ասա, եթե քեզ էլի բանալի պետք լինի։
: ֊ Ինձ ոչ մի բանալի էլ պետք չէ։ Ես, պարզվում է, հոգու վեհացման այնպիսի մակարդակի եմ հասել, որ քո այդ ձեռնածություններին, Շիմո՛դա, պարզապես նայում եմ որպես ինչ֊որ աստիճանի վեհացած հոգու, կամ, հնարավոր է, սկսնակ հիպնոսողի խաղերի։
: ֊ Հիպնոսո՜ղ։ Դու ավելի ու ավելի ես մոտենում նշանակետին։ Բայց ավելի լավ է հիպնոսող լինել, քան Փրկիչ։ Ի՜նչ ձանձրալի աշխատանք է։ Ու ոնց մտքովս չէր անցել, որ այդքան ձանձրալի կլինի։
: ֊ Դու գիտեի՛ր,֊ իմաստունի տեսքով ասացի ես։ Նա միայն ծիծաղեց։֊ Դո՛ւ, Դո՛ն, երբևէ մտածե՞լ ես, որ, ի վերջո, հնարավոր է այնքան էլ հեշտ չլինի ամեն ինչ թողնելը։ Կարող է պարզվել, որ սովորական մարդու կյանքով ապրելն այնքան էլ դյուրին չէ։
: Նա չծիծաղեց։
: ֊ Դու, իհարկե, իրավացի ես,֊ ասաց ու խառնշտորեց մազերը։֊ Բավական էր մի քիչ ավելի երկար մնայի որևէ տեղ, մեկ֊երկու օր ավելի, և ահա մարդիկ գլխի էին ընկնում, որ ես ինձնից ինչ֊որ տարօրինակ բան եմ ներկայացնում։ Ձեռքդ հպում ես թևքիս, ու բուժվում է վերջին փուլի քաղցկեղդ.․․ Եվ շաբաթ էլ չէր անցնում, ու ես հայտնվում էի բազմության կենտրոնում։ Այս ինքնաթիռն ինձ տեղաշարժվելու հնարավորություն է տալիս, ոչ ոք չգիտի՝ որտեղի՞ց եմ գալիս, ո՞ւր եմ գնում, և դա ինձ լիուլի բավարարում է։
: ֊ Քեզ կտրուկ փոփոխություններ են սպասում, Դո՛ն, շատ ավելի կտրուկ, քան կարծում ես։
: ֊ Իսկապե՞ս։
: ֊ Այո, մեր ժամանակներում ամեն ինչ նյութականից գնում է դեպի հոգևորը.․․ թեկուզև դանդաղ, բայց, մեկ է, ահռելի ընթացք է։ Կարծում եմ՝ աշխարհը քեզ հանգիստ չի թողնի։
: ֊ Նրանց ե՛ս չեմ պետք, այլ՝ հրաշքները։ Իսկ դա ես կարող եմ սովորեցնել ում ուզես։ Թող նա՛ Փրկիչ լինի։ Ես նրան չեմ ասի, որ դա ձանձրալի աշխատանք է։ Եվ բացի այդ․ «ՉԿԱ ՈՐԵՎԷ ՊՐՈԲԼԵՍ՝, ՈՐՆ ԱՅՆՔԱՆ ՄԵԾ ԼԻՆԵՐ, ՈՐՊԵՍԶԻ ԱՆՀՆԱՐ ԴԱՌՆԱՐ ՆՐԱՆԻՑ ՓԱԽՉԵԼԸ»։
: Ես կափարիչից թռա խոտին ու սկսեցի ձգել երրորդ ցիլինդրի մանեկները։ Բոլորը չէ, որ թուլացել էին, բայց մի քանիսը հարկավոր էր ձգել։
: ֊ Դու, ի՞նչ է, «Խուզարկու շնի՞ց» ես մեջբերում անում, Դո՛ն։
: ֊ Ես ճշմարտությունը մեջբերելու եմ ցանկացած տեղից, որտեղ գտնելու լինեմ։ Դա քեզ դուր չի՞ գալիս։
: ֊ Դու չես կարող փախչել, Դոն։ Իսկ եթե սկսեմ հենց հիմա երկրպագե՞լ քեզ։ Իսկ եթե հոգնեմ շարժիչս բզբզելուց ու սկսեմ պաղատել, որ դու այն նորոգես իմ փոխարե՞ն։ Լսի՜ր, ես քեզ կտամ բոլոր փողերը, որ կվաստակեմ լուսաբացից մայրամուտ աշխատելով, ամբողջը, մինչև վերջին սենթը, եթե ինձ սովորեցնես ճախրել երկնքում։ Իսկ եթե չանես, այդժամ կգիտենամ, որ պարտավոր եմ աղոթել քեզ՝ Սրբի՛դ, Բեռը Թեթևացնելու Առաքվածի՛դ։
: Նա ի պատասխան ժպտաց միայն։ Ինձ մինչև օրս թվում է՝ չէր հասկանում, որ չի կարողանա փախչել։ Ես ինչպե՞ս կարող էի գիտենալ այն, ինչ նա չգիտեր։
: ֊ Դու անցել ես այդ ներկայտցւսսն միջո՞վ, որ մենք տեսնում ենք հնդկական կինոնկարներում։ Ամբոխներ փողոցներում, միլիոնավոր ձեռքեր, որ հպվում են քեզ, ծաղիկներ ու խնկարկում, արծաթե գոբելեններով ծածկված ոսկյա հարթակներ, որոնց վրա կարող էիր կանգնել ու խոսել։
: ֊ Ոչ։ Նախքան ինձ համար այդպիսի աշխատանք ուզելը, գիտեի, որ դրան չեմ դիմանա։ Ուստի խնդրեցի Միացյալ Նահանգներն ու ստացա միայն ամբոխներ։
: Հուշերը նրան ցավ էին պատճառում, և ես զղջացի, որ սկսել եմ այդ խոսակցությունը։
: Նա նստել էր խոտին և, իմ միջով նայելով, շարունակեց․
: ֊ Ես ուզում էի ասել՝ Աստծո՜ւ սիրուն, եթե ազատություն և ուրախություն եք ցանկանում, չե՞ք տեսնում միթե, որ այն ձեզնից դուրս գոյություն չունի ոչ մի տեղ։ Ասացեք ինձ, որ ունեք և կունենա՛ք։ Վարվեք այնպես, ասես ձերն է, ու կլինի՛ ձերը։ Ռի՛չարդ, ի՜նչ մի սարսափելի դժվար բան է դա։ Բայց նրանք նույնիսկ չէին լսում, համենայնդեպս՝ մեծ մասը։ Հրաշքնե՜րը․․․ Պատկերացնո՞ւմ ես, դա նույնն է, թե գնաս ավտոարշավի զուտ վթարներ տեսնելու, նույն կերպ նրանք ինձ մոտ էին գալիս, որ հրաշք տեսնեն։ Սկզբում վշտանում էի, հետո սկսեցի ձանձրանալ։ Գաղափար չունեմ, թե մյուս Փրկիչներն ինչպես են դիմանում դրան։
: ֊ Երբ դու բանն այդպես ես ներկայացնում, այն ինչ֊որ չափով կորցնում է հմայքը,֊ասացի ես ու վերջին մանեկը ձգելով՝ ցած դրի գործիքները։֊ Այսօր ո՞ւր ենք գնալու։
: Նա մոտեցավ իմ խցիկին ու ջնջխված միջատներին հողմապակուց մաքրելու փոխարեն ափը պարզեց վրան, և ճզմված փոքրիկ արարածները շունչ առան ու թռան֊գնացին։ Իր հողմապակին, իհարկե, երբեք մաքրելու կարիք չէր ունենում, և ես գիտեի արդեն, որ իր շարժիչն էլ երբեք որևէ աշխատանք ու ջանք չէր պահանջում։
: ֊ Ես չգիտեմ,֊ ասաց նա,֊ ես չգիտեմ՝ մենք ուր ենք գնում։
: ֊ Դու ի՞նչ ես ուզում ասել։ Չէ որ գիտես այն ամենն, ինչ եղել է, և ինչ պիտի լինի։ Դու ստո՛ւյգ գիտես, թե ար ենք գնում։
: Նա հառաչեց․
: ֊ Այո, բայց աշխատում եմ չմտածել դրա մասին։
: Այն կարճ միջոցում, քանի դեռ փորփրում էի շարժիչը, ներքին ցնծությամբ մտածում էի, որ պարզապես պետք է մնալ այդ տղայի հետ, ու ոչ մի հոգս չեմ ունենա, որևէ վատ բան չի պատահի, և ամեն ինչ հրաշալի կլինի։ Բայց այն, թե ինչպես ասաց․ «Ես ջանում եմ չմտածել դրա մասին», ինձ ստիպեց խորհել՝ ինչ է կատարվում մեր աշխարհն ուղարկված Փրկիչների հետ։ Ողջամտությունն իմ ներսում ճչո՜ւմ էր օդ բարձրանալուն պես դառնալ դեպի հարավ ու թռչել֊հեռանալ այդ մարդուց որքան կարելի է հեռու։ Սակայն հայտնի է, թե որքան մենակ է լինում միայնակ թռչողը, և ես ուրախ էի նրան գտնելու համար․ պարզապես՝ լինի մեկը, ում հետ կկարողանաս խոսել, և այդ մեկն էլերոնը տարբերի ուղղաձիգ կայունարարից։ Ես կշրջվեի դեպի հարավ, սակայն օդ բարձրանալով՝ մնացի նրա հետ, ու մենք թռանք դեպի հյուսիս և արևելք, դեպի ապագան, որի մասին նա աշխատում էր չմտածել։
:==4==
: ֊ Դու որտե՞ղ ես սովորել այս ամենը, Դոն։ Դու այնքան շատ գիտես, բայց գուցե ի՞նձ է թվում, թե գիտես։ Դու շա՜տ գիտես։ Այդ ամենը զուտ փորձառությո՞ւն է։ Մի՞թե համապատասխան կրթություն չեն ստանում ուսուցիչ դառնալու համւսր։
: ֊ Գի՜րք են տալիս կարդալու։
: Ես հենց նոր լվացած մետաքսե վզնոցս փռեցի ձգալարին ու հայացքս հառեցի նրան․
: ֊ Գի՞րք։
: ֊ «Ձեռնարկ Փրկիչների համար»։ Աստվածաշնչի պես բան է՝ ուսուցիչների համար։ Մի օրինակը կարծեմ պահել եմ, եթե քեզ հետաքրքրում է։
: ֊ Այո՛, այո՛։ Դու նկատի ունես գիրքը, որ քեզ ասում է․․․
: Նա մի քիչ խառնշտորեց իրերն իր ինքնաթիռի առաջնամասում ու հատորյակը ձեռքին մոտեցավ ինձ։ Գրքի կազմն ինչ֊որ կտորից էր, որ թավիշ էր հիշեցնում։
: «Փրկչի առձեռն տեղեկատու»՝ գրված էր սև տառերով։֊ «Հուշագիր վեհացած հոգու համար»։
: ֊ Դու ի՞նչ նկատի ունեիր՝ «Փրկչի ձեռնարկ» ասելով։ Այստեղ գրված է «Փրկչի առձեռն տեղեկատու»։
: ֊ Մի՞թե նույնը չէ։
: Նա սկսեց հավաքել ինքնաթիռի շուրջը շաղ տված իրերը, ասես որոշել էր, որ առաջ շարժվելու ժամանակն է։ Ես թերթեցի գրքույկը՝ ասացվածքների ու կարճ պարբերությունների ժողովածու։
: Հեռանկարը․֊
: Օգտվիր Նրանից կամ Կորցրու։
: Եթե դիմում ես այս էջին,
: ուրեմն մոռացել ես,
: որ շուրջդ կատարվողն իրականություն չէ։
: Խորհի՛ր դրա մասին։
: Հիշիր՝ որտեղից ես եկել, ար ես գնում,
: նախ և առաջ մտածիր,
: թե ինչու ես ստեղծել այս խսւռնաշվւոթը,
: որի մեջ հենց ինքդ էլ հայտնվել ես։
: Դու զարհուրելի վախճան կունենաս, հիշի՛ր։
: Դա լավ վարժանք է,
: և քեզ շատ ավելի մեծ հաճույք կպատճառի,
: եթե չմոռանաս այդ իրողությունը։
: Սակայն մահդ լրջությամբ ընդունիր։
: Ծիծաղը կառափնարանի ճանապարհին
: սովորաբար անհասկանալի է
: պակաս զարգացած կենսաձևերի համար,
: և նրանք քեզ խելագար կկոչեն։
: ֊ Դու սա կարդացե՞լ ես, Դո՛ն, հեռանկարը կորցնելու մասին։
: ֊Ո՛չ։
: ֊ Այստեղ ասված է․ կվիճակվի մեռնել զարհուրելի մահով։
: ֊ Չի՛ վիճակվի։ Կախված է հանգամանքներից և նրանից, թե ինչպես ես հարմար գտնում կազմակերպել այդ ամենը։
: ֊ Իսկ դու պատրաստվո՞ւմ ես մեռնել զարհուրելի մահով։
: ֊ Չգիտեմ։ Չե՞ս կարծում, որ դրանից մեծ օգուտ չկա, քանի որ վճռել եմ թողնել այս աշխատանքը։ Մի փոքրիկ, խաղաղ համբարձումը լիովին բավարար կլիներ։ Ես վերջնական որոշում կընդունեմ մի քանի շաբաթից, երբ ավարտեմ այն, ինչի համար եկել եմ։
: Նրա խոսելու կերպն ինձ երբեմն կատակ էր թվում, այն ժամանակ չգիտեի, որ լրջորեն է խոսում այդ մի քանի շաբաթվա մասին։ Ես կրկին խորասուզվեցի գրքի մեջ։ Դա այն կարգի գիտելիք էր, որը կարող էր պիտանի լինել ուսուցչին։ Այդ առումով ամեն ինչ կարգին էր։
: Սովորեւը
: սոսկ ճշտումն է այն ամենի,
: ինչն արդնն գիտես։
: Արարքը՝ ցուցադրեչն է,
: որ գիտես։
: Ուսուցանելը՝
: հիշեցնել մյուսներին,
: որ իրենք ամեն ինչ նույնքան լավ գիտեն,
: որքան դու։
: Դուք բոլորը սովորողներ եք,
: կատարողներ, ուսուցիչներ։
: Ձեր միակ պարտականությունը
: ձեզ տրված
: կյանքերից ցանկացածում
: հավատարմությունն է ինքներդ ձեզ։
: Հավատարմությունը
: որևէ մեկին կամ ինչ֊որ բանի՝ ոչ միայն անհնար է,
: այւև՝ կեղծ Փրկչի հայտանշան։
: Ամենապարզ հարցերն
: ամենից խորունկն են։
: Որտե՞ղ ես ծնվել։ Որտե՞ղ է քո տունը։
: Ո՞ւր ես գնում։
: Ի՞նչ ես անում։
: Երբեմն մտածիր դրա մասին
: ու հետևիր,
: թե ինչպես են փոխվում քո պատասխանները։
: Դու ամենից չավ ուսուցանում ես այն ամենն,
: ինչը հենց քեզ է ամենից ավելի
: հարկավոր, որ սովորես։
: ֊ Դու չափից դուրս լռակյաց ես դարձել, Ռի՛չարդ,֊ ասաց Շրմոդան այնպես, ասես ցանկանում էր խոսքի բռնվել։
: ֊ Այո,֊ ասացի՝ շարունակելով կարդալ։ Քանի որ գիրքը միայն ուսուցիչների համար էր, չէի ցանկանում կտրվել նրանից։
: Ապրիր այնպես,
: որ երբեք չամաչես,
: եթե քո արածից կամ ասածից որևէ բան
: հայտնի դաոնա աշխարհին,
: նույնիսկ եթե այն, ինչ ասվելու է,
: սուտ կլինի։
: Ընկերներդ
: ձեր ծանոթության աոաջին իսկ րոպեից
: քեզ ավեչի լավ կճանաչեն,
: քան մնացած բոլորը՝
: հազար տարի անց։
:Պատասխանատվությունից
: խոաափելու լավագույն միջոցը՝
: «Պատասխանատվությունն ի՛մն է»
: ասա։
: Ես գրքում մի տարօրինակ բան նկատեցի։
: ֊ Դոն, էջերը համարակալված չեն։
: ֊ Այո,֊ ասաց նա։֊ Պարզապես բացում ես գիրքը, և քո առաջ այն է, ինչի կարիքն առավել ունես։
: ֊ Կախարդակա՜ն գիրք է։
: ֊ Ոչ։ Դու կարող ես նույն կերպ վարվել ցանկացած գրքի հետ։ Նույնիսկ՝ հին լրագրի, եթե բավականաչափ ուշադիր կարդաս։ Մի՞թե նույնը չես անում, երբ ինչ֊որ հարց ունես, բացում ես ցանկացած գիրք ու նայում, թե ինչ է ասում քեզ։
: ֊ Ո՛չ։
: ֊ Դե ինչ, որևէ առիթով փորձիր։
: Ես փորձեցի։ Փակեցի աչքերս ու հարցրի, թե ինչ կպատահի ինձ, եթե շարունակեմ մնալ այդ տարօրինակ մարդու հետ։ Հետաքրքիր կլիներ անշուշտ, բայց չէի կարողանում ձերբազատվել այն զգացողությունից, որ նրա հետ շուտով մի բնավ ոչ ուրախալի բան է կատարվելու, ու ես չէի ցանկանա մոտակայքում լինել, երբ դա կատարվեր։ Մտմտալով դրա մասին, բաց արի գիրքը, հետո բացեցի աչքերս ու կարդացի․
: Քեզ
: կյանքում առաջնորդում է
: ներքին ուսուցանող գիտակցությունը,
: զվարթ հոգևոր էությունը,
: որն էլ հենց
: քո իրական «Ես»֊ն է։
: Երես մի՛ դարձնի
: ապագայի կարելություններից,
: քանի դեռ համողված չես, թե չկա այնպիսի մի բան,
: որ կկարողանայիր նրանցից սովորել։
: Դու միշտ ազատ ես՝
: փոխելու որոշումդ
: և ընտրելու այլ ապագա
: կամ
: ուրիշ անցյալ։
: Ընտրել ուրի՞շ անցյալ։ Տառացի՞ հասկանալ, թե փոխաբերական իմաստով, սա ի՞նչ կարող է նշանակել։
: ֊ Կարծում եմ՝ միտքս պարզապես խորամանկում է, Դո՛ն։ Ես չգիտեմ ինչպես կարող եմ սովորել այս ամենը։
: ֊ Փորձառությո՜ւն։ Մի քիչ տեսություն ու լի՜քը կենսափորձ,֊ ասաց նա։֊ Քեզնից շաբաթուկես ժամանակ կխլի։
: ֊ Մեկուկես շաբա՞թ։
: ֊ Այո։ Հավատա, որ գիտես բոլոր պատասխանները։ Հավատա, որ Ուսուցիչ ես, և կդառնաս ուսուցիչ։
: ֊ Ես երբեք չեմ ասել, թե ցանկանում եմ ուսուցիչ լինել։
: ֊ Ճիշտ է,֊ ասաց նա,֊ չես ասել։
: Բայց ես գրքույկն ինձ մոտ պահեցի, ու Դոնն այդպես էլ երբեք չհարցրեց նրա մասին։
:==5==
: Միջին Արևմուտքում ագարակատերերին բարեբեր հող է հարկավոր, որ տնտեսությունը ծաղկի։ Այն նույնքան պետք է նաև թափառական օդաչուներին, որպեսզի մոտ լինեն իրենց ուղևորներին։ Նրանք թռիչքադաշտ պիտի գտնեն քաղաքից ոչ հեռու՝ մարգագետին կամ արտ, խոտածածկ կամ հնձած ցորենով, վարսակով, ու որ մոտակայքում կովեր չլինեն, որոնք կարող են ուտել ինքնաթիռների նրբակտավե երեսվածքը, որ հարևանությամբ ճանապարհ լինի՝ մեքենաների, ու դռնակ՝ մարդկանց համար, դաշտը պիտի այնպիսի դիրք ունենա, որ ինքնաթիռն ստիպված չլինի ցածրաթռիչք անցնել որևէ տան վրայով, այն պիտի բավականաչափ հարթ լինի, որպեսզի մեքենան կտոր֊կտոր չլինի՝ դարուփոսերին 50 մ/վրկ արագությամբ ցնցվելով, այն պիտի բավականաչւսփ երկար լինի, որ հնարավոր դառնա անվտանգ թռչելն ու վայրէջք կատարելը ամռան օրով, ու նաև անհրաժեշտ է հողատիրոջ թույլտվությունը՝ այդ դաշտից թռչելու համար։
: Ես մտածում էի այդ ամենի մասին, քանի դեռ շաբաթ առավոտվա միջով թռչում էինք դեպի հյուսիս։ Փրկիչը և ես։ Իսկ ներքևում, հազարավոր ոտնաչափ հեռու, փափուկ հետ էին մղվում հողի կանաչն ու ոսկին։ Դոնալդ Շիմոդայի Թրեվըլ Էյրը աղմուկով սուրում էր իմ աջից՝ իր հայելային մակերևույթով արևային լուսահատիկներ ցրելով շուրջը։ Հրաշալի ինքնաթիռ է, մտածեցի, միայն թե՝ մի քիչ խոշոր՝ այն ժամանակների համար, երբ վրա հասնեն հյուրախաղերի իսկապես ծանր օրերը։ Այն մեկ ուղերթով կարող է երկու ուղևոր տեղափոխել, բայց և երկու անգամ ավելի ծանր է, քան իմ Ֆլիտը, ուստի թռիչքի և վայրէջքի համար ավելի մեծ դաշտ է պահանջվելու։ Ես էլ մի ժամանակ Թրեվըլ Էյր ունեի, բայց, ի վերջո, նրա փոխարեն գնեցի Ֆլիտը, քանի որ այն կարող էր տեղավորվել ցանկացած փոքրիկ դաշտում, որն ավելի հեշտ է գտնել ուզածդ քաղաքի մերձակայքում։ Ես ու Ֆլիտը կարող ենք աշխատել հինգ հարյուր ոտնաչափ դաշտում, այն դեպքում, երբ Թրեվըլ Էյրը հազար֊հազար երեք հարյուր ոտնաչափ է պահանջում։
: Դու վարժվել ես այդ տղային, մտածում էի ես, վարժվիր, ուրեմն, նաև նրա ինքնաթիռի բերած դժվարություններին։ Ու հենց այդ միտքն առկայծեց իմ մեջ, փոքրիկ քաղաքի հարևանությամբ մի մաքուր ու կոկ արոտատեղ նկատեցի։ Ֆերմերային ստանդարտ դաշտ էր՝ հազար երեք հարյուր քսան ոտնաչափ մեծությամբ, բաժանված երկու մասի, երկրորդ մասը վաճառված էր քաղաքին՝ որպես բեյսբոլի դաշտ։ Համոզված, որ Շիմոդայի ինքնաթիռն այստեղ չի կարողանա նստել, ես Ֆլիտը նետեցի ձախ թևին, քիթը վեր, ու սկսեցինք իջնել բեյսբոլի դաշտի վրա։ Մենք գետնին դիպանք անմիջապես ցանկապատի ետևը՜ դաշտի ձախ կողմից, ու գլորվեցինք մինչև լրիվ կանգ առնելը, այնպես որ, դեռ էլի տեղ մնաց։ Ես պարզապես ցանկանամ էի նրան ցույց տալ, թե ինչի է ընդունակ Ֆլիտը, եթե ինչպես հարկն է կառավարվի։
: Դրոսելային կափույրի պայթյունն ինքնաթիռը, նոր թռիչքի պատրաստելով, պտտեց տեղում, բայց երբ շրջվեցի, որ օդ բարձրւսնամ, Թրեվըլ էյրն արդեն դաշտի վրա էր՝ վայրէջքի պատրաստ։ Պոչը կախ, աջ թևը բարձր՝ այն նման էր սքանչելի, հպարտ կոնդորի, որը ճախրում է գետնից քիչ բարձր։ Նա այնքան դանդաղ ու ցածր էր թռչում, որ ծոծրակիս մազերը փշաքաղվեցին։ Ուր որ է աղետ է լինելու։ Եթե ուզում եք Թրեվըլ Էյրը պահել և ցանկապատի վրայով վայրէջքի գնալ 60 մ/վրկ արագությամբ, ընդ որում, երբ հիսուն քայլի վրա մեկ այլ ինքնաթիռ է կանգնած, նշանակում է որոշել եք այն սեղմել, դարձնել փոքրիկ գնդակի չափ մի բան։ Սակայն դրա փոխարեն ոսկերանգ ու ձյունաթույր բիպլանը քարացավ օդում։ Ես, իհարկե, կանգ առնելու ցանկություն չունեի, բայց այն թռչում էր 30 մ/վայրկյանից ոչ ավելի արագությամբ․ ինքնաթիռը, որ, խնդրում եմ նկատի ունենալ, վաղուց արդեն պիտի վայր ընկած լիներ նման արագության դեպքում, քարացավ օդում և, ասես շունչը պահած, երեք անիվներով նստեց խոտին։ Նա օգտագործել էր ընդամենը երեք քառորդն այն տարածության, որն ինձ պետք էր եկել Ֆլիտի վայրէջքի համար։
: Ես պարզապես նստել էի խցիկում ու նայում էի, քանի դեռ նա կանգնեցնում էր մեքենան և անջատում շարժիչը։ Երբ, առանց աչքս նրանից կտրելու, հանգցրի շարժիչը, ձայն տվեց․
: ֊ Վատ դաշտ չես գտել, քաղաքին էլ մոտ է, ճի՞շտ է։
: Առաջին ուղևորները՝ «Հոնդա» մոտոցիկլներով երկու տղա, արդեն ուղղվում էին մեր կողմը, որ պարզեն, թե ինչ է կատարվում։
: ֊ «Քաղաքին մոտ» ասելով ի՞նչ նկատի ունես,֊ շարժիչի աղմուկից խլացած՝ բղավեցի ես։
: ֊ Ախր, քաղաքն այստեղից մի քանի քայլի վրա է։
: ֊ Չէ, դրա մասին չեմ ասում։ ՍԱ Ի՞ՆՉ ՎԱՅՐԷՋՔ ԷՐ։ Այն էլ՝ Թրեվըլ Էյրով։ Դու ինչպե՞ս իջար այստեղ։
: Նա աչքով արեց․
: ֊ Մոգությո՜ւն է։
: ֊ Չէ, Դո՛ն, ճի՜շտը․․․ Ախր ես տեսա ինչպես իջար։
: Նա կարող էր նկատել, որ ես ցնցված եմ ու լրջորեն վախեցած։
: ֊ Ռի՛չարդ, դու գիտես թռչող բանալիներին, հիվանդությունների ապաքինմանը, ջուրը գինի դարձնելուն, ջրերի վրայով քայլելուն, Թրեվըլ Էյրը հարյուր քայլաչափ հրապարակում նստեցնելուն վերաբերող բոլոր հարցերի պատասխանները։ Դու ուզո՞ւմ ես իմանալ այդ բոլոր հրաշքների պատասխանները։
: Ես այնպիսի զգացողություն ունեի, ասես նա լազերի ճառագայթ ուղղած լիներ վրաս։
: ֊ Ես ուզում եմ իմանալ դու ինչպե՞ս վայրէջք կատարեցիր այստեղ։
: ֊ Լսի՛ր,֊ ձայն տվեց նա իր խցիկից։֊ Ի՞նչ է այս աշխարհը և այն ամենը, որ կա աշխարհում։ Պատրանքնե՜ր, Ռի՛չարդ։ Նրա յուրաքանչյուր մասնիկը ՊԱՏՐԱՆՔ է։ Մի՞թե չես հասկանում։
: Ո՛չ ժպտում էր, ո՛չ աչքով անում։ Ասես մոլեգնած էր, որ ի սկզբանե չգիտեմ այդ ամենը։
: Մոտոցիկլը կանգ առավ ինքնաթիռի պոչամասի մոտ․ տղաներն այնպիսի տեսք անեին, ասես հենց հիմա պատրաստ են թռչել։
: ֊ Այո,֊ ահա այն ամենը, ինչ կարողացա ասել։֊ Լա՛վ։ Պատրանքներին համաձայն եմ։
: Տղաներն սկսեցին նրան համոզել, որ ման տա իրենց, իսկ ինձ մնում էր միայն արագ գտնել դաշտի տիրոջն ու նրա արոտավայրից թռչելու իրավունք ստանալ։
: Միայն մեկ բան կարելի է ասել Թրեւլըլ Էյրի այդ օրվա թռիչքների ու վայրէջքների մասին։ Ասես այն իրականում փոքրիկ Ե֊2 կամ ուղղաթիռ լիներ՝ Թրեւլըլ Էյրի զգեստ հագած։ Համենայնդեպս, ինձ համար շատ ավելի հեշտ էր ընկալել մանեկաբանալու անկշիռ թռիչքը, քան հանգիստ նայել ինքնաթիռին, որն ուղևորներով հանդերձ վեր է սուրում 80 մ/վրկ արագությամբ։ Մի բան է՝ հավատալ լևիտացիսյին, երբ այն տեսնում ես, բոլորովին այլ բան՝ լիովին հավատալ հրաշքին։ Ես սկսեցի մտածել այն ամենի շուրջ, ինչի մասին նա այդքան թեթև էր խոսում։ Պատրանքնե՜ր։ Նա առաջներում էլի էր խոսել այդ մասին․․․ Երբ ես տղեկ էի ու մոգություն էի սովորում, մոգերն ասում էին նույնը։ Նրանք մեզ զգուշացնում էին․ «Նայե՛ք, այն, ինչ դուք հիմա կտեսնեք, հրաշք չէ, իրականում մոգություն էլ չէ։ Իրականում դա մոգության պատրանքն է»։ Հետո նրանք ջահը դարս էին քաշում հնդկընկույզի միջից ու փիղը դարձնում թենիսի ռակետ։ Ներքին պայծառատեսության բռնկման պահին գրպանիցս հանեցի «Փրկչի տեղեկատուն» ու բաց արի։ Երկու նախադասություն մենավորիկ կանգնել էին էջին․
: Չկա այնպիսի մի պրոբլեմ,
: որն իր մեջ
: քեզ համար թաքցրած ընծա չունենա։
: Դու պրոբլեմներ ես փնտրում,
: քանզի քեղ պետք են
: նրանց ընծաները։
: Լավ չեմ հասկանում՝ ինչու, բայց կարդալով՝ խաղաղվեցի։ Շփոթմունքս անցավ։ Եվ կարդացի նորից ու նորից, մինչև, անգիր անելը։
: Քաղաքի անունը Տրոյա էր, ու տեղիս արոտավայրերը մեզ խոստանում էին նույնքան առատաձեռն լինել, որքան Ֆերիսինը, որտեղից թռել֊եկել էինք։ Սակայն Ֆերիսում ես խաղաղության զգացում ունեի, իսկ այստեղ օդում ինչ֊որ լարվածություն կար, որն ինձ դուր չէր գալիս։ Թռիչքները, որ մեր ուղևորների համար արկած էին, միակ իրադարձությունը կյանքում, ինձ համար արդեն դարձել էին սովորական, առտնին գործ, որի վրա այժմ կախվել էր տարօրինակ տագնապի ամպը։ Իմ արկածն այն էր, որ թռչում էի այդ խենթի հետ, այն անհնարինն էր, որ նա անում էր իր ինքնաթիռով, և այն տարօրինակ բաները, որ ասում էր՝ այդ ամենը բացատրելու համար։ Տրոյայի բնակիչները Թրեվըլ Էյրի թռիչքի հրաշքից ապշած էին ոչ ավելի, քան ես կապշեի, եթե հանկարծ օրը կեսօրին ծլնգար վաթսուն տարի լռած զանգը․․․ Նրանք չգիտեին, որ այն ամենը, ինչ այստեղ կատարվում է, անհնարին է։
: ֊ Շնորհակւսլություն թռիչքի համար,֊ ասում էին նրանք։֊ Եվ սա այն ամենն է, ինչով վաստակում եք ձեր հա՞ցը։ Մի՞թե ուրիշ տեղ չեք աշխատում։
: Կամ․
: ֊ Ինչո՞ւ եք այսպիսի փոքրիկ վայր ընտրել, ինչպիսին Տրոյան է։ Կամ էլ․
: ֊ Ջե՛րի, քո ագարակը կոշկատուփից մեծ չէր երևում։
: Օրը լարված էր, աշխատանքը՝ ծով։ Չափազանց շատ մարդիկ էին գալիս թռչելու, և մեզ մի ամբողջ կույտ փող էր սպասում։ Սակայն ինչ֊որ մեկն իմ ներսում շարունակ շշնջում էր․ «Փախի՜ր։ Փւսխի՜ր, հեռու փախիր այստեղից»։ Ես բանի տեղ չդրի նրան ու հետագայում շարունակ զղջում էի դրա համար։
: Ժամը երեքին անջատեցի շարժիչն ու գնացի վառելիք բերելու։ Երկու անգամ գնացի ու վերադարձա՝ երկու հինգգալոնանոց կանիստրներով ավտոբենզին բերելով Սքելիի լիցքակայանից։ Եվ այստեղ հանկարծ գլխի ընկա՝ ախր, ոչ մի անգամ չէի տեսել, որ Թրեվըլ Էյրը լիցքավորվեր։ Շիմոդան իր ինքնաթիռը չէր լիցքավորել Ֆերիսից թռչելուց ի վեր, այդ ընթացքում նա արդեն թռել էր յոթ ժամ, սկսվում էր ութերորդը՝ առանց մի կաթիլ բենզինի կամ գոնե յուղի։ Ես գիտեի, որ նա բարի մարդ է և ինձ չի նեղացնի, բայց և այնպես՝ վախեցա։ Որքան էլ խնայող լինես, Թրեվըլ Էյրին կարող ես ստիպել, որ թռչի առավելագույնը հինգ, բայց ոչ թռիչքների ու վայրէջքների ամբողջ ութ ժամ։ Իսկ նա շարունակ թռչում էր ու թռչում, քանի դեռ ես բենզին էի լցնում իմ բաքի կենտրոնական բաժինն ու յուղ ավելացնում շարժիչի մեջ։ Թռիչքի սպասողների հերթը երկարեց․․․ Ու, թվում է, նա չէր ցանկանում հիասթափեցնել մարդկանց։ Մի պահի կարողացա բռնացնել, երբ ինչ֊որ տղամարդու և նրա կնոջը օգնում էր խցիկ բարձրանալ։ Ամբողջ ուժով ջանում էի, որ ձայնս ինչքան հնարավոր է հանգիստ ու անփույթ հնչի․
: ֊ Դոն, վառելիքիդ վիճակն ինչպե՞ս է։ Բենզին պետք չէ՞։
: Ես, հինգգալոնանոց կանիստրը ձեռքիս, կանգնել էի նրա ինքնաթիռի թևի մոտ։ Նա ուղիղ նայեց աչքերիս ու մտահոգ խոժոռվեց, ասես հարցրել էի՝ իրեն շնչելու համար օդ պետք չէ՞։
: ֊ Ո՛չ,֊ ասաց նա, ու ես ինձ վերջին նստարանի արժանացած բթամիտ առաջին դասարանցի զգացի։֊ Ո՛չ, Ո֊ի՛չարդ, ինձ բենզին պետք չէ։
: Ես զգացի, որ չարւսնում եմ։ Համենայնդեպս, ինքնաթիռներից ու նրանց վառելիքից ինչ֊որ բան հասկանում էի։
: Նա ծիծաղեց, ու ես անմիջապես փափկեցի։
: ֊ Շնորհակալությո՛ւն, պետք չէ։ Ես նրան անցած տարի արդեն լիցքավորել եմ։
: Եվ ահա նա նորից խցիկում է ու, գերբնական դանդաղ թռիչք կատարելով, թռավ֊գնաց իր ուղևորների հետ միասին։ Նախ մեջս ցանկություն առաջացավ, որ հավաքված մարդիկ թողեն, տուն գնան, հետո՝ որ մենք անհապաղ չքվենք այստեղից։ Միակ բանը, որ ցանկանում էի՝ թռչել ու գտնել մի մեծ, ամայի դաշտ՝ հեռու ցանկացած քաղաքից, և պարզապես նստել ու խորհել, թռիչքային մատյանում գրի առնել բոլոր իրադարձությունները ու ինչ֊որ կերպ գլուխ հանել այս ամենից։ Ես բարձրացա խցիկ ու հանգստանում էի, մինչ Դոնը վայրէջք կկատարեր։ Մեծ ինքնաթիռի պտուտակի մռնչոցի մեջ մոտեցա նրա մեքենային։
: ֊ Ես հոգնեցի թռչելուց, Դո՛ն։ Ուզում եմ մեկնել այստեղից, հանգստանալ, վայրէջք կատարել քաղաքներից հեռու։ Հրաշալի էր քեզ հետ թռչելը։ Երբևէ կտեսնվենք, լա՞վ։
: Նա անգամ աչքը չթարթեց․
: ֊ Էլի մի թռիչք՝ ու պաարւսստ եմ։ Այնտեղ մի տղա է սպասում։
: ֊ Լա՛վ։
: Տղան սպասում էր չարչրկված, անշուք հաշմանդամի սայլակում, որով կտրել էր քաղաքից դաշտն ընկած ճանապարհը։ Նա ճզմված, ինչ֊որ ահռելի ծանրության տակ նստիքի մեջ մխրճված մարդու տեսք ուներ, բայց այստեղ էր, քանզի ցանկանում էր թռչել։ Ուրիշներն էլ կային, քառասուն, թե հիսուն մարդ, որը՝ մեքենայում, որը՝ դաշտում, ու բոլորը հետաքրքրությամբ պատրաստվում էին նայել, թե Դոնն այդ տղային սայլակից ինչպես է տեղափոխելու ինքնաթիռի խցիկը։ Իսկ նա դրա մասին չէր էլ մտածում։
: ֊ Ոզո՞ւմ ես թռչել։
: Հաշմանդամի սայլակի մարդը ծուռտիկ ժպտաց ու մի տեսակ կողքանց գլխով արեց։
: ֊ Դե ինչ, թռա՞նք,֊ ասաց Դոնը կամացուկ, ասես խոսում էր մեկի հետ, որը վաղուց էր սպասում իր հերթին, և ահա խաղին մասնակցելու ժամանակը եկել էր։ Եթե ինչ֊որ տարօրինակ բան կար այդ ամենի մեջ, ապա հետ, անցյալին նայելով՝ կարող եմ ասել՝ այն լարվածությունն էր, որով Դոնը խոսում էր։ Դա շինծու լարվածություն չէր, ո՛չ, բայց և հրաման էր, որը ենթադրում էր, թե մարդը հիմա վեր կկենա ու կբարձրանա ինքնաթիռ, և՛ ոչ մի առարկություն։ Այն, ինչ հետո կատարվեց, նման էր ներկայացման վերջնարարի․ դերասանը հաշմված խեղանդամ էր խաղում, ու ժամանակն էր, որ վեր կենա և գլուխ տա հանդիսատեսին։ Ահռելի ծանրությունն ընկավ նրա վրայից, ասես չէր էլ եղել։ Մարդը պոկվեց սայլակից և, ինքն իրենից ապշած, համարյա թե վազքով դիմեց դեպի Թռեվըլ Էյրը։
: Ես շատ մոտ էի կանգնած ու լսեցի․ «Այս ի՜նչ արեցիք։ Դուք ի՜նչ արեցիք ինձ հետ»։
: ֊ Դուք ուզո՞ւմ եք թռչել, թե՞ դուք չեք ուզում թռչել,֊ հարցրեց Դոնը։֊ Գինը երեք դոլար է։ Խնդրում եմ վճարել նախքան թռչելը։
: ֊ Թռչո՜ւմ եմ,֊ ճչաց մարդը։
: Շիմոդան նրան օգնեց, որ բարձրանա առջևի խցիկը, ինչպես սովորաբար վարվում էր մյուս ուղևորների հետ։
: Մեքենաներում նստածները դուրս թափվեցին, հավաքվածների միջով բվվոցի ալիք անցավ, ապա վրա հասավ շշմեցնող լռությունը։ Մարդը չէր քայլում արդեն տասնհինգ տարի, այն պահից ի վեր, երբ նրա բեռնատարը գլորվել էր կամրջից։ Եվ ահա, սավանից պատրաստած թևերը մեջքին կապած երեխայի պես, նա ցատկեց ինքնաթիռի խցիկը, չափից դուրս գրգռված, թևերը թափահարելով՝ սահեց նստիքին, ասես նրան հենց նոր էին ձեռքեր տվել, որոնց հետ կարելի էր խաղալ։ Նախքան որևէ մեկը կհասցներ խոսել, Շիմոդան սեղմեց դրոսելի կափույրն, ու ինքնաթիռը ճախրեց վեր՝ կտրուկ շրջանցելով ծառերը և սրընթաց բարձրություն հավաքելով։
: Ակնթարթը կտրո՞ղ է երջանիկ ու, միևնույն ժամանակ, զարհուրելի լինել։ Հետո այդպիսի բազում ակնթարթներ եղան։ Դա հրաշք էր․ հրաշագործ ապաքինումը մարդու, որն այնպիսի տեսք ուներ, ինչպիսին հարկ է, որ ունենար խեղանդամը, և միևնույն ժամանակ զգացվում էր՝ անպայման ինչ֊որ տագնապալի բան է կատարվելու, երբ այդ զույգն իջնի ցած։ Մարդկանց բազմությունն արդեն վերածվել էր հոծ ու սպասման մեջ քարացած խմբի, իսկ մարդկային հոծ խումբն ամբոխն է, և այդ ամենի մեջ ոչ մի լավ բան չկա։ Վայրկյաններն անցնում էին, հարյուրավոր աչքեր շաղափում էին պստլիկ կետը, որ անհոգ ճախրում էր արևի ճառագայթների մեջ, և ինչ֊որ սոսկալի բան պիտի կատարվեր։ Թրեվըլ Էյրը ծուլորեն մի քանի ութ գծեց, ապա՝ ձիգ պարույր, ու քարացավ օդում՝ ցանկապատի վրա, նմանվելով դանդաղաշարժ, աղմկոտ թռչող ափսեի, որը պատրաստվում է վայրէջք կատարել։ Եթե նրա մեջ մի փշուր ողջամտություն լիներ, ուղևորին կիջեցներ դաշտի հեռավոր ծայրին, արագ կիջեցներ ու կչքանար։ Մարդկային բազմությունն ավելի էր մեծացել, հայտնվել էր հաշմանդամի ևս մեկ սայլակ, որը վազքով հրում էր ինչ֊որ կին։
: Դոնն ինքնաթիռը մոտ քշեց ամբոխին, մեքենան դարձրեց այնպես, որ պտուտակը հայտնվեր հակառակ կողմում, և անջատեց շարժիչը։ Մարդիկ մոտ վազեցին խցիկին, և ինձ մի պահ թվաց, թե նրանք պատրաստվում են պլոկել ֆյուզելաժի երեսվածքը, որպեսզի հասնեն ուղևորին ու նրան։
: Դա վախկոտությո՞ւն էր։ Չգիտե՛մ։ Ես դանդաղաքայլ մոտեցա իմ մեքենային, բաց արի կափույրները, գործարկեցի պտուտակը, որ շարժիչն աշխատի։ Ապա ելա խցիկ, Ֆլիտի քիթը դարձրի քամուն հակառակ և օդ բարձրացա։ Իմ վերջին հայացքում դրոշմվեց Դոնալդ Շիմոդան, որ նստել էր իր խցիկի անկյունում, իսկ շուրջը ամբոխն էր։ Ես մեքենան դարձրի դեպի արևելք, ապա հարավ֊արևելք, ու շուտով վայրէջք կատարեցի՝ գիշերելու հանդիպած առաջին իսկ դաշտում, որտեղ սաղարթախիտ ծառեր կային և առվակ, որից կարելի էր ջուր խմել։ Դաշտը հեռու էր քաղաքից։
:==6==
: Մինչև օրս չեմ կարող ասել, թե ինչ էր կատարվում ինձ հետ։ Պարզապես մի ճնշող զգացում ինձ հեռու էր քշում այդ տղայից՝ Դոնալդ Շիմոդայից։
: Եթե վիճակվի եղբայրանալ ճակատագրի հետ, ապա ինքը Փրկիչն էլ չի կարողանա ստիպել, որ անբանության մատնվեմ։ Դաշտում լռություն էր։ Դա մի հսկայական, լռակյաց մարգագետին էր՝ երկնքի դեմ բաց։ Միակ ձայնը առվակինն էր, ասենք՝ այն էլ հազիվ էր լսվում։ Նորից մենակ եմ։ Մարդը վարժվում է իր մենակությանը, սակայն բավական է մենությունը խախտվի թեկուզ մեկ օրով, ու ստիպված ես լինում նորից վարժվել, ամենասկզբից։
: ֊ Օ՚քեյ, վատ չզվարճացանք,֊ ասացի ես մարգագետնին,֊ փառահեղ էր, և կարող էր այդպես լինել, որ ես շատ բան սովորեի այդ տղայից։ Բայց հերիք է, չե՛մ ուզում այդ ամբոխները, նույնիսկ երջանիկ ամբոխները․․․ Ամբոխին վախեցրիր՝ կամ կխաչի, կամ կերկրպագի։ Կներեք, բայց դա արդեն չափազանց է։
: Այդ ասելով՝ պապանձվեցի։ Բառերը, որ հնչեցին, ստուգապես կարող էին Շիմոդայինը լինել։ Նա ինչո՞ւ մնաց այնտեղ։ Իմ ողջամտությունը բավականացրեց, որ հեռանամ, չնայած Փրկիչ չէի։ Պատրանքնե՜ր։ Նա ինչ նկատի ուներ՝ պատրանքներ ասելով։ Դա շատ ավելին էր նշանակում, քան այն ամենը, որ ասում և անում էր,֊ նա մոլեգնած էր, երբ ասաց․ «Այդ ամենը պատրանքներ են»։ Իհարկե, դա պրոբլեմ էր, և ինձ պետք էին նրա ընծաները, բայց ես դեռ չգիտեի, թե ինչ է նշանակում։
: Շուտով կրակ արեցի և գուլյաշի պես մի բան եփեցի ինձ համար՝ սոյայի, արիշտայի ու երկու նրբերշիկի խառնուրդ,֊ եռօրյա վաղեմության կռճոններ, որ դեռ կարելի էր օգտագործել։ Սննդամթերքի արկղը հենց գործիքների արկղի կողքին էր․ ես առանց որևէ անհրաժեշտության դուրս քաշեցի 16 համարի բանալին ու սկսեցի զննել, ապա մաքուր սրբեցի ու սկսեցի դրանով խառնել գուլյաշը։
: Ինչպես հիշում եք՝ մենակ էի, շուրջս՝ ոչ մի շունչ, ուստի, հանուն զվարճության, փորձեցի թռցնել բանալին, ինչպես Դոնն էր անում։ Եվ ահա, եթե բանալին ուղիղ վեր էի նետում և աչքերս թարթում այն պահին, երբ դադարում էր բարձրանալ ու սկսում էր ցած ընկնել, կես վայրկյանի չափ այնպիսի զգացում էի ունենում, ասես լողում է օդում։ Սակայն հետո շրմփում էր խոտին կամ իմ ծնկանը, ու տպավորությունն անմիջապես ցնդում էր։ Բայց չէ՞ որ դա նոիյն բանալին էր․․․ Նա ինչպե՞ս էր անում։ Եթե այդ ամենը պատրանքներ են, մի՛ստր Շիմո՛դա, ապա ի՞նչն է իրական։ Եվ եթե կյանքը պատրանք է, ինչո՞ւ ենք այն ապրում ընդհանրապես։
: Վերջապես ձեռ քաշեցի իմ զբաղմունքից։ Մանեկաբանալին էլի մեկ֊երկա անգամ նետեցի վեր ու դադարեցի։ Եվ այդ հրաժարումն անսպասելի ուրախություն բերեց։ Շուրջն ամեն ինչ անսպասելիորեն երջանկություն զգեցավ,֊ և՛ այն, որ ես այնտեղ եմ, ուր կամ, և՛ այն, որ գիտեմ՝ ինչ գիտեմ, թեև դա բոլոր պատրանքների կամ գոնե մի քանի պատրանքի գոյության հարցի պատասխանը չէր։
: Մենակ լինելիս երբեմն երգում եմ։ «Օ՜, ես ու այս Ներկը հին ․․․»՝ երգում էի ես ու թփթփացնում Ֆլիտի թևին՝ նրա հանդեպ իսկական սիրո զգացումով բռնված (չմոռանաք, որ չկար մեկը, ով կկարողանար լսել ինձ)։ «Մենք թափառում ենք երկնքում բարձր.․․ վարգում դաշտերով, մինչև մեզանից մեկը հետ մնա․․․»։ Երաժշտությունն ու բառերը ծնվում էին երգելուն զուգահեռ։֊ «Եվ ես նա չէի, ով հետ է մնում․․․ Մինչև չջարդվի ողնուցը․․․ այդժամ ես այն կձգեմ փաթեթավորման մետաղալարով․․․ ու մենք կթռչենք, կթռչենք առաջ․․․ ԿԹՌՉԵՆՔ ԱՌԱ՜Ջ․․․»։ Տողերը հաջորդում էին իրար, քանի դեռ տրամադրությունս տեղն էր ու երջանիկ էի, որովհետև հանգն այստեղ տասներորդական նշանակություն ունի։ Ես դադարեցի մտածել Փրկչի պրոբլեմների մասին, որևէ հնար չունեի պարզելու, թե ով է նա և ինչ կա այս ամենի ետևում։ Դրա համար էլ դադարեցի ջանալ ու կարծում եմ, որ հենց դա էլ երջանկություն բերեց ինձ։
: Դեռ բավական ժամանակ կար մինչև տասը, երբ խարույկը հանգավ, նրա հետ մարեց և իմ երգը։
: ֊ Որտեղ էլ որ լինես, Դո՛նալդ Շիմոդա,֊ ծածկոցն ինքնաթիռի թևի տակ փռելով՝ ասացի ես,֊ երջանիկ թռիչք եմ մաղթում ու՝ ոչ մի ամբոխ։ Եթե, իհարկե, դա այն է, ինչ դու ցանկանում ես։ Ո՛չ, խոսքս հետ եմ վերցնում։ Ես ցանկանում եմ, թանկագին միայնակ Փրկի՛չ, որ գտնես այն ամենն, ինչ ուզում ես։
: Նրա գրքույկը, երբ վերնաշապիկս հանում էի, ընկավ գրպանիցս, ու բացված էջին կարդացի․
: Կապերը,
: որոնցով կապված են
: քո իսկական ընտանիքում,
: արյան կապեր չեն,
: այլ կապեր հարգանքի և ցնծության՝
: առ մեկմեկու կյանքը։
: Քիչ է պատահում,
: որ մի ընտանիքի անդամները
: հասակ առնեն
: նույն հարկի տակ։
: Ես չհասկացա, թե այդ ամենն ինչով կարոդ էր վերաբերել ինձ, և ինքս ինձ հիշեցրի՝ գրքին երբեք թույլ չպիտի տամ, որ դուրս մղի իմ սեփական մտքերը։ Ես շուռումուռ էի գալիս ծածկոցի տակ, հետո անջատվեցի,֊ ասես մարեց էլեկտրական լամպը,֊ աներազ, երկնքի ու մի քանի հազար աստղերի ներքո, որոնք եթե նույնիսկ պատրանք էլ էին, ապա սքանչելի պատրանք։
: Երբ մյուս առավոտ արթնացա, արևը նոր էր ծագել՝ շուրջը լույս ու ոսկի ստվերներ շաղելով։ Արթնացա ոչ թե նրանից, որ արդեն լույս էր, այլ ինչ֊որ մեկը թեթև հպվեց գլխիս։ Մտածեցի՝ ծղոտ է։ Երկրորդ միտքս այն էր, թե բզեզ է, որ ծանր թրմփաց ու քիչ էր մնում ջարդեր ձեռքս․․․ 16 համարի մանեկաբանալին էր,֊ այդ ծանր երկաթակտորը, որ ընկավ ողջ արագությամբ,֊ ես անմիջապես արթնացա։ Մանեկաբանալին հետ թռավ ողնուցի ծխնիից, մի ակնթարթ տապ արեց խոտերի մեջ, ապա ճախրեց վեր։ Հետո, երբ, արդեն լրիվ արթնացած սկսեցի հետևել նրա ընթացքին, փափուկ իջավ հողին ու անշարժացավ։ Այն պահին, երբ որոշեցի վերցնել, կրկին նույն հին ու բարի 9/16 բանալին էր, որը ճանաչում ու սիրում էի, առաջվա պես ծանր, առաջվա պես՝ ինձ ձանձրացրած մանեկներն ու պնդօղակները ձգելու ցանկությամբ այրվող։
: Ես երբեք «գրողը տանի» կամ «սատանա» չեմ ասում, մանկուց մնացած սովորություն է։ Բայց լրջորեն մտահոգված էի, իսկ նման դեպքում այլ բան չես ասի։ Ի՞նչ է կատարվում իմ մանեկաբանալու հետ։ Դոնալդ Շիմոդան այստեղից առնվազն վաթսուն մղոն հեռավորության վրա է, հորիզոնից անդին։ Ես վերցրի բանալին, զննեցի, ծանրութեթև արեցի ձեռքիս մեջ՝ ինձ նախապատմական կապիկ զգալով, որը չի կարողանում հասկանալ, թե անիվն ինչպես է պտտվում իր աչքի առաջ։ Չէ որ մի պարզ պատճառ պիտի լինի․․․ Վերջապես դադարեցի, բանալին նեղսրտած դրեցի գործիքների արկղն ու կրակ արեցի, որ բաղարջ թխեմ։ Շտապելու տեղ չունեի։ Կարող եմ ամբողջ օրն այստեղ մնալ, եթե ցանկանամ։
: Բաղարջը թավայում լավ փքվել էր, ու ես արդեն պատրաստվում էի շուռ տալ երբ երկնքում արևմուտքից եկող ձայն լսեցի։ Անհնար էր ենթադրել, որ դա Շիմոդայի ինքնաթիռի ձայնն է, կամ որևէ մեկը հետևել֊գտել է ինձ այս մեկուսի դաշտում՝ Միջին Արևմուտքի միլիոնավոր դաշտերի մեջ, բայց գիտեի, որ նա է, ու սկսեցի շվշվացնել՝ մեկ բաղարջին, մեկ երկնքին հետևելով, փորձելով գտնել այն բառերը, որոնցով դիմավորելու եմ նրան, երբ վայրէջք կատարի։ Իհարկե, դա Թրեվըլ Էյրն էր։ Ցածր թռչելով Ֆլիտի վրայից, կտրուկ, ձև թափելով՝ շրջադարձ արեց, ճախրեց օդում ու նստեց այն արագությամբ, որով և հարկ է, որ նստեր Թրեվըլ Էյրը։ Նա մոտ քշեց ինքնաթիռն ու հանգցրեց շարժիչը։ Ես ոչինչ չասացի։ Ձեռքով արեցի, բայց՝ ոչ մի բառ։ Սուլելն էլ դադարեցրի։ Նա դուրս եկավ խցիկից ու մոտեցավ կրակին։
: ֊ Ողջո՛ւյն, Ռի՛չարդ։
: ֊ Դու ուշացար,֊ ասացի,֊ բաղարջը քիչ էր մնում վառվի։
: ֊ Ների՛ր։
: Ես նրան մեկնեցի առվակի ջրով լի գավաթն ու անագե ափսեն՝ վրան բաղարջի կեսն ու մի քիչ մարգարին։
: ֊ Այնտեղ այդ ամենն ինչո՞վ ավարտվեց։
: ֊ Բարեհաջող ավարտվեց,֊ ասաց նա՝ մի ակնթարթ թեթև ժպտալով։֊ Ողջառողջ ծլկեցի։
: Նա որոշ ժամանակ լուռումունջ ուտում էր։
: ֊ Գիտե՞ս,֊ իր պատառը զննելով՝ վերջապես ասաց նա,֊ սա ահավոր գարշանք է։
: ֊ Ոչ ոք չի պնդում, թե դու պարտավոր ես ուտել իմ հացը,֊ վիրավորվեցի ես։֊ Ինչո՞ւ են բոլորն ատում իմ հացը։ ՈՉ ՈՔ ԻՄ ԲԱՂԱՐՋՆԵՐԸ ՉԻ ՍԻ֊ ՐՈԻՄ։ Ինչո՞ւ է այդպես, Ուսուցի՛չ։
: ֊ Դե ինչ,֊ քմծիծաղ տվեց նա,֊ հիմա ես խոսում եմ որպես Աստված։ Կարծում եմ՝ դու հավատում ես, որ դրանք լավն են, դրա համար էլ քեզ համեղ են թվում։ Փորձիր, բայց առանց վստահաբար հավատալու՝ ինչին հավատում ես․ չէ որ այս բաղարջը․․․ հրդեհի պես բան է․․․ ջրհեղեղից հետո․․․ ջրաղացում, քեզ այդպես չի՞ թվամ։ Կարծում եմ՝ կուզենայիր հացին համեմունքներ խառնել։
: ֊Ների՛ր, մի տեսակ մտքիցս թռել էր։ Բայց չե՞ս կարծում, որ ինքնին հացը հանապազօրյա,֊ ոչ թե համեմունքները կամ ինչ֊որ վառված պատառ,֊ հանապազօրյա հաց է, չե՞ս կարծում։
: ֊ Սարսափելի է,֊ ասաց նա՝ վերադարձնելով բաղարջի կտորը, որից մի պատառ էր միայն կծել։֊ Ավելի լավ է սոված մնամ։ Իսկ դեղձ մնացե՞լ է։
: ֊ Արկղում կա։
: Նա ինձ ինչպե՞ս էր գտել այդ դաշտում։ Քսանութ ոտնաչափ երկարությամբ թևերով ինքնաթիռն այնքան էլ հասանելի նշանակետ չէ քսան հազար մղոնանոց պրերիայում, մանավանդ երբ թռչում ես արևին հակառակ։ Բայց ես երդվել էի չհարցնել։ Եթե կուզենա, թող ինքը պատմի։
: ֊ Ինձ ինչպե՞ս գտար,֊ հարցրի,֊ չէ որ կարող էի իջնել՝ ուր պատահեր։
: Նա արդեն բացել էր դեղձերի տուփը և դանակին քաղելով՝ ուտում էր, ինչը նույնպես հեշտ գործ չէ։
: ֊ Նմանը ձգում է նմանին,֊ քրթմնջաց նա՝ դեղձից մի կտոր կծելով։
: ֊ Ի՞նչ։
: ֊ Տիեզերական օրենք է։ ֊Հա՜։
: Ես կերա֊վերջացրի բաղարջս ու թավան լվացի առվակի ջրում։
: ֊ Գուցե բացատրե՞ս։ Նվաստս ինչո՞վ է նման ձերդ մեծարգո բարեծնությանը։ Թե՞ «նմանություն» ասելով, նկատի անես, որ ինքնաթիռներն են նման, այդ կարգի մի բա՞ն։
: ֊ Մենք՝ հրաշագործներս, պիտի միասին լինենք,֊ ասաց նա։ Ու խոսքը և՛ կատակ էր, և՛ սարսափելի՝ այնպե՜ս ասաց։
: ֊ Ինչպե՞ս, Դո՛ն։ Քո այդ հայտարարությո՜ւնը․․․ գուցե բացատրե՞ս ինչ էր մտքիդ, երբ ասում էիր՝ մենք, հրաշագործներս։
: ֊ Գործիքների արկղում 16 համարի դիրքից ելնելով՝ ես կասեի, որ այս առավոտ զբաղվել ես լևիտացիայով։ Ասա, եթե սխալվում եմ։
: ֊ Ոչ մի բանով էլ չէի զբաղվում։ Ես արթնացա․․․ այդ բանն ինքը ինձ արթնացրեց։
: ֊ Հա՜, ինքը,֊ նա ծիծաղեց վրաս։
: ֊ԱՅՈ՛, ԻՆՔԸ։
: ֊ Հրաշագործության քո ընկալումը նույնքան խորն է, որքան հաց թխելու ըմբռնումդ։
: Ես չպատասխանեցի, միայն ավելի հարմար նստեցի անկողնուն ու փորձում էի ինձ հնարավորինս հանգիստ պահել։ Եթե ասելու բան ունի, ինքը կասի, երբ անհրաժեշտ համարի։
: ֊ Մեզնից ոմանք այդ ամենը սկզբում անգիտակցաբար են անում։ Մեր սթափ միտքը չի ընդունում այդ ամենը, դրա համար էլ հրաշքները գործում ենք քնի մեջ։֊ Նա վեր նայեց՝ առաջին մանրիկ ամպերին։֊ Անհամբեր մի՛ լինի, Ռի՛չարդ։ Մենք բոլորս շատ ավելին սովորելու ճանապարհին ենք։ Հիմա դա շատ ավելի արագ կհասնի գիտակցությանդ, և ղու շատ ավելի վաղ կդառնաս ծեր ու իմաստուն հոգևոր մաեստրո, քան գլխի կընկնես, որ դարձել ես։
: ֊ Ի՞նչ է նշանակում՝ շատ ավելի վաղ, քան գլխի կընկնեմ։ Ես դա չեմ ուզում իմանալ։ Ես ոչինչ չեմ ուզում իմանալ։
: ֊ Դու ոչինչ չես ուզում իմանալ։
: ֊ Դե լավ, ես ուզում եմ իմանալ ինչո՞ւ գոյություն ունի այս աշխարհը, և ինչո՞ւ եմ ես ապրում այստեղ և ո՞ւր կընկնեմ հետո, ես ուզում եմ իմանալ ինչպես թռչեմ առանց ինքնաթիռի, եթե ցանկանամ։
: ֊ Ների ր։
: ֊ Ինչի՞ համար ներեմ։
: ֊ Այդպես բան դուրս չի գա։ Եթե ուզում ես իմանալ, թև ինչու գոյություն ունի այս աշխարհը, ինչպես է այն կառուցված՝ դու մեքենայաբար սկսում ես հրաշքներ գործել՝ այն ամենն, ինչն ընդունված է հրաշք անվանել։ Բայց, իհարկե, ոչ մի հրաշալիք էլ չկա։ Իմացար այն, ինչ գիտեն մոգերը, և դա այլևս մոգություն չի լինի,֊ նա հայացքը կտրեց երկնքից։֊ Դու նման ես մյուսներին։ Դու արդեն ամեն ինչ գիտես, պարզապես չես գիտակցում, որ գիտես։
: ֊ Ես չեմ հասկանում,֊ ասացի,֊ չեմ հիշում, որ հարցրած լինեիր՝ ուզո՞ւմ եմ, արդյոք, այդ ամենը սովորել,֊ այն ամենը, որ դեպի քեզ է ձգում ամբոխներն ու դժբախտությանը՝ ողջ կյանքիդ ընթացքում։ Գուցե պարզապես մոռացե՞լ եմ։
: Ու հենց ասացի, արդեն գիտեի, թե ինչ եմ լսելու, ֊ այն, ինչ ես կհիշեմ հետագայում,֊ ու նա իրավացի կլինի։
: Դոնը, ալյուրի մնացորդներով պարկը գլխի տակ, մեկնվեց խոտին։
: ֊ Լսի՛ ր, ամբոխների հարցում մի անհանգստանա։ Նրանք չեն դիպչի քեզ, քանի դեռ ինքդ չես ցանկանում։ Հիշի՛ր, դու կախարդ ես,֊ ո՜ւ֊ դու անտեսանելի ես և անցնում ես փակ դռների միջով։
: ֊ Ամբոխը քեզ ճանկել էր Տրոյայում, ճի՞շտ է։
: ֊ Իսկ ես ասացի, թե չէի՞ ցանկանում դա։ Այդ ես թույլ տվի նրանց։ Դա ինձ դուր էր գալիս։ Ամեն մեկիս մեջ մի քիչ չկայացած դերասան կա, հակառակ դեպքում երբեք Ուսուցիչ չէինք դառնա։
: ֊ Բայց մի՞թե դու չես հրաժարվել։ Ես չէ՞ որ կարդացի․․․
: ֊ Այնպես պատահեց, որ ինձնից Մեն֊Ս՝իակ֊Լրիվ Դրույքով Փրկիչ էին սարքում, և այդ առաջարկը մերժելով մերժեցի։ Բայց ես չեմ կարոդ հետ վարժվել այն ամենից, ինչի վրա դրել եմ ողջ կյանքս, ճիշտ չե՞մ։
: Ես, ծղոտի շյուղը ծամելով, փակեցի աչքերս։
: ֊ Լսի՛ր, Դո՛նալդ, դու ինձ ի՞նչ ես վարձում բացատրել։ Չե՞ս կարոդ ուղիղ ասել, թե ինչ է կատարվում։
: Երկար ժամանակ լռություն էր, հետո նա խոսեց․
: ֊ Գուցե պետք է, որ դո՞ւ ասես։ Դու ինձ կասես այն, ինչը ես փորձում եմ ասել քեզ, ու ես կուղղեմ, եթե սխալվես։
: Մի րոպեի չափ մտմտում էի այդ ամենի վրա, ապա որոշեցի զարմացնել նրան։
: ֊Օ՚քեյ, ե՛ս կասեմ։ ֊ Ես դադար տվի, որ տեսնեմ՝ ինչքան կարող է համբերել, եթե իր նկատի ունեցածն այնքւսն էլ շուտ չասվի։ Արևն արդեն մի քիչ բարձրացել ու տաքացնում էր, հեռվում, ինչ֊որ տեղ, մի անտեսանելի դաշտում, ինչ֊որ ագարակատեր գործի դրեց դիզելային տրակտորը, թեև օրը կիրակի էր։
: ֊ Օ՚քեյ, ե՛ս կասեմ։ Նախ՝ պատահականություն չէր, որ քեզ առաջին անգամ տեսա դաշտում, Ֆերիսի մոտ, ճի՞շտ է։
: Նա լուռ ու խաղաղ էր՝ աճող խոտի պես։
: ֊ Եվ երկրորդ, իմ ու քռ միջև յուրատեսակ միստիկական համաձայնություն կա, որը ես, հավանաբար, մոռացել եմ, իսկ դու՝ ոչ։
: Մեղմ քամի էր փչում՝ մերթ բերելով, մերթ վանելով բանող տրակտորի հեռավոր հռնդոցը։ Իմ ինչ֊որ մասնիկը, որ լսում էր ինձ, չէր գտնում, թե այն ամենը, ինչ ասում եմ, հորինվածք է։ Ես ճշմարիտ պատմություն էի հորինում։
: ֊ Ուզում եմ ասել, որ մենք հանղիպել ենք երեք կամ չորս հազար տարի առաջ, մի օր ավելի, մի օր պակաս։ Մեզ դուր են գալիս նույն արկածները, հնարավոր է, որ մենք ատում ենք նույն ավերիչներին, սովորում ենք միանման հաճույքով, նույնչաւի արագ։ Քո հիշողությունն ավելի լավն է։ Եվ մեր բոլոր հանդիպումները հենց այն են, ինչ դու նկատի ունես՝ «Նմանը ձգում է նմանին» ասելով։
: Ես նոր ծղոտիկ վերցրի։
: ֊ Դե ինչ, կարողանո՞ւմ եմ։
: ֊ Սկզբում կարծում էի, թե ճանապարհը երկար է լինելու,֊ ասաց նա։֊ Այդ֊ պես է, բայց, կարծես, մի պստիկ հնարավորություն կա, որ այս անգամ կհաղթահարես։ Շարունակի՛ր, ասա՛։
: ֊ Ես շարունակելու կարիք չունեմ, որովհետև դու արդեն գիտես այն, ինչ գիտեն մարդիկ։ Բայց եթե ես դա չասեի, դու չէիր իմանա, թե ինչ եմ մտածում և ինչ գիտեմ, իսկ առանց դրա չեմ կարոդ սովորել այն ամենը, որ ուզում եմ սովորել։֊ Ես դեն նետեցի ծղոտիկը։֊ Դա ինչի՞ համար է, քո ինչի՞ն են պետք իմ նմանները, Դո՛ն։ Երբ էլ որ հայտնվեն քեզ նման կատարյալ մարդիկ, նրանց համար հրաշագործ ուժերն ընդամենը ածանցյալ են լինելու։ Ես քեզ պետք չեմ, քեզ ընդհանրապես ոչինչ պետք չէ այս աշխարհից։
: Ես դարձրի գլուխս ու նայեցի նրան։ Շիմոդայի աչքերը փակ էին։
: ֊ Ինչպես Թրեվըլ Էյրի՞ն բենզին պետք չէ,֊ ասաց նա։
: ֊ ․․․ Ոչ մի արկած, քանզի դու գիտես, որ այս աշխարհում ոչինչ չի կարող խանգարել քեզ։ Քո միակ պրոբլեմն այն է, որ դու պրոբլեմ չունես։
: Ասացի ու մտածեցի, որ սարսափելի բան էր ասածս։
: ֊ Այստեղ վրիպեցիր,֊ խոսեց նա։֊ Ասա ինձ՝ ինչո՞ւ հրաժարվեցի իմ աշխատանքից․․․ դու գիտե՞ս, թե ինչու եմ հրաժարվել Փրկիչ աշխատել։
: ֊ Դու ասում էիր՝ ամբոխները։ Ամեն մեկն ուզում էր, որ հրաշքներդ հատկապես ի՛ր համար գործես։
: ֊ Այո։ Բայց դա ոչ թե նախ և առաջն է, այլ երկրորդը։ Ամբոխից վախենալը քո՛ խաչն է, Ոի՛չարդ, ոչ թե իմ։ Ինձ հոգնեցնում են ոչ թե պարզապես ամբոխները, այլ ամբոխը, որ ընդհանրապես թքած ունի, թե ի՛նչ եմ ասելու։ Կարող ես ոտքով կտրել օվկիանոսը՝ Նյու Յորքից Լոնդոն, կարող ես ոսկու անձրև տեղալ, մե՛կ է, նրանց հետաքրքրությունը չես շարժի, պատկերւսցնո՞ւմ ես։
: Երբ նա ասում էր այս ամենը, այնքան միայնակ տեսք ուներ, ինչպիսին երբևէ չէի տեսել, որ ունեցած լիներ մեկնումեկը այս երկրի վրա։ Նրան ոչ ուտելիք է պետք, ո՛չ տուն, ո՛չ փող, ո՛չ փառք։ Նա մեռնում է իր իմացածն ասելու կարիքից, ու ոչ մեկին հետաքրքիր չէ, ոչ ոք չի լսում նրան։ Ես կկոցեցի աչքերս, որ արցունքս պահեմ։
: ֊ Դե ինչ, ինքդ ես մեղավոր,֊ ասացի։֊ Եթե քո երջանիկ լինելը կախված է նրանից, թե ինչ է անում մեկ ուրիշը, ուրեմն, համենայնդեպս, պրոբլեմ ունես։
: Նա արագ բարձրացրեց գլուխն, ու աչքերից կայծեր թռան, ասես խփած լինեի մանեկաբանալիով։ Ես անմիջապես մտածեցի, որ անխոհեմ կլիներ այդ տղային իմ դեմ լարելը։ Կայծակնահար մարդն արագ է վառվում։ Սակայն նա ժպտաց իր հպանցիկ ժպիտով։
: ֊ Գիտե՞ս ինչ, Ռի՛չարդ,֊ դանդաղ խոսեց նա։֊ Դու․․․ դու․․․ իրավացի ես։
: Ու կրկին լռեց՝ համարյա տրանսի մեջ ընկնելով այն ամենից, ինչ ասել էի։ Այդ փոփոխությունը չնկատելով՝ շարունակում էի պատմել, թե ինչպես ենք հանդիպել, թե ինչ է պետք սովորել, բոլոր այն գաղափարների մասին, որ անցնում էին իմ գլխով, վաղորդյան ասուպների ու իրիկնային երկնաքարերի պես։ Նա լուռումունջ պառկել էր խոտին, չէր շարժվում, չէր խոսում, ո՛չ մի խոսք։ Կեսօրվա կողմ ավարտեցի Տիեզերքի ու նրա պարունակության իմ վարկածը։
: ֊․․․ Եվ ես ինձ այնպես եմ զգում, ասես նոր֊նոր եմ սկսել, Դո՛ն, այնքան բան ունեմ ասելու։ Ես որտեղի՞ց գիտեմ այդ ամենը։ Ինչպե՞ս է այդ ամենը կատարվում։
: Նա չպատասխանեց։
: ֊ Եթե սպասում ես, որ պիտի պատասխանեմ քո սեփական հարցերին, ապա խոստովանում եմ, որ չգիտեմ։ Ինչո՞ւ եմ կարողանում այդ ամենի մասին խոսել այժմ, երբ նախկինում նույնիսկ չէի էլ փորձել։ Ի՞նչ է պատահել ինձ։
: Ոչ մի պատասխան։
: ֊ Դո՛ն, գուցե խոսեիր, հը՞։ Խնդրում եմ․․․
: Նա ոչ մի բառ չարտաբերեց։ Ես նրա առաջ բացում էի կյանքի համապատկերը, իսկ իմ Փրկիչը, կարծես իր երջանկության մասին ասված պատահական բառի մեջ լսելով այն ամենն, ինչ իրեն պետք էր՝ խորունկ քնել էր։
:==7==
[[Category: Արձակ]]
|վերնագիր = Պատրանքներ։ Ակամա Փրկչի արկածները։
|հեղինակ =[[Ռիչարդ Բախ]]
|թարգմանիչ = Վահե Հովհաննիսյան
|աղբյուր = «Հայաստան» 2003 թ․
}}
:==ԱՌԱՋԱԲԱՆ==
:Երբ «Ճայը» լույս տեսավ, ինձ հաճախ էին հարցնում․ «Իսկ հետո՞, Ռիչա՛րղ, ինչի՞ մասին ես պատրաստվում գրել «Ջոնաթանից» հետո»։
:Ես, սակայն, բնավ պարտավորված չէի զգում որևէ բան գրել, մեկ բառ անգամ։ Ուստի պատասխանում էի, թե իմ գրքերով,֊ բոլո՛ր գրքերով, ոչ միայն «Ճայով»,֊ արդեն ասել եմ այն, ինչ ուզում էի, և այլևս գրելիք չունեմ։ Բացի այդ, մի քիչ հետուտռաջ անելուց հետո մեքենան վերջապես գործի էր ընկել, գրքերն սկսել էին լույս աշխարհ գալ, և այնքան հաճելի էր գիտակցել, որ վերացել է ամեն օր առավոտից երեկո, առանց արձակուրդի և հանգստյան օրերի աշխատելու անհրաժեշտությունը։
:Բայց, մեկ է, ամեն ամառ ես նստում էի իմ անդրջրհհղեղյան բիպլանը ու թռչում դեպի Միջին Արևմուտք՝ թռիչքը երեքուկես դոլարով ուղևորներ ման տալու մարգագետնային խոտերի անծայրածիր կանաչ օվկիանոսի վրայով։ Ու, վերջիվերջո, հասավ այն պահը, երբ կրկին զգացի ծանոթ լարվածությունը, ինչ֊որ բան լրիվ չի ասվել, ինչ֊որ բան դեռ մնացել է։
:Ես գրամոլ չեմ։ Ավելին գրելուց ընդհանրապես հաճույք չեմ ստանում։ Ու եթե մի կողմ քաշվելու և ստվերում պահվելու ուժ գտնեի, եթե միայն կարողանայի դուռը չբանալ թակողի առաջ, երբևէ մտքովս չէր անցնի գրիչ վերցնել։
:Բայց երբեմն, հանկարծ, դինամիտի հզոր պայթյունի պես ինչ֊որ բան է կատարվում, ապակու բեկորներ, աղյուսի փշրանք ու ծեփի կտորներ են թռչում դեմքիդ, պատը ցրիվ է գալիս, ու դուռն արդեն բացարձակապես որևէ նշանակություն չունի։ Իսկ բացված ճեղքի միջով մոտենում է ինչ֊որ մեկը և խշրտոցով անցնելով բեկորների վրայով՝ մահացա ճանկում կոկորդդ ու քնքշանվաղ ձայնով խոստանում է. ․Բաց չեմ թողնի, մինչև ինձ բառեր չհագցնես, բառեր, որ գրվում են թղթին»։ Հենց այդպես ինձ այցելեցին «Պատրանքները»։
:Պառկել էհ խոտերի մեջ, ինչ֊որ տեղ Միջին Արևմուտքի անծայրածիր դաշտերում, ու նայում էի երկինք փորձելով ամպ ցրել սովորել։ Իսկ ուղեղիս մեջ պատկերներ էին վխտում, և մտքերս կամաց֊կամաց շարվում էին իրար ետևից՝ դառնալով դիպաշար։
:Հետաքրքիր է, ահա պառկած եմ այստեղ ու փորձում եմ ցրել ամպերը․․․ իսկ եթե, եթե․․․ Հանկարծ հայտնվեր մեկը, որ ստույգ կգիտենար, թե դա ինչպես է արվում և ընդունակ կլիներ ինձ իսկապես ուսուցանելու այդ արվեստը։ Նա, ով ինձ կկարողանար բացատրել՝ ինչպես է կառուցված աշխարհը և ինչպես կառավարել այդ աշխտրհը։ Ի՞նչ կլիներ, եթե երջանկություն ունենայի հանդիպելու որևէ գերբնական էակի...․
:Դե, եթե, օրինակ, մեր ժամանակներում հայտնվեր Սիդհարթհան։ Կամ՝ Հիսուսը։ Մեկը, որ իշխանություն ունի համաշխարհային պատրանքների վրա, քանզի հասու է եղել նրանցից անդին իրականությանը։ Ու եթե ինձ վիճակվեր անձամբ ծանոթանալ հետը, ասենք նա էլ թռչեր բիպլանով ու վայրէջք կատարեր հենց այս մարգագետնում, իմ կողքին։ Ինչպիսի՞ն կլիներ նա և ի՞նչ կասեր։
:Հնարավոր է, որ իմ տետրակի՝ մեքենայի յուղից ու խոտի տերևներից աղտոտված էջերին հայտնվելով՝ նա ճշգրտորեն նման չլիներ Փրկչի։ Գուցե բառ անգամ չասեր այն ամենից, որ ասում է Փրկիչն այս գրքում։ Բայցևայնպես, նա, որ գրքից է, ուսուցանում էր. ․եր կյանքը մարմնավորումն է այն ամենի, ինչ կրում ենք մեր մտքում։ Ամենը, որ այնտեղ կատարվում է, ինքներս ենք ստեղծել։ Իսկ եթե այդպես է, ուրեմն մենք բոլորս, ֊ դուք ձեր հերթին, ես իմ, ֊ պատահմամբ չենք հանդիպել այստեղ, տվյալ կոնկրետ պահին։ Եվ այդ դեպքում, ամենայն հավանականությամբ, բնավ պատահական չէ, որ հիմա ձեր ձեռքին է այս գիրքը, ու հավւսնաբար եկել եք այստեղ, որ հիշեք։ Իսկ իմ գրած գիրքը կարող է ձեգ օգնել այդ հարցում։ Ես կատարվածի ա՛յդ մեկնաբանությունն եմ ընտրում։ Եվ իմ Փրկիչը բնավ էլ գեղարվեստական հորինվածք չէ, այլ միանգամայն իրական ոմն․ նա հիմա նստած է ինչ֊որ տեղ, զուգահեռ աշխարհներից մեկում ու գոհունակ ծիծաղում է՝ նայելով թե իրադարձություններն այստեղ ինչպես են զարգանում՝ ճիշտ ու ճիշտ այն սցենարով, որ հորինել ենք ինքներս մեզ համար։ Ես այդպես եմ կարծում, քանզի այդպիսին է իմ ընտրությունը։
: ՀԵՂԻՆԱԿ
:==1==
:1․ Կանխորոշված էր, որ հայտնություն գա
:Վարպետն աշխարհին
:ծնված լինելով Ինդիանայի սրբազան երկրում։
:Եվ աշխարհ եկավ ու հասակ առավ
:գաղտնիքով օծուն բլուրների մոտ,
:որ Ֆորտ֊Ուեյնից դեպ արևելք են։
:2․ Եվ այս աշխարհի իմացությունը
:Վարպետն ստացավ
:դասատներում Ինդիանայի,
:և ապա տարիք առնելով անցավ
:արհեստանոցներն
:ու աշխատում էր ավտոմեխանիկ։
:3․ Բայց կար նաև այլ, ուրիշ գիտելիք,
:որ բերել էր իր բազում կյանքերից՝
:ապրած այլ, ուրիշ ժամանակներում
:ու երկրներում բոլորովին այլ։
:Եվ հիշում էր նա՝
:իմաստնություն ու եռանդ առնելով
:և տեսնում էին ամբողջը մարդիկ,
:և շատերն էին խորհրդի համար
:գալիս նրա մոտ։
:4․ Եվ հավատում էր Վարպետն իր ուժին,
:և համոզված էր, որ գիտի ինչպես
:օգնի ինքն իրեն, բոլորին նաև,
:բոլոր ապրողաց այս երկրի վրա։
:Եվ հավատում էր քանի որ Վարպետն իր գիտեցածին,
:ճշմարիտ խոսք էր դառնում գիտելիքն ու ճշմարիտ գործ։
:Տեսնելով նրա զորությանն այդ մեծ՝
:մարդիկ Վարպետի մոտ էին գալիս
:ապաքինվելու հոգսերից բոլոր
:և ախտերից, որ չարչարում էին ու տանջում իրենց։
:5․ Եվ հավատում էր Վարպետն անպայման
:բարի է, եթե ամեն արարած
:ինքն իր մեջ տեսնի Աստծո զավակին,֊
:ու սա էր քանզի հավատքը նրա,
:հենց այդպես էլ կար։
:Ուստի և, դեպի արհեստանոցներն,
:ուր աշխատում էր,
:ամբոխն էր հորդում,
:և այդ տեղերում վաղ առավոտից մինչև երեկո
:բազմություն կար մեծ՝
:իրենից խոսքն իր կամ գոնե հպումն ակնկալելով,
:ու շրջակայքում պտտվում էին դեռ հուսալով, թե
:կողքից անցնեչիս կդիպչի իրենց
:Վարպետն իր շուքով
:փոխակերպելով կյանքն
:ու փրկելով չարչարանքներից։
:6․ Եվ այնքան մեծ ու ահագին էին ամբոխները այդ,
:և այնքան հոծ էր արհեստանոցում
:հայտնության տենչով բռնվածների բազմությունը մեծ,
:որ ոչ Վարպետը ու ոչ էլ մյուս մեխանիկները
:մեքենաները նայելու անգամ հնար չունեին։
:Եվ գործատեղի վարիչները ու տերերը մի օր
:խնդրում էին, որ
:Վարպետը թողնի գործիքները իր ու թողնի գնա։
:7․ Եվ հեռանում էր այդժամ դաշտերը
:ու ման էր գափս ագարակներում,
:իսկ նրան հետքով գնացողները,
:անվանում էին Փրկիչ ու կոչում հրաշագործ, և
:քանի որ սա էր հավատքը նրանց,
:հենց այդպես էլ կար։
:8․ Իսկ Եթե հողմ էր բարձրանում հանկարծ,
:երբ խոսում էր նա
:լսողաց վրա,
:անձրևի ոչ մի կաթիլ չէր ընկնում,
:ու որքան էլ շատ լինեին վերջին
:շարքերում կանգնած՝
:նրա խոսքն այնտեղ հասնում էր հստակ,
:ինչպես որ շուրջը հավաքվածների ականջն էր լսում։
:Ու մեկ էր՝ քամու ոռնոց է
:կամ թե ամպրոպն է ճայթում,
:կամ Էլ կայծակն է ճեղքում կապարե ամպալեռները․․․
:Եվ խոսում էր նա միշտ առակներով։
:9․ Եվ այսպես ասաց․
:«Ձերն է ընտրության իրավունքը և
:ձեր մեջ է ուժը, որ հաշտ փնեք հենց ձեր ընտրության հետ։
:Առողջությունը ընտրելով ներուստ
:համաձայնում ենք առողջ ապրելուն,
:և ընտրությունը ուժ է առնում մեր համաձայնությամբ։
:Հիվանդությունը ընտրելով մենք մեր
:համաձայնությամբ դառնում ենք հիվանդ։
:Քանի որ մենք ենք մեզ համար ընտրում
:թե՛ բարօրություն, թե՛ աղքատություն,
:թե՛ ազատություն և թե՛ ճորտություն։
:Ոչ մի ուրիշ ոք, այլ ինքներս ենք
:ընտրություն անում, համաձայնում ենք
:և ինքներս ենք կանգնում ղեկի մոտ»։
:10․ Եվ այդ ժամանակ
:ջրաղացպանը ձայն տվեց նրան
:եւ այսպես ասաց․
:«Քեզ համար հեշտ է խոսել․
:Վարպետ ես, ի վերուստ գիտակ,
:բնավ ինչպիսին մենք՝ բախտի կամքին թողնվածներս։
:Ուստի, կարիքը չունես բանելու՝ քրտինք թափելով,
:ինչպես որ մենք ենք բանում ամեն օր,
:ինչպես որ ծանր մեր բեռն ենք տանում,
:որ այս աշխարհում ապրենք ինչ֊որ կերպ»։
:11․ Եվ պատասխանեց Վարպետը նրան
:և այսպես ասաց.․«Կար֊չկար հսկա ու բյուրեղի պես մաքրաջուր մի գետ,
:որի հատակին էակներ էին ինչ֊որ բնակվում։
:Եվ ապրում էին համայնքով, մեկտեղ։
:12․ Եվ անխոս ու լուռ գլորում էր գետն
:իր բյուրեղի պես մաքուր ջրերը նրանց վրայով
:տարեցների և պարմանիների,
:և հարուստների, և անտունների,
:ողորմածների և ցասկոտների,
:ողջախոհների, ախտավորների․․․
:Նրա ջրերի հոսքն իր էր ինքնին,
:քանզի գնամ էր իր ճանապարհով
:և իր սեփական էությունն էր նա ճանաչում միայն,
:որն էր՝ բյուրեղյա մաքրությունը իր։
:13․ Եվ ամեն մեկը իր ինքնահատուկ
:եղանակով էր վերստին կառչում
:շյուղերից խոտի, սուզագերանից
:ու քարերից, որ շաղ էին եկել
:մեծ բյուրեղի պես մաքրաջուր գետի
:հատակին խորունկ։
:Այդպես շարունակ՝
:քանի որ դա էր կերպն իրենց կյանքի,
:և իմաստն այն էր, որ գոյատևեն կարեցածին չափ՝
:մնալով անշարժ ու դիմանալով ջրերի հոսքին։
:Եվ ամեն մեկը դրան վարժված էր
:իր ծննդյան հենց առաջին պահից։
:14․ Բայց կար նրանց մեջ
:մեկը, որ ասաց օրերից մի օր,
:«Հոգնեցի ու չեմ կառչելու մնամ։
:Հավատում եմ, որ հոսանքը գիտի թե ուր է հոսում։
:Ու թող որ նրա իմացությունը
:դեռ հասու չէ իմ հոգու աչքերին՝
:կտրվեմ կամքին գետահոսանքի
:ու թող նա տանի ինձ՝ ուր գնում է։
:Մնալով տեղում և առաջվա պես կառչելով, անշուշտ
:պիտի կործանվեմ,
:և ձանձրույթը գորշ
:կդառնա պատճառն իմ կործանումի»։
:15․ Եվ լսողները ծիծաղում էին ու ասում
:«Հիմա՜ր։ Բա՛ց թող, մի՛ կառչիր,
:ու քո պատվելի գետը կնետի
:քեզ ժեռ քարերին
:ու կոլորի քեզ եղջյուրի նման,
:ու կջախջախի
:ու վերջը կգա քո միանգամից,
:ու չես սպասի,
:որ ձանձրույթը քեղ սպանի մի օր»։
:16․ Ականջ չդրեց հորդորին նրանց՝
:ողջամիտների,
:խոր շունչ առավ և այն ամենն, ինչից
:կառչած էր մինչ այդ, ազատ արձակեց։
:Եվ այդ ժամանակ ջրերի հոսքը խլեց,
:ոլորեց եղջյուրի նման,
:նետեց քարերին, ափեափ խփեց,
:բայց չկործանեց, չսպանեց նրան։
:17․ ժամանակ անցավ,
:բայց նա այլևս
:տրված էր ջրի հարահոս կամքին։
:Եվ այդ ժամանակ հոսանքն ընդունեց
:ազատությունը նրա ու թեթև
:տարավ ոչնչի չհարվածելով
:չվնասեւով և ոչ մի անգամ։
:18․ Ու տարավ նրան հոսանքը
:հսկա իր հոսքով ներքև,
:ուր չէր ճանաչում նրան ոչ մի ոք,
:ուստի տեսնելով մոտ լողացողին,
:ձայն տվին նրանք․
:«Հրա՜շք է։ Տեսե՜ք,
:֊մեր նմանն է նա,
:ճախրում է սակայն։
:Մեսիան է, Փրկիչն
:ու եկել է նա մեզ ազատելու»։
:19․ Իսկ նա, ում հոսքը առաջ էր տանում
:սրանց վրայով, պատասխան տվեց․
:«Ես Փրկիչ եմ ոչ ավելի քան դուք։
:Քանզի պատրաստ է հոսանքը ազատ
:տանել ամենքին,
:ով համարձակվի արձակել ամենն,
:ինչից կառչում էր։
:Դրա համար ենք աշխարհ զալիս մենք,
:և այդ ուղին Է
:Էությունը և իմաստը կյանքի»։
:20․ Բայց չէին լսում՝
:շարունակելով գոչել «Մեր Փրկի՛չ»,
:խոնարհվում էին առավել ամուր կառչելու,
:իսկ երբ վերև նայեցին՝
:չտեսան նրան՝
:հոսանքով հեռու քշվածը չկար։
:Ապա մնալով մենակ, իրենց հետ՝
:լեգենդներ էին հյուսում
:Փրկիչի հայտնության մասին»։
:21․ Եվ օրերն էին անցնում,
:և անցնող օրերի միջով
:տեսնում էր վարպետն
:իր շուրջն ամբոխն է խտանում անվերջ,
:և՛ ավեփ են սեղմվում իրեն,
:և՛ առավել են շրջապատում խիտ,
:և՛ շողշողում են աչքերը նրանց կատաղի ու չար։
:Եվ տեսնում էր նա՝ ինչպե՜ս են տենչում,
:որ ապաքինի իրենց շարունակ
:ու գոհացում տա իրենց հրաշքով։
:Ու որ գիտենա՝ իրե՜նց փոխարեն
:և կյանքերն իրենց ցվախճան ապրի՝
:փորձությունները կրելով բոլոր,
:որ առաքվում են սոսկ իրե՛նց համար։
:Եվ այդ ժամանակ թողնելով նրանց՝
:բարձրացավ լեռան գագաթը, ապա
:ամենաբարձր գագաթին ծնկած՝ մենակ աղոթեց։
:22․ Եվ սրանք էին բառերը նրա․
:«Դո՛ւ․ Շլացուցի՛չ,
:Անվախճանական Շողարձակման մեջ
:թող կամքդ լինի որ ամենայն ինչ թողնեմ,
:ու տար այս բաժակը հեռու։
:Ծանր է ինձ համար և արդեն իսպառ
:անտանելի է, իմ ուժերից վեր։
:Քանզի չի լինամ, որ գեթ մե՛կ ուրիշ
:հոգու կյանքն ապրես,
:իսկ նրանք բյուր են,
:և բյուրք են լալիս,
:և իրենց համար չեն տենչում նոր կյանք։
:Ու ես զղջում եմ,
:որ թույլ եմ տվել սույնը կատարվի
:բայց եթե լինի կամքիդ ուզածով
:թույլ տուր հեռանամ նրանցից, ու թող
:մնամ իմ գործին, շարժիչներիս հետ,
:ու սովորական մարդու պես ապրեմ,
:ինչպես ապրում են ամենուր մարդիկ»։
:23․ Եվ գագաթին էլ պատասխան եղավ
:նրան մի ձայնով ոչ տղամարդու ու ոչ էւ կնոջ,
:ոչ խաղաղ, ոչ Էլ ահեղ, բայց լեցուն
:մի անչափելի բարեգթությամբ։
:Եվ այսպես ասվեց․
:«Իմ կամոք չէ, այլ՝ քո կամքով ողջը։
:Քանզի իմ կամքը կամենում է քեզ
:այն, ինչ կարող է լինել քո կամոք։
:Ուրեմն, գնա քո ճանապարհով,
:ինչպես մնացած մարդիկ են գնում,
:ու երջանիկ լեր այս հողի վրա»։
:24․ Խոսքը լսելով՝ Վարպետը ցնծաց
:ու, երախտապարտ, երբ լեռն էր թողնում,
:երգ էր դնդնում ինքը իր համար,
:այն, որ երգել էր միշտ աշխատելիս։
:Իսկ երբ որ կրկին շրջապատեցին ամբոխները խիտ
:ու տենչում էին և՛ ապաքինում, և՛ իմաստնություն,
:և՛ ամենօրյա հացը անքրտինք,
:ու որպեսզի նա տա իր իմացությունը,
:ու որպեսզի նա հաճույք պատճառի՝
:հանդիսախաղով հրաշքների, որ
:սոսկ ինքն էր գործում,
:այդ ժամանակ նա ժպտաց ու ասաց
:նրանց, որ բյուր ու բյուր էին իր շուրջ,
:պարզապես ասաց․ «Ես հեռաճամ եմ»։
:25․ Եվ լռաթյուն էր,
:քանզի քարացան ամենքն ապշահար,
:ու քամուց խոտն էր խշշում ոտքի տակ։
:26․ Եվ այդ լռաթյան մեջ նա մրմնջաց․
:«Եթե դիմել է մարդն իր Տիրոջը
:և ասել է, որ թեթևացնել է տենչում
:տառապանքն իր մերձավորաց,
:ու Տերը նրան ողորմածաբար
:հորդորել է, որ պիտի կատարվի
:ինչպես կամեցավ,
:հա՞րկ է, որ մարդը վարվի ճիշտ այնպես,
:ինչպես որ Տերն է ցուցանել նրան»։
:27․ Եվ բազմությունից
:շատերը նրան պատասխանեցին,
:թե չկա կասկած ու երկմտություն,
:և պետք է վարվեւ ճիշտ այնպես,
:ինչպես Տերն է ցուցանել,
:ու եթե նույնիսկ կանխորոշված է
:կրել դժոխքի չարչարանքները,
:ուրախությամբ է կրել հարկավոր՝
:համարելով դա շնորհ ու վայելք։
:28․ «Նշանակություն չունի՞
:ինչպիսի տառապանքներ են
:և ինչ խնդիր էր, որ Տերը տվեց»,֊
:այսպես հարցրեց նրանց։
:29․ Եվ նրան պատասխանեց․
:«Փառք է կախաղան ելնեւն ու փառք է
:գամվելն անպատիվ անարգասյունին,
:ողջակիզվելը կրակների մեջ,
:թե այդպիսին է խնդիրը Տիրոջ»։
:30․ Եվ այդ ժամանակ
:Վարպետը այսպես հարցրեց նրանց․
:«Իսկ ի՞նչ կանեիք, եթե Տերն ուղիղ
:ձեզ հետ խոսեր ու հրամայեր, որ
:երջանիկ լինեք աշխարհում այնքան,
:քանի ապրում եք։
:Այդ ժամանա՞կ՝ ինչ»։
:31․ Եվ լռություն էր նորից․
:ոչ մի բառ ու ոչ մի հնչյուն՝
:բլուրների և դաշտերի վրա,
:ուր խմբվել էին իր շուրջը նրանք։
:32․ Եվ ընկավ նրանց քար լռության մեջ
:խոսքը Վարպետի,
:և այսպես ասվեց.․«Երջանկությո՛ւնը՝ ճանապարհն ահա․
:և այդ ճամփին եք գտնելու ստույգ իմացությունը,
:հանուն որի ենք ընտրություն արել՝
:ապրելու այստե՛ղ և ա՛յս օրերում։
:Այս պահին սա եմ հասկացել, ուստի
:իմ ընտրությունն է՝ թողնել ձեզ,
:ամեն մեկիդ որ գնաք
:ձեր ճանապարհով ինչպես ուզում եք»։
:33․ Եվ բազմությունը ճեղքելով
:ճամփով, որ ինքն էր ընտրել
:թողեց նրանց ու վերադարձավ այն
:աշխարհը, որտեղ մարդիկ էին ու մեքենաները,
:ու սովորական օրվա ետևից հաջորդն էր գալիս,
:ու կյանքն էր այսպես հոսում շարունակ։
:==2==
: Ամռան կեսերին էր, որ դիպվածն ինձ հանդիպեցրեց Դոնալդ Շիմոդային։ Չորս տարվա թռիչքների ընթացքում չէի հանդիպել մեկ այլ օդաչուի, որը կաներ այն, ինչ ես էի անում հնամաշ բիպլանով․ թռչեր քաղաքից քաղաք և ուղևորներ ման տար՝ տաս րոպեն չորս դոլարով։ Բայց մի անգամ, Իլինոյս նահանգի Ֆերիս քաղաքից հյուսիս, ցած նայեցի իմ Ֆլիտի բաց խցիկից ու, կհավատա՞ք, տեսա, որ ներքևում մի հին Թրեվըլ Էյր֊4000 է կանգնած՝ ճերմակականաչ, զմրուխտյա, ցանկապատված դաշտում։
: Ես ազատ կյանք եմ վարում, բայց երբեմն չափազանց մենակ եմ զգում ինձ։ Եվ ահա, տեսա բիպլանը, մի քիչ մտմտացի ու վճռեցի, որ մեծ մեղք չի լինի, եթե նայեմ՝ ինչ կա այնտեղ։ Արագությունը հասցնելով նվազագույնի, ուղղորդման ղեկի օգնությամբ, սահքով՝ ես ու Ֆլիտը սկսեցինք իջնել։ Պտուտակի թափը կոտրելով՝ շարժիչը խլաձայն ու մեղմ ծոր տվեց իր խաղաղ «թիկ֊թակ»֊ը։ Պաշտպանիչ ակնոցը քաշեցի ճակատիս, որ ավելի լավ տեսնեմ, թե որտեղ եմ վայրէջք կատարելու։ Ներքևում սուլոցով սուրում էին հասկերի կանաչ ջունգլիները, առկայծեց ցանկապատը, որից այն կողմ, որքան կարողացա տեսնել, նոր հնձած դաշտն էր։ Ուղղորդման ղեկը հանեցի սահքի վիճակից ու ոչ մեծ շրջան արեցի գետնին.․խոտը խփվում էր անիվներին, հետո մեղմ շրշաց հողը, դանդա՛ղ, ավելի՛ դանդաղ, վերջապես լսվեցին շարժիչի արագ ճայթյունները, և մեքենան կանգ առավ մյուս ինքնաթիռի կողքին։ Ես անջատեցի շարժիչը։ Մեղմ կլակլտոց լսվեց, ու վրա հասավ հուլիսյան օրվա կատարյալ լռությունը։
: Թրեվըլ էյլրի օդաչուն, մեջքով իր ինքնաթիռի ձախ անիվին հենված, նստել էր խոտին ու նայում էր ինձ։ Ինքս այդքան անխռով մնալ չէի կարող և չէի նստի այդպես՝ հետևելով, թե մեկ ուրիշն ինչպես է վայրէջք կատարում ինձնից ընդամենը տաս ոտնաչափի վրա։ Ես գլխով արեցի։ Նա ինձ դուր էր եկել՝ ինքս էլ չգիտեմ, թե ինչու։
: ֊ Դու միայնակ մարդու տեսք ունես,֊ ասացի նրան։
: ֊Դու՝ նույնպես։
: ֊ Չեմ ուզում խանգարել։ Եթե ավելորդ եմ, կշարունակեմ թռիչքս։
: ֊ Չէ, ես սպասում էի քեզ։
: Ես ժպտացի․
: ֊ Կներես, որ ուշացա։
: ֊ Ոչի՛նչ։
: Ես հանեցի սաղավարտն ու ակնոցը, դուրս եկա խցիկից ու իջա գետնին։ Օդում անցկացրած մի քանի ժամից հետո դա միշտ էլ հաճելի է։
: ֊ Հուսով եմ, որ ապուխտից ու պանրից չես հրաժարվի,֊ ասաց նա,֊ ապուխտ, պանիր, հնարավոր է՝ նաև մրջյուն։
: Ու ոչ մի ձեռքսեղմում, ոչ մի ծանոթանալ։
: Նա մարմնեղ չէր, ուսերին հասնող մազերն ավելի սև էին, քան անիվի ռետինը, որին հենվել էր։ Աչքերը մուգ էին բազեի աչքերի պես։ Լավ է, երբ նման աչքեր ունի ընկերդ, բայց անծանոթի պարագայում անհանգստության զգացում ես ապրում։ Նա միանգամայն կարող էր իր հերթական աղմկոտ մրցելույթին մեկնող կարատեի վարպետ լինել։
: Ես նրա ձեռքից վերցրի սենդվիչն ու թերմոսի փոքրիկ բաժակը։
: ֊ Դու ո՞վ ես,֊ հարցրի,֊ ինքնաթիռով թափառելուս տարիներին ոչ մի անգամ ինձ պես շրջմոլիկի չէի հանդիպել։
: ֊ Ես, ճիշտն ասած, հատուկ որևէ բանի պիտանի չեմ,֊ ուրախ֊ուրախ ասաց նա։֊ Մի քիչ մեխանիկ եմ, եռակցող, քիչումիչ վաստակել եմ Քեթսի թրթուրավոր մեքենաները բանեցնելով։ Բանն այն է, որ երբ հարկ եղածից մի քիչ ավելի եմ մնում որևէ տեղ, միշտ ինչ֊որ պատմությունների մեջ եմ ընկնում։ Դրա համար էլ ինքնաթիռ սարքեցի ինձ համար և ահա շրջում եմ։
: ֊ Այդ ի՞նչ թրթուրավոր մեքենաներ են,֊ մանկուց խելքս գնում էր դիզելային տրակտորների համար։
: ֊ Դ֊8, Դ֊9։ Բայց այդ ամենը շատ կարճ տևեց, Օհայոյում։
: ֊ Դ֊9։ Այն մեծերն են, չէ՞, մի տան չափ։ Կրկնակի հաղորդակով․․․ դրանք իսկապե՞ս կարող են լեռ շարժել։
: ֊ Լեռներ շարժելու շատ ավելի լավ միջոցներ կան,֊ ասաց նա ժպիտով, որը մի ակնթարթ էլ չձգվեց։
: Ինքնաթիռի թևին հենված՝ մի րոպեի չափ հետևում էի։ Լույսի խա՜ղ..․ Նրան դժվար էր մոտիկից նայել։ Ասես լուսապսակ լիներ գլխին՝ մեղմ առկայծող արծաթավուն խորապատկերի վրա։
: ֊ Ինչ֊որ բան այնպես չէ՞,֊ հարցրեց նա։
: ֊ Իսկ այդ ի՞նչ պատմությունների մեջ ես ընկել։
: ֊ Առանձնակի ոչինչ չկար։ Պարզապես հիմա ինձ, ինչպես որ քեզ, դուր է գալիս շարունակ տեղաշարժվելը։
: Ես վերցրի սենդվիչս ու պտույտ տվի նրա ինքնաթիռի շուրջը։ 1928 կամ 1929 թվականի արտադրության մեքենա էր, ու վրան՝ ոչ մի քերծվածք։ Ոչ մի գործարան այդպիսի նոփ֊նոր ինքնաթիռներ չի արտադրում ու կանգնեցնում դաշտի մեջտեղը։ Յուղաներկի ու լաքի առնվազն քսան շերտերը հայելու պես շողշողում էին փայտե մասերին։ Խցիկի տակ՝ ոսկե տառերով, հին անգլիական տառատեսակով, գրված էր «ԴՈՆ», իսկ գրանցման քարտում նշված էր՝ Դ․ ՈՒ․ Շիմոդա։ Գործիքները նույնպես նոր էին, ասես հենց նոր արկղից հանած, 1928 թվականի իսկական թռիչքային գործիքներ։ Կաղնեփայտե հղկած սարքավահանակը և ուղղորդման ղեկը, խառնիչն ու բռնկման կանխարգելիչը՝ ձախից։ Հիմա արդեն բռնկման կանխարգելիչ չես տեսնի նույնիսկ լավագույնս վերականգնված ինքնաթիռներում։ Եվ ոչ մի տեղ՝ ոչ մի քերծվածք, ոչ մի բիծ՝ նրբակտավե երեսվածքին, յուղի ոչ մի կաթիլ՝ շարժիչի կափարիչին, ծղոտի ոչ մի շյուղ՝ խցիկի հատակին, ասես մեքենան երբևէ թռիչք կատարած չլիներ։ Կարծես այն պարզապես նյութականացել էր հենց այս դաշտում՝ ժամանակի ինչ֊որ կեսդարյա ճեղքվածքի միջով։ Ես զգացի, թե այդ ամենը տեսնելուց ինչպես են մեջքովս մրջյուններ վազվզում։
: ֊ Ինչքա՞ն ժամանակ է, որ ուղևորներ ես ման տալիս,֊ հարցրի նրան ինքնաթիռի մյուս կողմից։
: ֊ Մի ամիս, կարող է՝ հինգ շւսբաթ։
: Նա թռե՜լ էր։ Հինգ շաբաթվա թռիչք դաշտերի վրայով․ ով էլ լինես՝ և՛ կեղտ կհայտնվի ինքնաթիռիդ վրա, և՛ ծղոտ՝ խցիկիդ հատակին։ Թեկուզ քիչ, բայց ինչ֊որ բան կլինի։ Իսկ այդ մեքենա՜ն..․ Յուղի ոչ մի կաթիլ՝ հողմապակու վրա, ոչ մի ջնջխված միջատ՝ պտուտակին։ Ամռանն Իլինոյսում դա անհնար է ցանկացած ինքնաթիռի համար։ Ես էլի հինգ րոպեի չափ զննեցի Թրեվըլ էյրը, ապա վերադարձա ու թևի տակ նստեցի խոտին՝ դեմքով դեպի օդաչուն։ Այդ տղան ինձ դուր էր գալիս, բայց ինչ֊որ բան այն չէր։
: ֊ Ինչո՞ւ ինձ ճշմարտությունը չես ասում։
: ֊ Ես արդեն ասացի քեզ ճշմարտությանը, Ռի՛չարդ։ Եվ անունս էլ գրված է ինքնաթիռի վրա։
: ֊ Մարդը չի կարող ուղևորներ ման տալ այնպես, որ ինքնաթիռը, թեկուզ մի քիչ, չյուղոտի, բարեկա՛մս, գոնե մի քիչ չկեղտոտի։ Գոնե մի բիծ՝ երեսվածքի վրա, հը՞։ Աստվա՜ծ իմ, գոնե խոտի մի շյուղ՝ հատակին։
: Նա խաղաղ ժպտաց․
: ֊ Կան բաներ, որ դու չգիտես։
: Այդ պահին նա օտարական էր, ուրիշ մոլորակի մարդ։ Ես հավատացի նրան, բայց որևէ բացատրություն չէի գտնում այդ ոսկերչական իրի գոյության համար, որն, ըստ էության, նրա ինքնաթիռն էր՝ թռիչքադաշտի կենտրոնում։
: ֊ Ճի՛շտ է։ Բայց երբևէ կիմանամ։ Ամեն ինչ կիմանամ։ Եվ այն ժամանակ կարող ես վերցնել իմ ինքնաթիռը, Դո՛նալդ, որովհետև այլևս թռչելու կարիք չեմ ունենա։
: Նա հետաքրքրությամբ նայեց ինձ, ու սև հոնքերը ձգվեցին վեր։
: ֊ Իսկապե՞ս։ Պատմի՛ր։
: Ես ցնծում էի․ ինչ֊որ մեկին հետաքրքրել էր իմ տեսությունը․․․
: ֊ Մարդիկ երկար ժամանակ թռչել չէին կարողանում։ Գուցե և ոչ այն պատճառով, որ դա անհնար էին համարում, գուցե չէին յուրացրել աերոդինամիկայի առաջին օրենքը։ Ես ուզում եմ հավատալ, որ ինչ֊որ տեղ գոյություն ունի մեկ այլ օրենք, և մեզ հարկավոր չեն ինքնաթիռները, որպեսզի թռչենք, կամ անցնենք պատերի միջով, կամ հասնենք ուրիշ մոլորակների։ Մենք կարոդ ենք սովորել և անել այդ ամենը նաև առանց մեքենաների։ Որտեղ էլ որ լինի։ Եթե ցանկանանք։
: Նա ժպտաց իր հպանցիկ ժպիտով ու լուրջ֊լուրջ գլխով արեց։
: ֊ Եվ դու գտնում ես, որ կսովորես այդ ամենը, եթե շարունակես երեք դոլարով ուղևո՞ր ման տալ։
: ֊ Միակ ուսումնառությունը, որ իմաստ ունի, այն է, որին ինքդ ձգտում ես։ Չկա և չի կարող լինել երկրի վրա մեկը, որն ինձ ավելին կսովորեցնի, քան իմ ինքնաթիռն ու երկինքը։ Եվ եթե նման մեկը լիներ, ես անմիջապես կգնայի փնտրելու այդ մարդուն։ Մեկ է՝ տղամարդ լիներ, թե՝ կին։
: Մուգ աչքերը հանդարտ ու սևեռուն նայում էին ինձ։
: ֊ Դու, եթե իսկապես ուզում ես սովորել, մի՞թե չես հավատում, որ քեզ ղեկավարում են։
: ֊ Այո, ինձ ղեկավարում են։ Իսկ ո՞ւմ չեն ղեկավարում։ Ես միշտ զգացել եմ, որ ինձ հետևում են կամ նման մի բան։
:֊ Եվ կարծում ես՝ քեզ կբերեն Ուսուցչի մոտ, որը կօգնի քեզ։
:֊ Եթե չպատահի այնպես, որ ինքս լինեմ այդ ուսուցիչը, ապա՝ այո։
:֊ Կարող է և այդպես լինել,֊ ասաց նա.․․
: Թարմ տեսքով, նոր արտադրության պիկապը, փոշու ամպ բարձրացնելով, անաղմուկ մոտեցավ մեզ ու կանգ առավ դաշտի եզրին։ Դռնակները բացվեցին։ Մեքենայից իջան մի ծերունի ու մի տասնամյա աղջնակ։ Այնպիսի անհողմություն էր, որ փոշեհատիկը կախվում֊մնում էր օդում։
:֊ Այդ դո՞ւք եք այստեղ ուղևորներ ման տալիս,֊ հարցրեց ծերունին։ Դաշտը Դոնալդն էր գտել, ուստի ես ձայն չհանեցի։
:֊ Այո, սը՛ր,֊ ուրախ֊ուրախ ասաց նա։֊ Այսօր վատ չէր լինի թռչել, ճի՞շտ է։ Ուզո՞ւմ եք։
:֊ Իսկ եթե ուզեմ, չե՞ք սկսի խեղկատակություն անել օդում, գլուխկոնծի տալ,֊ ծերունու աչքերը չարաճճի կայծկլտում էին, քանի դեռ զննում էր մեզ, փորձելով տեսնել՝ գլուխ հանո՞ւմ ենք իր պես գեղջուկից։
:֊ Կուզեք՝ կանենք, չեք ուզի՝ չենք անի։
:֊ Բայց դուք երևի ահագին փող եք պլոկում, չէ՞։
:֊ Կանխիկ երեք դոլար՝ ինը֊տաս րոպե թռիչքի համար։ Դա նշանակում է՝ երեսուներեք ու երեք տասնորդական սենթ՝ րոպեում։ Շատերն ասում են, որ արժե։
: Ես կողմնակի մարդու տարօրինակ զգացում ունեի, որը պարապ նստել ու լսում էր, թե ուրիշն ինչպես է դրստում իր գործերը։ Ինձ դուր էր գալիս, որ նա այդ ամենն այդքան զուսպ ասաց։ Ես այնպես էի վարժվել թռիչքներս աղմկոտ գովազդելուն (Մարդի՜կ, ձեզ վերևում երաշխավորում եմ տաս աստիճանով ցածր ջերմություն։ Մեկնենք այնտեղ, ուր թռչում են միայն թռչուններն ու հրեշտակները։ Եվ այդ ամենը՝ երե՜ք դոլարով, չնչին մասը ձեր քսակի կամ գրպանի․․․), որ արդեն չէի էլ պատկերացնում՝ ինչպես կարելի է առանց դրա։
: Միայնակ թռչելն ու ուղևորներ ման տալը ծանր աշխատանք է։ Ես վարժվել էի դրան, բայց մի ուրիշ հանգամանք էլ կար․ եթե ես ուղևորներ չունենայի, ուտելու բան էլ չէի ունենա։ Հիմա, երբ հնարավոր էր պարապության տրվել, քանզի իմ ճաշն այլևս կախված չէր իմ եկամտից, կարող էի գեթ մեկ անզամ լիցքաթափվել ու նայել՝ ինչ է կատարվում։ Աղջնակը հետ էր քաշվել ու նույնպես դիտում՛ էր։ Շիկահեր, խաժ աչքերով, լուրջ հայացքով՝ նա կանգնել էր այստեղ, որովհետև այստեղ էր իր պապիկը։ Նա թռչել չէր ուզում։ Ավելի հաճախ հակառակն է՝ թռիչք տենչացող երեխաներ ու զգուշավոր մեծեր։ Երբ դրանով եք վաստակում ձեր հացը, նման հարցերում հոտառություն է մշակվում, ես հո գիտեի, որ աղջնակը չի թռչելու, եթե նույնիսկ ամբողջ ամառը նստենք այստեղ։
: ֊ Ձեզնից ո՞րը, ջենթլմեննե՛ր,֊ հարցրեց ծերունին։
: Շիմոդան իր բաժակի մեջ ջուր լցրեց։
: ֊ Ռիչարդը կտանի ձեզ։ Ես դեռ ճաշում եմ։ Կամ էլ՝ սպասեք։
:֊ Ոչ, սը՛ր, ես պատրաստ եմ թռչել հենց հիմա։ Կարո՞ղ ենք անցնել իմ ագարակի վրայով։
:֊ Իհարկե,֊պատասխանեցի ես,֊ միայն ցույց տվեք, թե որ կողմն եք կամենում թռչել, սր՛ր։
: Ես խցիկի առաջնամասից իջեցրի անկողինս, գործիքների արկղն ու կաթսայիկները, ծերունուն օգնեցի բարձրանալ ուղևորի տեղն ու կապեցի նրան ամրագոտիներով։ Ապա սահեցի ետևի նստիքին ու ձգեցի ամրագոտիս։
: ֊ Օգնիր, Դո՛ն, լա՞վ։
: ֊ Ըհը՛,֊ նա, գավաթը ձեռքին, վեր կացավ ու կանգնեց պտուտակի մոտ։֊ Ի՞նչ պիտի անեմ։
: ֊ Պտուտա՛կը։ Կամա՜ց պտտիր։ Հրումից կպոկվի ձեռքիցդ։
: Միշտ, երբ որևէ մեկը դարձնում էր Ֆլիտի պտուտակը, չափազանց արագ էր անում դա, և ինչ֊որ անհասկանալի պատճառով շարժիչը չէր գործարկվում։ Բայց այս մարդն այնքան մեղմ պտտեց, ասես ողջ կյանքում այդ գործով էր զբաղվել։ Մագնետոն ճթթաց, կայծը գնաց ցիլինդր, ու հին շարժիչը թեթև֊ թեթև աշխատեց։ Շիմոդան վերադարձավ իր ինքնաթիռի մոտ, նստեց ու զրույցի բռնվեց աղջնակի հետ։
: Շարժիչը մռնչաց, և դեսուդեն թռչող ծղոտի հողմապտույտի մեջ Ֆլիտը երկու հարյուր ոտնաչափ օդ բարձրացավ (եթե շարժիչը հիմա խափանվի, կիջնենք արտում), հինգ հարյուր ոտնաչափ (հիմա կարելի է շրջադարձ անել ու նստել արոտատեղում, այստեղից արևմուտք կովերի արոաավայր կա), ութ հարյուր ոտնաչափ։ Ես ուղղում եմ մեքենան՝ թռչելով այն կողմն, ուր ցույց է տալիս ծերունու մատը, հարավ֊արևելյան քամուն հակառակ։ Երեք րոպեի թռիչք, ու մենք արդեն պտույտ ենք անում ագարակի փղոսկրագույն շինությունների վրա, որ թաքնվել են եգիպտացորենի և անանուխի թփուտներում։ Տան հետևը բանջարանոցն է, որտեղ շաքարի եգիպտացորեն է աճում, սալաթ ու լոլիկ։
: Առջևի նստիքին տեղավորված մարդը, քանի դեռ պտտվում էինք ագարակի վրա, ներքև էր նայում Ֆլիտի թևերի ու ծգալարերի բացվածքի միջով։ Ներքևում, սանդղամուտին, մի կին երևաց՝ կապույտ զգեստի վրայից ճերմակ գոգնոց կապած, ու ձեռքով արեց մեզ։ Տղամարդն ի պատասխան թափահարեց ձեռքը։ Հետո նրանք տպավորություններ կփոխանակեն, թե ինչ լավ էին տեսնամ մեկմեկու։ Վերջապես ծերունին դարձավ իմ կողմն ու գլխով արեց, այսինքն՝ արդեն բավական է, շնորհակալություն, կարոդ ենք վերադառնալ։
: Ես մի մեծ պտույտ տվի Ֆերիս քաղաքի վրա՝ նշան անելով, որ ուղևոր եմ ման տալիս, ու սկսեցի պարուրաձև իջնել, որպեսզի ցույց տամ, թե որտեղից եմ թռչում։ Երբ դաշտի վերևը կտրուկ շրջադարձ անելով՝ գնացի վայրէջքի, Թրեվըլ Էյրը վեր ճախրեց և անմիջապես ուղղվեց ագարակի կողմը, որի վրայով հենց նոր թռչում էինք։
: Մի ժամանակ ես թռչում էի հնգյակի կազմում, և իմ մեջ արթնացավ նույն զգացումը.․․ Մի ինքնաթիռն, ուղևորով հանդերձ, օդ է բարձրանում այն պահին, երբ մյուսը գնում է վայրէջքի։ Մենք թեթև ցնցումով դիպանք հողին ու գլորվեցինք դեպի դաշտի հեռավոր ծայրը, ճանապարհի կողմը։ Շարժիչը լռեց, ծերունին արձակեց ամրագոտին, ու ես օգնեցի, որ դուրս գա խցիկից։ Նա հանեց դրամապանակն ու գլուխն օրորելով՝ սկսեց հաշվել թղթադրամները։
: ֊ Ա՜յ սա ուղևորություն էր, տղա՛ս։
: ֊ Մենք էլ ենք նույն կարծիքին։ Վատ ապրանք չենք ծախում։
: ֊ Ծախողն ընկերդ է։
: ֊ Ահա՜ թե ինչ։
: ֊ Այո, ընկերդ սատանային էլ մոխիր կծաիփ։ Գրագ եմ գալիս։ Այդպես չէ՞։
: ֊ Ինչո՞ւ եք այդպես կարծում։
: ֊ Աղջնակի պատճառով, ուրիշ ինչի՞,֊ այդ ասելիս նա հետում էր Թրեվըլ Էյրին, որն արծաթակապտավուն ծխաշղարշի մեջ պտտվում էր ագարակի վրա։֊ Որ իմ թոռնիկ Սառան ինքնաթիռով թռչե՜ր։֊ Նա այնպես էր խոսում, ինչպես անտագնապ կխոսեր մարդը, նկատելով թե իր այգում խնձորենու չոր ճյուղն ինչպես է ծաղկել ու ծանրացել հասուն պտուղներով։֊ Ծննդյան պահից այդ աղջիկը մահու չափ վախենում է բարձրությունից։ Ճչո՜ւմ էր։ Պարզապես սարսափահար էր լինում։ Նա ավելի շատ մերկ ձեռքերով ձիաբոռ կբռներ, քան կմագլցեր ծառը։ Սանդուղքով ձեղնահարկ չէր բարձրանա, եթե նույնիսկ ջրհեղեղ սկսվեր։ Աղջնակը հրաշալի լեզու է գտնում մեքենաների հետ, ասենք՝ կենդանիների հետ էլ վատ չէ, բայց այ բարձրությո՜ւնը, դրանից փախչում է, ինչպես ժանտախտից։ Ու հիմա, տես, թռչո՜ւմ է։
: Նա շարունակում էր խոսել այդ և զանազան այլ բաների մասին, հիշեց, թե շատ տարիներ առաջ մեզ նման շրջմոլիկներն ինչպես էին թռչում Հեյսբերգի ու Մոնմութի վրայով, այնպիսի «գրադարակներով», ինչպիսին մերն են, միայն թե դրանցով սատանա՜ն գիտի ինչեր էին անում։ Ես նայում էի, թե հեռավոր Թրեվըլ Էյրն ինչպես է աստիճանաբար խոշորանում, ինչպես պարուրաձև անցավ դաշտի վրայով, շատ ավելի կտրուկ շրջադարձով, քան ես կանեի, սահեց արտի վրայով, ապա ցանկապատի, դիպավ խոտին և այնքան ճշգրիտ նստեց երեք կետի վրա, որ շունչս բռնվեց։ Դոնալդ Շիմոդան, ըստ ամենայնի, շա՜տ վաղուց է թռչում, եթե կարողանում է ահա այսպես նստեցնել Թրեվըլ Էյրը։
: Ինքնաթիռն առանց ջանքի գլորվեց ու կանգ առավ մեր կողքին։ Պտուտակը մեղմ ծլնգաց ու համրացավ։ Ես վեր թռա, որ օգնեմ, արձակեցի աղջնակի ամրագոտին, բացեցի առջեւի խցիկի դռնակը ու ցույց տվի, թե ուր դնի ոտքը, որ ինքնաթիռի թեվի երեսվածքը չվնասի։
: ֊ Ո՞նց է, դուրդ եկա՞վ։
: Նա չլսեց անգամ, թե ինչ եմ հարցնում։
: ֊ Պապի՜կ։ Ես չե՜մ վախենում։ Ինձ համար սարսափելի չէր, ազնիվ խոսք։ Տունն ասես խաղաղիք լիներ, իսկ մայրիկը ձեռքով արեց ինձ, իսկ Դոնն ասաց, թե ես վախենում էի, որովհետև մի անգամ բարձր տեղից ընկել ու մահացել եմ, և որ այլևս չպիտի վախենամ։ Ես օդաչու կդառնամ, պապի՛կ։ Ես ինքնաթիռ կունենամ և ինքս էլ կվարեմ, կթռչեմ ամենուր ու ման կտամ մարդկանց։ Կարելի՞ է։
: Շիմոդան ժպտաց ծերունուն ու թոթվեց ուսերը։
: ֊ Այդ նա՞ ասաց, որ օդաչու ես դառնալու, այո՞ , Սառա։
: ֊ Չէ, ե՛ս։ Ախր գիտես, չէ՛, որ շարժիչներից լավ եմ հասկանում։
: Նրանք շնորհակալություն հայտնեցին, ու մեկը քայլեց, իսկ մյուսր վազ տվեց դեպի պիկապը՝ երկուսն էլ կերպափոխված նրանից, ինչ կատարվել էր դաշտում ու երկնքում։
: Հայտնվեց ևս երկու մեքենա, հետո՝ էլի մեկը, և ամբողջ օրը մեզ մոտ լի՜քը ժողովուրդ կար, մարդիկ, որ անհամբերությամբ ուզում էին Ֆերիսը տեսնել երկնքից։ Մենք առանց դադարի տասներկու թե տասներեք ուղերթ կատարեցինք, ընդ որում ջանում էինք կարելվույն չափ, որից հետո սլացանք քաղաք՝ Ֆլիտի համար բենզին բերելու։ Հետո էլի մի քանի ուղևոր ունեցանք, և էլի, ու վրա հասավ երեկոն, իսկ մենք առանց դադարի հետուառաջ էինք թռչում, մինչև արևի մայր մտնելը։
: Ինչ֊որ տեղ ուղենշանի վրա կարդացի՝ «Բնակչաթյունը֊200», ու երբ սկսեց մթնել, մտածեցի, որ նրանց բոլորին արդեն ման ենք տվել, հնարավոր է՝ ոմանց նաև արվարձաններից։ Իրարանցման մեջ մոռացել էի Դոնին հարցնել Սառայի մասին, հորինե՞լ էր նա այդ պատմությունը, թե լուրջ էր խոսում։ ժամանակ առ ժամանակ, քանի դեռ ուղևորները տեղավորվում էին, ես ուշադիր հետևում էի նրա ինքնաթիռին։ Ոչ մի բիծ, ոչ մի խալ, այն հավանաբար խույս էր տալիս միջատներից, որոնց ես, մեկ֊երկու ժամ թռիչքից հետո, ստիպված էի լինում մաքրել հողմապակուց։
: Երկինքն արդեն համարյա մթնել էր, երբ ավարտեցինք։ Ու քանի դեռ ծղոտ էի լցնում իմ թիթեղյա վառարանը, վրան ածուխի խտակտորներ ավելացնում ու կրակ անում, լրիվ մթնեց, և կրակը վառ լուսացոլքեր էր նետում կողք կողքի կանգնած ինքնաթիռների վրա ու մեր շուրջը՝ ծղոտի ոսկեգույն ցողուններին։ Ես բաց արի մթերարկղը։
: ֊ Ապո՞ւր, թե՞ խաշած միս, գուցե սպագետի՞,֊ հարցրի,֊ գուցե տանձ կամ դե՞ղձ։ Տաք֊տաք դեղձեր ուզո՞ւմ ես։
: ֊ Մեկ է,֊ մեղմ ասաց նա,֊ որևէ բան կամ ոչինչ։
: ֊ Դու, ի՞նչ է, քաղցած չե՞ս։ Ախր ծանր օր էր։
: ֊ Տեսականիդ այն չէ, հանուն որի արժե սովածանալ, թերևս՝ եթե լավ միս լիներ։
: Ես մսի պահածոն բացեցի իմ շվեդական սպայական վթարային դանակով, նույն կերպ և սպագետիի տուփը, ու երկուսն էլ դրեցի կրակին։ Գրպաններս լեփլեցուն էին թղթադրամներով։ Դա օրվա՝ ինձ համար առավել հաճելի պահերից էր։ Դուրս քաշեցի փողն ու սկսեցի հաշվել՝ չջանալով անգամ շտկել ու դասավորել դրամները։ Պարզվեց՝ հարյուր քառասունյոթ դոլար է, ու ես սկսեցի մտքում հաշիվ անել, ինչն ինձ համար այնքան էլ հեշտ չէր։
: ֊ Սպասի՛ր, սպասի՛ր․․․ թող մտածեմ, չորս ու երկուսն էլ մտքում․․․ քառասունինը ուղերթ՝ այսօր։ Դո՜ն, ես խփեցի այն ռեկորդը, երբ հարյուր դոլարանոց օր էի ունեցել, միայն ես ու Ֆլիտր։ Դա, հավանաբար, երկու հարյուր դոլարանոցն էլ կխփեիր, ախր հիմնականում դու էիր ման տալիս միանգամից երկուսին։
: ֊ Հիմնականում՝ այո։ Իսկ ի՞նչ կասես այն ուսուցչի կապակցությամբ, որին փնտրում ես,֊ փոքր֊ինչ հապաղելով հարցրեց Դոնը։
: ֊ Ես ոչ մի ուսուցչի էլ չեմ սպասում,֊ ասացի։֊ Ես փող եմ հաշվում։ Ես կարող եմ մի շաբաթ ապրել սրանով։ Մի ամբողջ շաբաթ կարող եմ մատս մատիս չտալ։
: Նա ինձ նայելով՝ ժպտաց․
: ֊ Երբ փողերիդ մեջ լող տալն ավարտես, չե՞ս հաճի ինձ փոխանցել մսի պահածոն։
:==3==
: Հրմշտոց, ամբոխներ, մարդկային բազմության գետեր, որ հորձանք են տալիս դեպի կենտրոնում կանգնածը։ Հետո մարդկային հոսանքները ձուլվում են, դառնամ օվկիանոս, որն ուր որ է կուլ կտա կենտրոնում կանգնած մարդուն, սակայն խորտակվելու փոխարեն նա ինչ֊որ մեղեդի սուլելով քայլում է օվկիանոսի միջով ու անհետանում․․․ Ջրեղեն օվկիանոսը վերածվեց խոտեղենի։ Ոսկեճերմակ Թրեվըլ Էյրն իջավ խոտին, օդաչուն դուրս եկավ խցիկից և ինքնաթիռի վրա կտավե պաստառ փակցրեց ԹՌԻՉՔ֊3$֊ԹՌԻՉՔ։
: Առավոտյան ժամը երեքն էր, երբ արթնացա, ու երագս հիշում էի ամբողջությամբ, և անհասկանալի պատճառով երջանիկ էի դրանից։ Ես բացեցի աչքերս ա լուսնալույսի տակ տեսա, որ խոշոր Թրեվըլ Էյրը կանգնած է Ֆլիտի կողքին։ Շիմոդան իր անկողնու վրա նստել էր ճիշտ այնպես, ինչպես այն ժամանակ, երբ առաջին անգամ հանդիպեցինք՝ ինքնաթիռի ձախ թևին հենված։ Չի կարելի ասել, թե նրան պարզորոշ տեսնում էի։ Ուղղակի գիտեի, որ այդպես է։
: ֊ Հե՜յ, Ռի՛չարդ,֊ մաթի միջից կամացուկ ձայն տվեց նա։֊ Սա մի՞թե քեզ ոչինչ չի ասում։
: ֊ Ի՞նչ պիտի ասի,֊ աղոտ գլխի ընկնելով, հարցրի ես՝ դեռևս հիշելով երազս ու, թվում է, բնավ չզարմանալով, որ նա արթուն է։
: ֊ Քո երազը։ Այդ տղան՝ բազմության մեջ, և ինքնաթիռը,֊ համբերատար բացատրեց նա։֊ Դու ուզում էիր գիտենալ իմ մասին, հիմա գիտես, ամեն ինչ կարգի՞ն է։
: Այդպիսի հաղորդագրություններ եղել էին․ Դոնալդ Շիմոդան, նա, ում կոչում էին Մեխւսնիկ֊Մեսիա, ամերիկացի օդաչուն, որ չքացել էր քսանհինգ հազարանոց բազմության աչքի առաջ։ Դա հիշում էի, կարդացել էի Օհայո նահանգի մի փոքրիկ քաղաքի լրագրային վահանակին, աչքիս էր ընկել, որովհետև թերթի առաջին էջում էր։
: ֊ Դոնւսլդ Շիմո՞դա։
: ֊ Ձեր խոնարհ ծառան,֊ ասաց նա։֊ Հիմա դու գիտես, ուրեմն ստիպված չես լինի գլուխ ջարդել ինձ վրա։ Իսկ հիմա՝ քնի՛ր։
: Ես դեռ երկար մտածում էի այդ ամենի մասին, մինչև քնով կանցնեի։
: ֊ Մի՞թե ձեզ թույլատրվում է․․․ Մտքովս չէր էլ անցնում․․․ Դու այնպիսի աշխատա՜նք անես՝ Փրկի՜չ, քեզնից սպասում են, որ փրկելու ես աշխարհը, այդպես չէ՞։ Մտքովս չէր անցնի, որ Փրկիչը կարող է հեշտ ու հանգիստ պնդօղակ պտտել, իսկ հետո վերցնել ու հրաժարվել ամեն ինչից։
: Ես նստել էի Ֆլիտի շարժիչի կափարիչին ու վերևից նայում էի իմ տարօրինակ ընկերոջը։
: ֊ Տուր, խնդրում եմ, տասնվեց համարի բանալին։
: Նա խառնշտորեց արկղը, գտավ ու ինձ նետեց մանեկաբանալին։ Ինչպես մյուս գործիքները՝ բանալին էլ, որ նետեց ինձ, դանդաղեցրեց թռիչքն ու ծուլորեն պտտվելով, լող տալով անկշռելիության մեջ՝ կախվեց֊մնաց օդում։ Բայց հենց դիպա, իջավ ափիս մեջ, ու սովորական քրոմապատ ավիացիոն մանեկաբանալի էր։ Թեև, ասենք, ոչ այնքան սովորական։ Այն պահից ի վեր, երբ ձեռքիս մեջ ջարդվեց 7/8 համարի բանալին, ամենալավագույն գործիքներն էի գնում, որ հնարավոր էր հայթայթել․․․ Դա իսկապես առաջնակարգ բանալի էր և, ըստ այդմ, ինչպես հայտնի է ցանկացած մեխանիկի՝ ոչ սովորական։ Գնից դատելով մանեկաբանալին կարող էր և մաքուր ոսկուց լինել, ու կատարյալ հաճույք էր այն ձեռքի մեջ պահելը, համոզված, որ չի ջարդվի, ինչպես էլ բանեցնես։
: ֊ Իհարկե, դու կարող ես հրաժարվել։ Հրաժարվել՝ ինչից ուզում ես, եթե միտքդ փոխել ես։
: Նա թռիչքի նետեց Ֆիլիպսի պտուտակահանը, հենց այնպես, ասես զվարճանալու համար։
: ֊ Եվ այսպես, հրաժարվո՛ւմ ես Փրկիչ լինել, ու եթե խոսքս այնպես է հնչում, ասես արդարանում եմ, ապա պատճառը երևի այն է, որ իսկապես դեռ մի քիչ արդարանում եմ։ Ավելի լավ է, սակայն, այդպես, քան շարունակես աշխատանքն ու ատես այն։ Լավ Փրկիչը ոչինչ չի ատում։ Եվ ազատ է՝ գնալու ցանկացած ճանապարհով, որով ուզում է գնալ։ Դե ինչ, դա, իհարկե, արդարացի է ուզածդ մարդու համար։ Մենք բոլորս Աստծո որդիներն ենք, կամ՝ Գոյի, կամ՝ Բանականության գաղաւիարի, կամ որևէ այլ բանի՝ ինչ անուն էլ որ տաս։
: Ես չարչարվում էի, որ մանեկները ձգեմ Քինների շարժիչի ցիլինդրի հիմնամասին։ Լավ շարժիչ է, ծերուկ Բ֊5֊ի, սակայն մի հարյուր ժամվա թռիչքից հետո մանեկները թուլանում ու սկսում են լխկլխկալ, ուրեմն ավելի լավ է չթողնես, որ բանը հասնի դրան ու նախօրոք ձգես։ Եվ, իհարկե, առաջին իսկ մանեկը, որ բռնեցի բանալիով, պահանջվածից քառորդ պտույտով թույլ էր։ Ու ես ուրախացա իմ շրջահայացությունից։
: ֊ Դո՛ն, Դո՛ն, ճիշտ է, բայց ինձ թվում է՝ եթե փրկչությունը չտարբերվեր մյուս աշխատանքներից, ապա, գիտե՞ս ինչ, Հիսուսը կվերադառնար ու հաց կվաստակեր մուրճ բանեցնելով։ Դա տարօրինակ չե՞ս համարում։
: Նա մտքի մեջ ընկավ՝ փորձելով ըմբռնել իմ տեսակետը։
: ֊ Ես քեզ չեմ հասկանում։ Տարօրինակը հենց այն է, որ նա չթողեց ամեն ինչ, երբ իրեն առաջին անգամ սկսեցին Փրկիչ կոչել։ Այդ զզվելի նորությունը լսելուն պես փախչելու փոխարեն նա փորձեց տրամաբանել․ «Լա՛վ, ես Աստծո Որդին եմ, բայց մենք բոլորս ենք այդպիսին, ես Փրկիչ եմ, բայց դուք բոլորդ՝ նույնպես։ Հրաշքները, որ ես գործում եմ, դուք էլ կարող եք գործել»։ Ցանկացած ողջամիտ մարդ հասկանում է դա։
: Շարժիչի կափարիչին տոթ էր, սակայն աշխատանքը որպես տաժանակիր գործ չէր ընկալվում։ Որքան ավելի շատ պիտի աշխատվեր, այնքան ավելի քիչ էի դա աշխատանք համարում։ Հաճույք էի ստանում այդ պահին անելուց այն, ինչը ցիլինդրին թույլ չէր տա պոկվել շարժիչից։
: ֊ Ասա, եթե քեզ էլի բանալի պետք լինի։
: ֊ Ինձ ոչ մի բանալի էլ պետք չէ։ Ես, պարզվում է, հոգու վեհացման այնպիսի մակարդակի եմ հասել, որ քո այդ ձեռնածություններին, Շիմո՛դա, պարզապես նայում եմ որպես ինչ֊որ աստիճանի վեհացած հոգու, կամ, հնարավոր է, սկսնակ հիպնոսողի խաղերի։
: ֊ Հիպնոսո՜ղ։ Դու ավելի ու ավելի ես մոտենում նշանակետին։ Բայց ավելի լավ է հիպնոսող լինել, քան Փրկիչ։ Ի՜նչ ձանձրալի աշխատանք է։ Ու ոնց մտքովս չէր անցել, որ այդքան ձանձրալի կլինի։
: ֊ Դու գիտեի՛ր,֊ իմաստունի տեսքով ասացի ես։ Նա միայն ծիծաղեց։֊ Դո՛ւ, Դո՛ն, երբևէ մտածե՞լ ես, որ, ի վերջո, հնարավոր է այնքան էլ հեշտ չլինի ամեն ինչ թողնելը։ Կարող է պարզվել, որ սովորական մարդու կյանքով ապրելն այնքան էլ դյուրին չէ։
: Նա չծիծաղեց։
: ֊ Դու, իհարկե, իրավացի ես,֊ ասաց ու խառնշտորեց մազերը։֊ Բավական էր մի քիչ ավելի երկար մնայի որևէ տեղ, մեկ֊երկու օր ավելի, և ահա մարդիկ գլխի էին ընկնում, որ ես ինձնից ինչ֊որ տարօրինակ բան եմ ներկայացնում։ Ձեռքդ հպում ես թևքիս, ու բուժվում է վերջին փուլի քաղցկեղդ.․․ Եվ շաբաթ էլ չէր անցնում, ու ես հայտնվում էի բազմության կենտրոնում։ Այս ինքնաթիռն ինձ տեղաշարժվելու հնարավորություն է տալիս, ոչ ոք չգիտի՝ որտեղի՞ց եմ գալիս, ո՞ւր եմ գնում, և դա ինձ լիուլի բավարարում է։
: ֊ Քեզ կտրուկ փոփոխություններ են սպասում, Դո՛ն, շատ ավելի կտրուկ, քան կարծում ես։
: ֊ Իսկապե՞ս։
: ֊ Այո, մեր ժամանակներում ամեն ինչ նյութականից գնում է դեպի հոգևորը.․․ թեկուզև դանդաղ, բայց, մեկ է, ահռելի ընթացք է։ Կարծում եմ՝ աշխարհը քեզ հանգիստ չի թողնի։
: ֊ Նրանց ե՛ս չեմ պետք, այլ՝ հրաշքները։ Իսկ դա ես կարող եմ սովորեցնել ում ուզես։ Թող նա՛ Փրկիչ լինի։ Ես նրան չեմ ասի, որ դա ձանձրալի աշխատանք է։ Եվ բացի այդ․ «ՉԿԱ ՈՐԵՎԷ ՊՐՈԲԼԵՍ՝, ՈՐՆ ԱՅՆՔԱՆ ՄԵԾ ԼԻՆԵՐ, ՈՐՊԵՍԶԻ ԱՆՀՆԱՐ ԴԱՌՆԱՐ ՆՐԱՆԻՑ ՓԱԽՉԵԼԸ»։
: Ես կափարիչից թռա խոտին ու սկսեցի ձգել երրորդ ցիլինդրի մանեկները։ Բոլորը չէ, որ թուլացել էին, բայց մի քանիսը հարկավոր էր ձգել։
: ֊ Դու, ի՞նչ է, «Խուզարկու շնի՞ց» ես մեջբերում անում, Դո՛ն։
: ֊ Ես ճշմարտությունը մեջբերելու եմ ցանկացած տեղից, որտեղ գտնելու լինեմ։ Դա քեզ դուր չի՞ գալիս։
: ֊ Դու չես կարող փախչել, Դոն։ Իսկ եթե սկսեմ հենց հիմա երկրպագե՞լ քեզ։ Իսկ եթե հոգնեմ շարժիչս բզբզելուց ու սկսեմ պաղատել, որ դու այն նորոգես իմ փոխարե՞ն։ Լսի՜ր, ես քեզ կտամ բոլոր փողերը, որ կվաստակեմ լուսաբացից մայրամուտ աշխատելով, ամբողջը, մինչև վերջին սենթը, եթե ինձ սովորեցնես ճախրել երկնքում։ Իսկ եթե չանես, այդժամ կգիտենամ, որ պարտավոր եմ աղոթել քեզ՝ Սրբի՛դ, Բեռը Թեթևացնելու Առաքվածի՛դ։
: Նա ի պատասխան ժպտաց միայն։ Ինձ մինչև օրս թվում է՝ չէր հասկանում, որ չի կարողանա փախչել։ Ես ինչպե՞ս կարող էի գիտենալ այն, ինչ նա չգիտեր։
: ֊ Դու անցել ես այդ ներկայտցւսսն միջո՞վ, որ մենք տեսնում ենք հնդկական կինոնկարներում։ Ամբոխներ փողոցներում, միլիոնավոր ձեռքեր, որ հպվում են քեզ, ծաղիկներ ու խնկարկում, արծաթե գոբելեններով ծածկված ոսկյա հարթակներ, որոնց վրա կարող էիր կանգնել ու խոսել։
: ֊ Ոչ։ Նախքան ինձ համար այդպիսի աշխատանք ուզելը, գիտեի, որ դրան չեմ դիմանա։ Ուստի խնդրեցի Միացյալ Նահանգներն ու ստացա միայն ամբոխներ։
: Հուշերը նրան ցավ էին պատճառում, և ես զղջացի, որ սկսել եմ այդ խոսակցությունը։
: Նա նստել էր խոտին և, իմ միջով նայելով, շարունակեց․
: ֊ Ես ուզում էի ասել՝ Աստծո՜ւ սիրուն, եթե ազատություն և ուրախություն եք ցանկանում, չե՞ք տեսնում միթե, որ այն ձեզնից դուրս գոյություն չունի ոչ մի տեղ։ Ասացեք ինձ, որ ունեք և կունենա՛ք։ Վարվեք այնպես, ասես ձերն է, ու կլինի՛ ձերը։ Ռի՛չարդ, ի՜նչ մի սարսափելի դժվար բան է դա։ Բայց նրանք նույնիսկ չէին լսում, համենայնդեպս՝ մեծ մասը։ Հրաշքնե՜րը․․․ Պատկերացնո՞ւմ ես, դա նույնն է, թե գնաս ավտոարշավի զուտ վթարներ տեսնելու, նույն կերպ նրանք ինձ մոտ էին գալիս, որ հրաշք տեսնեն։ Սկզբում վշտանում էի, հետո սկսեցի ձանձրանալ։ Գաղափար չունեմ, թե մյուս Փրկիչներն ինչպես են դիմանում դրան։
: ֊ Երբ դու բանն այդպես ես ներկայացնում, այն ինչ֊որ չափով կորցնում է հմայքը,֊ասացի ես ու վերջին մանեկը ձգելով՝ ցած դրի գործիքները։֊ Այսօր ո՞ւր ենք գնալու։
: Նա մոտեցավ իմ խցիկին ու ջնջխված միջատներին հողմապակուց մաքրելու փոխարեն ափը պարզեց վրան, և ճզմված փոքրիկ արարածները շունչ առան ու թռան֊գնացին։ Իր հողմապակին, իհարկե, երբեք մաքրելու կարիք չէր ունենում, և ես գիտեի արդեն, որ իր շարժիչն էլ երբեք որևէ աշխատանք ու ջանք չէր պահանջում։
: ֊ Ես չգիտեմ,֊ ասաց նա,֊ ես չգիտեմ՝ մենք ուր ենք գնում։
: ֊ Դու ի՞նչ ես ուզում ասել։ Չէ որ գիտես այն ամենն, ինչ եղել է, և ինչ պիտի լինի։ Դու ստո՛ւյգ գիտես, թե ար ենք գնում։
: Նա հառաչեց․
: ֊ Այո, բայց աշխատում եմ չմտածել դրա մասին։
: Այն կարճ միջոցում, քանի դեռ փորփրում էի շարժիչը, ներքին ցնծությամբ մտածում էի, որ պարզապես պետք է մնալ այդ տղայի հետ, ու ոչ մի հոգս չեմ ունենա, որևէ վատ բան չի պատահի, և ամեն ինչ հրաշալի կլինի։ Բայց այն, թե ինչպես ասաց․ «Ես ջանում եմ չմտածել դրա մասին», ինձ ստիպեց խորհել՝ ինչ է կատարվում մեր աշխարհն ուղարկված Փրկիչների հետ։ Ողջամտությունն իմ ներսում ճչո՜ւմ էր օդ բարձրանալուն պես դառնալ դեպի հարավ ու թռչել֊հեռանալ այդ մարդուց որքան կարելի է հեռու։ Սակայն հայտնի է, թե որքան մենակ է լինում միայնակ թռչողը, և ես ուրախ էի նրան գտնելու համար․ պարզապես՝ լինի մեկը, ում հետ կկարողանաս խոսել, և այդ մեկն էլերոնը տարբերի ուղղաձիգ կայունարարից։ Ես կշրջվեի դեպի հարավ, սակայն օդ բարձրանալով՝ մնացի նրա հետ, ու մենք թռանք դեպի հյուսիս և արևելք, դեպի ապագան, որի մասին նա աշխատում էր չմտածել։
:==4==
: ֊ Դու որտե՞ղ ես սովորել այս ամենը, Դոն։ Դու այնքան շատ գիտես, բայց գուցե ի՞նձ է թվում, թե գիտես։ Դու շա՜տ գիտես։ Այդ ամենը զուտ փորձառությո՞ւն է։ Մի՞թե համապատասխան կրթություն չեն ստանում ուսուցիչ դառնալու համւսր։
: ֊ Գի՜րք են տալիս կարդալու։
: Ես հենց նոր լվացած մետաքսե վզնոցս փռեցի ձգալարին ու հայացքս հառեցի նրան․
: ֊ Գի՞րք։
: ֊ «Ձեռնարկ Փրկիչների համար»։ Աստվածաշնչի պես բան է՝ ուսուցիչների համար։ Մի օրինակը կարծեմ պահել եմ, եթե քեզ հետաքրքրում է։
: ֊ Այո՛, այո՛։ Դու նկատի ունես գիրքը, որ քեզ ասում է․․․
: Նա մի քիչ խառնշտորեց իրերն իր ինքնաթիռի առաջնամասում ու հատորյակը ձեռքին մոտեցավ ինձ։ Գրքի կազմն ինչ֊որ կտորից էր, որ թավիշ էր հիշեցնում։
: «Փրկչի առձեռն տեղեկատու»՝ գրված էր սև տառերով։֊ «Հուշագիր վեհացած հոգու համար»։
: ֊ Դու ի՞նչ նկատի ունեիր՝ «Փրկչի ձեռնարկ» ասելով։ Այստեղ գրված է «Փրկչի առձեռն տեղեկատու»։
: ֊ Մի՞թե նույնը չէ։
: Նա սկսեց հավաքել ինքնաթիռի շուրջը շաղ տված իրերը, ասես որոշել էր, որ առաջ շարժվելու ժամանակն է։ Ես թերթեցի գրքույկը՝ ասացվածքների ու կարճ պարբերությունների ժողովածու։
: Հեռանկարը․֊
: Օգտվիր Նրանից կամ Կորցրու։
: Եթե դիմում ես այս էջին,
: ուրեմն մոռացել ես,
: որ շուրջդ կատարվողն իրականություն չէ։
: Խորհի՛ր դրա մասին։
: Հիշիր՝ որտեղից ես եկել, ար ես գնում,
: նախ և առաջ մտածիր,
: թե ինչու ես ստեղծել այս խսւռնաշվւոթը,
: որի մեջ հենց ինքդ էլ հայտնվել ես։
: Դու զարհուրելի վախճան կունենաս, հիշի՛ր։
: Դա լավ վարժանք է,
: և քեզ շատ ավելի մեծ հաճույք կպատճառի,
: եթե չմոռանաս այդ իրողությունը։
: Սակայն մահդ լրջությամբ ընդունիր։
: Ծիծաղը կառափնարանի ճանապարհին
: սովորաբար անհասկանալի է
: պակաս զարգացած կենսաձևերի համար,
: և նրանք քեզ խելագար կկոչեն։
: ֊ Դու սա կարդացե՞լ ես, Դո՛ն, հեռանկարը կորցնելու մասին։
: ֊Ո՛չ։
: ֊ Այստեղ ասված է․ կվիճակվի մեռնել զարհուրելի մահով։
: ֊ Չի՛ վիճակվի։ Կախված է հանգամանքներից և նրանից, թե ինչպես ես հարմար գտնում կազմակերպել այդ ամենը։
: ֊ Իսկ դու պատրաստվո՞ւմ ես մեռնել զարհուրելի մահով։
: ֊ Չգիտեմ։ Չե՞ս կարծում, որ դրանից մեծ օգուտ չկա, քանի որ վճռել եմ թողնել այս աշխատանքը։ Մի փոքրիկ, խաղաղ համբարձումը լիովին բավարար կլիներ։ Ես վերջնական որոշում կընդունեմ մի քանի շաբաթից, երբ ավարտեմ այն, ինչի համար եկել եմ։
: Նրա խոսելու կերպն ինձ երբեմն կատակ էր թվում, այն ժամանակ չգիտեի, որ լրջորեն է խոսում այդ մի քանի շաբաթվա մասին։ Ես կրկին խորասուզվեցի գրքի մեջ։ Դա այն կարգի գիտելիք էր, որը կարող էր պիտանի լինել ուսուցչին։ Այդ առումով ամեն ինչ կարգին էր։
: Սովորեւը
: սոսկ ճշտումն է այն ամենի,
: ինչն արդնն գիտես։
: Արարքը՝ ցուցադրեչն է,
: որ գիտես։
: Ուսուցանելը՝
: հիշեցնել մյուսներին,
: որ իրենք ամեն ինչ նույնքան լավ գիտեն,
: որքան դու։
: Դուք բոլորը սովորողներ եք,
: կատարողներ, ուսուցիչներ։
: Ձեր միակ պարտականությունը
: ձեզ տրված
: կյանքերից ցանկացածում
: հավատարմությունն է ինքներդ ձեզ։
: Հավատարմությունը
: որևէ մեկին կամ ինչ֊որ բանի՝ ոչ միայն անհնար է,
: այւև՝ կեղծ Փրկչի հայտանշան։
: Ամենապարզ հարցերն
: ամենից խորունկն են։
: Որտե՞ղ ես ծնվել։ Որտե՞ղ է քո տունը։
: Ո՞ւր ես գնում։
: Ի՞նչ ես անում։
: Երբեմն մտածիր դրա մասին
: ու հետևիր,
: թե ինչպես են փոխվում քո պատասխանները։
: Դու ամենից չավ ուսուցանում ես այն ամենն,
: ինչը հենց քեզ է ամենից ավելի
: հարկավոր, որ սովորես։
: ֊ Դու չափից դուրս լռակյաց ես դարձել, Ռի՛չարդ,֊ ասաց Շրմոդան այնպես, ասես ցանկանում էր խոսքի բռնվել։
: ֊ Այո,֊ ասացի՝ շարունակելով կարդալ։ Քանի որ գիրքը միայն ուսուցիչների համար էր, չէի ցանկանում կտրվել նրանից։
: Ապրիր այնպես,
: որ երբեք չամաչես,
: եթե քո արածից կամ ասածից որևէ բան
: հայտնի դաոնա աշխարհին,
: նույնիսկ եթե այն, ինչ ասվելու է,
: սուտ կլինի։
: Ընկերներդ
: ձեր ծանոթության աոաջին իսկ րոպեից
: քեզ ավեչի լավ կճանաչեն,
: քան մնացած բոլորը՝
: հազար տարի անց։
:Պատասխանատվությունից
: խոաափելու լավագույն միջոցը՝
: «Պատասխանատվությունն ի՛մն է»
: ասա։
: Ես գրքում մի տարօրինակ բան նկատեցի։
: ֊ Դոն, էջերը համարակալված չեն։
: ֊ Այո,֊ ասաց նա։֊ Պարզապես բացում ես գիրքը, և քո առաջ այն է, ինչի կարիքն առավել ունես։
: ֊ Կախարդակա՜ն գիրք է։
: ֊ Ոչ։ Դու կարող ես նույն կերպ վարվել ցանկացած գրքի հետ։ Նույնիսկ՝ հին լրագրի, եթե բավականաչափ ուշադիր կարդաս։ Մի՞թե նույնը չես անում, երբ ինչ֊որ հարց ունես, բացում ես ցանկացած գիրք ու նայում, թե ինչ է ասում քեզ։
: ֊ Ո՛չ։
: ֊ Դե ինչ, որևէ առիթով փորձիր։
: Ես փորձեցի։ Փակեցի աչքերս ու հարցրի, թե ինչ կպատահի ինձ, եթե շարունակեմ մնալ այդ տարօրինակ մարդու հետ։ Հետաքրքիր կլիներ անշուշտ, բայց չէի կարողանում ձերբազատվել այն զգացողությունից, որ նրա հետ շուտով մի բնավ ոչ ուրախալի բան է կատարվելու, ու ես չէի ցանկանա մոտակայքում լինել, երբ դա կատարվեր։ Մտմտալով դրա մասին, բաց արի գիրքը, հետո բացեցի աչքերս ու կարդացի․
: Քեզ
: կյանքում առաջնորդում է
: ներքին ուսուցանող գիտակցությունը,
: զվարթ հոգևոր էությունը,
: որն էլ հենց
: քո իրական «Ես»֊ն է։
: Երես մի՛ դարձնի
: ապագայի կարելություններից,
: քանի դեռ համողված չես, թե չկա այնպիսի մի բան,
: որ կկարողանայիր նրանցից սովորել։
: Դու միշտ ազատ ես՝
: փոխելու որոշումդ
: և ընտրելու այլ ապագա
: կամ
: ուրիշ անցյալ։
: Ընտրել ուրի՞շ անցյալ։ Տառացի՞ հասկանալ, թե փոխաբերական իմաստով, սա ի՞նչ կարող է նշանակել։
: ֊ Կարծում եմ՝ միտքս պարզապես խորամանկում է, Դո՛ն։ Ես չգիտեմ ինչպես կարող եմ սովորել այս ամենը։
: ֊ Փորձառությո՜ւն։ Մի քիչ տեսություն ու լի՜քը կենսափորձ,֊ ասաց նա։֊ Քեզնից շաբաթուկես ժամանակ կխլի։
: ֊ Մեկուկես շաբա՞թ։
: ֊ Այո։ Հավատա, որ գիտես բոլոր պատասխանները։ Հավատա, որ Ուսուցիչ ես, և կդառնաս ուսուցիչ։
: ֊ Ես երբեք չեմ ասել, թե ցանկանում եմ ուսուցիչ լինել։
: ֊ Ճիշտ է,֊ ասաց նա,֊ չես ասել։
: Բայց ես գրքույկն ինձ մոտ պահեցի, ու Դոնն այդպես էլ երբեք չհարցրեց նրա մասին։
:==5==
: Միջին Արևմուտքում ագարակատերերին բարեբեր հող է հարկավոր, որ տնտեսությունը ծաղկի։ Այն նույնքան պետք է նաև թափառական օդաչուներին, որպեսզի մոտ լինեն իրենց ուղևորներին։ Նրանք թռիչքադաշտ պիտի գտնեն քաղաքից ոչ հեռու՝ մարգագետին կամ արտ, խոտածածկ կամ հնձած ցորենով, վարսակով, ու որ մոտակայքում կովեր չլինեն, որոնք կարող են ուտել ինքնաթիռների նրբակտավե երեսվածքը, որ հարևանությամբ ճանապարհ լինի՝ մեքենաների, ու դռնակ՝ մարդկանց համար, դաշտը պիտի այնպիսի դիրք ունենա, որ ինքնաթիռն ստիպված չլինի ցածրաթռիչք անցնել որևէ տան վրայով, այն պիտի բավականաչափ հարթ լինի, որպեսզի մեքենան կտոր֊կտոր չլինի՝ դարուփոսերին 50 մ/վրկ արագությամբ ցնցվելով, այն պիտի բավականաչւսփ երկար լինի, որ հնարավոր դառնա անվտանգ թռչելն ու վայրէջք կատարելը ամռան օրով, ու նաև անհրաժեշտ է հողատիրոջ թույլտվությունը՝ այդ դաշտից թռչելու համար։
: Ես մտածում էի այդ ամենի մասին, քանի դեռ շաբաթ առավոտվա միջով թռչում էինք դեպի հյուսիս։ Փրկիչը և ես։ Իսկ ներքևում, հազարավոր ոտնաչափ հեռու, փափուկ հետ էին մղվում հողի կանաչն ու ոսկին։ Դոնալդ Շիմոդայի Թրեվըլ Էյրը աղմուկով սուրում էր իմ աջից՝ իր հայելային մակերևույթով արևային լուսահատիկներ ցրելով շուրջը։ Հրաշալի ինքնաթիռ է, մտածեցի, միայն թե՝ մի քիչ խոշոր՝ այն ժամանակների համար, երբ վրա հասնեն հյուրախաղերի իսկապես ծանր օրերը։ Այն մեկ ուղերթով կարող է երկու ուղևոր տեղափոխել, բայց և երկու անգամ ավելի ծանր է, քան իմ Ֆլիտը, ուստի թռիչքի և վայրէջքի համար ավելի մեծ դաշտ է պահանջվելու։ Ես էլ մի ժամանակ Թրեվըլ Էյր ունեի, բայց, ի վերջո, նրա փոխարեն գնեցի Ֆլիտը, քանի որ այն կարող էր տեղավորվել ցանկացած փոքրիկ դաշտում, որն ավելի հեշտ է գտնել ուզածդ քաղաքի մերձակայքում։ Ես ու Ֆլիտը կարող ենք աշխատել հինգ հարյուր ոտնաչափ դաշտում, այն դեպքում, երբ Թրեվըլ Էյրը հազար֊հազար երեք հարյուր ոտնաչափ է պահանջում։
: Դու վարժվել ես այդ տղային, մտածում էի ես, վարժվիր, ուրեմն, նաև նրա ինքնաթիռի բերած դժվարություններին։ Ու հենց այդ միտքն առկայծեց իմ մեջ, փոքրիկ քաղաքի հարևանությամբ մի մաքուր ու կոկ արոտատեղ նկատեցի։ Ֆերմերային ստանդարտ դաշտ էր՝ հազար երեք հարյուր քսան ոտնաչափ մեծությամբ, բաժանված երկու մասի, երկրորդ մասը վաճառված էր քաղաքին՝ որպես բեյսբոլի դաշտ։ Համոզված, որ Շիմոդայի ինքնաթիռն այստեղ չի կարողանա նստել, ես Ֆլիտը նետեցի ձախ թևին, քիթը վեր, ու սկսեցինք իջնել բեյսբոլի դաշտի վրա։ Մենք գետնին դիպանք անմիջապես ցանկապատի ետևը՜ դաշտի ձախ կողմից, ու գլորվեցինք մինչև լրիվ կանգ առնելը, այնպես որ, դեռ էլի տեղ մնաց։ Ես պարզապես ցանկանամ էի նրան ցույց տալ, թե ինչի է ընդունակ Ֆլիտը, եթե ինչպես հարկն է կառավարվի։
: Դրոսելային կափույրի պայթյունն ինքնաթիռը, նոր թռիչքի պատրաստելով, պտտեց տեղում, բայց երբ շրջվեցի, որ օդ բարձրւսնամ, Թրեվըլ էյրն արդեն դաշտի վրա էր՝ վայրէջքի պատրաստ։ Պոչը կախ, աջ թևը բարձր՝ այն նման էր սքանչելի, հպարտ կոնդորի, որը ճախրում է գետնից քիչ բարձր։ Նա այնքան դանդաղ ու ցածր էր թռչում, որ ծոծրակիս մազերը փշաքաղվեցին։ Ուր որ է աղետ է լինելու։ Եթե ուզում եք Թրեվըլ Էյրը պահել և ցանկապատի վրայով վայրէջքի գնալ 60 մ/վրկ արագությամբ, ընդ որում, երբ հիսուն քայլի վրա մեկ այլ ինքնաթիռ է կանգնած, նշանակում է որոշել եք այն սեղմել, դարձնել փոքրիկ գնդակի չափ մի բան։ Սակայն դրա փոխարեն ոսկերանգ ու ձյունաթույր բիպլանը քարացավ օդում։ Ես, իհարկե, կանգ առնելու ցանկություն չունեի, բայց այն թռչում էր 30 մ/վայրկյանից ոչ ավելի արագությամբ․ ինքնաթիռը, որ, խնդրում եմ նկատի ունենալ, վաղուց արդեն պիտի վայր ընկած լիներ նման արագության դեպքում, քարացավ օդում և, ասես շունչը պահած, երեք անիվներով նստեց խոտին։ Նա օգտագործել էր ընդամենը երեք քառորդն այն տարածության, որն ինձ պետք էր եկել Ֆլիտի վայրէջքի համար։
: Ես պարզապես նստել էի խցիկում ու նայում էի, քանի դեռ նա կանգնեցնում էր մեքենան և անջատում շարժիչը։ Երբ, առանց աչքս նրանից կտրելու, հանգցրի շարժիչը, ձայն տվեց․
: ֊ Վատ դաշտ չես գտել, քաղաքին էլ մոտ է, ճի՞շտ է։
: Առաջին ուղևորները՝ «Հոնդա» մոտոցիկլներով երկու տղա, արդեն ուղղվում էին մեր կողմը, որ պարզեն, թե ինչ է կատարվում։
: ֊ «Քաղաքին մոտ» ասելով ի՞նչ նկատի ունես,֊ շարժիչի աղմուկից խլացած՝ բղավեցի ես։
: ֊ Ախր, քաղաքն այստեղից մի քանի քայլի վրա է։
: ֊ Չէ, դրա մասին չեմ ասում։ ՍԱ Ի՞ՆՉ ՎԱՅՐԷՋՔ ԷՐ։ Այն էլ՝ Թրեվըլ Էյրով։ Դու ինչպե՞ս իջար այստեղ։
: Նա աչքով արեց․
: ֊ Մոգությո՜ւն է։
: ֊ Չէ, Դո՛ն, ճի՜շտը․․․ Ախր ես տեսա ինչպես իջար։
: Նա կարող էր նկատել, որ ես ցնցված եմ ու լրջորեն վախեցած։
: ֊ Ռի՛չարդ, դու գիտես թռչող բանալիներին, հիվանդությունների ապաքինմանը, ջուրը գինի դարձնելուն, ջրերի վրայով քայլելուն, Թրեվըլ Էյրը հարյուր քայլաչափ հրապարակում նստեցնելուն վերաբերող բոլոր հարցերի պատասխանները։ Դու ուզո՞ւմ ես իմանալ այդ բոլոր հրաշքների պատասխանները։
: Ես այնպիսի զգացողություն ունեի, ասես նա լազերի ճառագայթ ուղղած լիներ վրաս։
: ֊ Ես ուզում եմ իմանալ դու ինչպե՞ս վայրէջք կատարեցիր այստեղ։
: ֊ Լսի՛ր,֊ ձայն տվեց նա իր խցիկից։֊ Ի՞նչ է այս աշխարհը և այն ամենը, որ կա աշխարհում։ Պատրանքնե՜ր, Ռի՛չարդ։ Նրա յուրաքանչյուր մասնիկը ՊԱՏՐԱՆՔ է։ Մի՞թե չես հասկանում։
: Ո՛չ ժպտում էր, ո՛չ աչքով անում։ Ասես մոլեգնած էր, որ ի սկզբանե չգիտեմ այդ ամենը։
: Մոտոցիկլը կանգ առավ ինքնաթիռի պոչամասի մոտ․ տղաներն այնպիսի տեսք անեին, ասես հենց հիմա պատրաստ են թռչել։
: ֊ Այո,֊ ահա այն ամենը, ինչ կարողացա ասել։֊ Լա՛վ։ Պատրանքներին համաձայն եմ։
: Տղաներն սկսեցին նրան համոզել, որ ման տա իրենց, իսկ ինձ մնում էր միայն արագ գտնել դաշտի տիրոջն ու նրա արոտավայրից թռչելու իրավունք ստանալ։
: Միայն մեկ բան կարելի է ասել Թրեւլըլ Էյրի այդ օրվա թռիչքների ու վայրէջքների մասին։ Ասես այն իրականում փոքրիկ Ե֊2 կամ ուղղաթիռ լիներ՝ Թրեւլըլ Էյրի զգեստ հագած։ Համենայնդեպս, ինձ համար շատ ավելի հեշտ էր ընկալել մանեկաբանալու անկշիռ թռիչքը, քան հանգիստ նայել ինքնաթիռին, որն ուղևորներով հանդերձ վեր է սուրում 80 մ/վրկ արագությամբ։ Մի բան է՝ հավատալ լևիտացիսյին, երբ այն տեսնում ես, բոլորովին այլ բան՝ լիովին հավատալ հրաշքին։ Ես սկսեցի մտածել այն ամենի շուրջ, ինչի մասին նա այդքան թեթև էր խոսում։ Պատրանքնե՜ր։ Նա առաջներում էլի էր խոսել այդ մասին․․․ Երբ ես տղեկ էի ու մոգություն էի սովորում, մոգերն ասում էին նույնը։ Նրանք մեզ զգուշացնում էին․ «Նայե՛ք, այն, ինչ դուք հիմա կտեսնեք, հրաշք չէ, իրականում մոգություն էլ չէ։ Իրականում դա մոգության պատրանքն է»։ Հետո նրանք ջահը դարս էին քաշում հնդկընկույզի միջից ու փիղը դարձնում թենիսի ռակետ։ Ներքին պայծառատեսության բռնկման պահին գրպանիցս հանեցի «Փրկչի տեղեկատուն» ու բաց արի։ Երկու նախադասություն մենավորիկ կանգնել էին էջին․
: Չկա այնպիսի մի պրոբլեմ,
: որն իր մեջ
: քեզ համար թաքցրած ընծա չունենա։
: Դու պրոբլեմներ ես փնտրում,
: քանզի քեղ պետք են
: նրանց ընծաները։
: Լավ չեմ հասկանում՝ ինչու, բայց կարդալով՝ խաղաղվեցի։ Շփոթմունքս անցավ։ Եվ կարդացի նորից ու նորից, մինչև, անգիր անելը։
: Քաղաքի անունը Տրոյա էր, ու տեղիս արոտավայրերը մեզ խոստանում էին նույնքան առատաձեռն լինել, որքան Ֆերիսինը, որտեղից թռել֊եկել էինք։ Սակայն Ֆերիսում ես խաղաղության զգացում ունեի, իսկ այստեղ օդում ինչ֊որ լարվածություն կար, որն ինձ դուր չէր գալիս։ Թռիչքները, որ մեր ուղևորների համար արկած էին, միակ իրադարձությունը կյանքում, ինձ համար արդեն դարձել էին սովորական, առտնին գործ, որի վրա այժմ կախվել էր տարօրինակ տագնապի ամպը։ Իմ արկածն այն էր, որ թռչում էի այդ խենթի հետ, այն անհնարինն էր, որ նա անում էր իր ինքնաթիռով, և այն տարօրինակ բաները, որ ասում էր՝ այդ ամենը բացատրելու համար։ Տրոյայի բնակիչները Թրեվըլ Էյրի թռիչքի հրաշքից ապշած էին ոչ ավելի, քան ես կապշեի, եթե հանկարծ օրը կեսօրին ծլնգար վաթսուն տարի լռած զանգը․․․ Նրանք չգիտեին, որ այն ամենը, ինչ այստեղ կատարվում է, անհնարին է։
: ֊ Շնորհակւսլություն թռիչքի համար,֊ ասում էին նրանք։֊ Եվ սա այն ամենն է, ինչով վաստակում եք ձեր հա՞ցը։ Մի՞թե ուրիշ տեղ չեք աշխատում։
: Կամ․
: ֊ Ինչո՞ւ եք այսպիսի փոքրիկ վայր ընտրել, ինչպիսին Տրոյան է։ Կամ էլ․
: ֊ Ջե՛րի, քո ագարակը կոշկատուփից մեծ չէր երևում։
: Օրը լարված էր, աշխատանքը՝ ծով։ Չափազանց շատ մարդիկ էին գալիս թռչելու, և մեզ մի ամբողջ կույտ փող էր սպասում։ Սակայն ինչ֊որ մեկն իմ ներսում շարունակ շշնջում էր․ «Փախի՜ր։ Փւսխի՜ր, հեռու փախիր այստեղից»։ Ես բանի տեղ չդրի նրան ու հետագայում շարունակ զղջում էի դրա համար։
: Ժամը երեքին անջատեցի շարժիչն ու գնացի վառելիք բերելու։ Երկու անգամ գնացի ու վերադարձա՝ երկու հինգգալոնանոց կանիստրներով ավտոբենզին բերելով Սքելիի լիցքակայանից։ Եվ այստեղ հանկարծ գլխի ընկա՝ ախր, ոչ մի անգամ չէի տեսել, որ Թրեվըլ Էյրը լիցքավորվեր։ Շիմոդան իր ինքնաթիռը չէր լիցքավորել Ֆերիսից թռչելուց ի վեր, այդ ընթացքում նա արդեն թռել էր յոթ ժամ, սկսվում էր ութերորդը՝ առանց մի կաթիլ բենզինի կամ գոնե յուղի։ Ես գիտեի, որ նա բարի մարդ է և ինձ չի նեղացնի, բայց և այնպես՝ վախեցա։ Որքան էլ խնայող լինես, Թրեվըլ Էյրին կարող ես ստիպել, որ թռչի առավելագույնը հինգ, բայց ոչ թռիչքների ու վայրէջքների ամբողջ ութ ժամ։ Իսկ նա շարունակ թռչում էր ու թռչում, քանի դեռ ես բենզին էի լցնում իմ բաքի կենտրոնական բաժինն ու յուղ ավելացնում շարժիչի մեջ։ Թռիչքի սպասողների հերթը երկարեց․․․ Ու, թվում է, նա չէր ցանկանում հիասթափեցնել մարդկանց։ Մի պահի կարողացա բռնացնել, երբ ինչ֊որ տղամարդու և նրա կնոջը օգնում էր խցիկ բարձրանալ։ Ամբողջ ուժով ջանում էի, որ ձայնս ինչքան հնարավոր է հանգիստ ու անփույթ հնչի․
: ֊ Դոն, վառելիքիդ վիճակն ինչպե՞ս է։ Բենզին պետք չէ՞։
: Ես, հինգգալոնանոց կանիստրը ձեռքիս, կանգնել էի նրա ինքնաթիռի թևի մոտ։ Նա ուղիղ նայեց աչքերիս ու մտահոգ խոժոռվեց, ասես հարցրել էի՝ իրեն շնչելու համար օդ պետք չէ՞։
: ֊ Ո՛չ,֊ ասաց նա, ու ես ինձ վերջին նստարանի արժանացած բթամիտ առաջին դասարանցի զգացի։֊ Ո՛չ, Ո֊ի՛չարդ, ինձ բենզին պետք չէ։
: Ես զգացի, որ չարւսնում եմ։ Համենայնդեպս, ինքնաթիռներից ու նրանց վառելիքից ինչ֊որ բան հասկանում էի։
: Նա ծիծաղեց, ու ես անմիջապես փափկեցի։
: ֊ Շնորհակալությո՛ւն, պետք չէ։ Ես նրան անցած տարի արդեն լիցքավորել եմ։
: Եվ ահա նա նորից խցիկում է ու, գերբնական դանդաղ թռիչք կատարելով, թռավ֊գնաց իր ուղևորների հետ միասին։ Նախ մեջս ցանկություն առաջացավ, որ հավաքված մարդիկ թողեն, տուն գնան, հետո՝ որ մենք անհապաղ չքվենք այստեղից։ Միակ բանը, որ ցանկանում էի՝ թռչել ու գտնել մի մեծ, ամայի դաշտ՝ հեռու ցանկացած քաղաքից, և պարզապես նստել ու խորհել, թռիչքային մատյանում գրի առնել բոլոր իրադարձությունները ու ինչ֊որ կերպ գլուխ հանել այս ամենից։ Ես բարձրացա խցիկ ու հանգստանում էի, մինչ Դոնը վայրէջք կկատարեր։ Մեծ ինքնաթիռի պտուտակի մռնչոցի մեջ մոտեցա նրա մեքենային։
: ֊ Ես հոգնեցի թռչելուց, Դո՛ն։ Ուզում եմ մեկնել այստեղից, հանգստանալ, վայրէջք կատարել քաղաքներից հեռու։ Հրաշալի էր քեզ հետ թռչելը։ Երբևէ կտեսնվենք, լա՞վ։
: Նա անգամ աչքը չթարթեց․
: ֊ Էլի մի թռիչք՝ ու պաարւսստ եմ։ Այնտեղ մի տղա է սպասում։
: ֊ Լա՛վ։
: Տղան սպասում էր չարչրկված, անշուք հաշմանդամի սայլակում, որով կտրել էր քաղաքից դաշտն ընկած ճանապարհը։ Նա ճզմված, ինչ֊որ ահռելի ծանրության տակ նստիքի մեջ մխրճված մարդու տեսք ուներ, բայց այստեղ էր, քանզի ցանկանում էր թռչել։ Ուրիշներն էլ կային, քառասուն, թե հիսուն մարդ, որը՝ մեքենայում, որը՝ դաշտում, ու բոլորը հետաքրքրությամբ պատրաստվում էին նայել, թե Դոնն այդ տղային սայլակից ինչպես է տեղափոխելու ինքնաթիռի խցիկը։ Իսկ նա դրա մասին չէր էլ մտածում։
: ֊ Ոզո՞ւմ ես թռչել։
: Հաշմանդամի սայլակի մարդը ծուռտիկ ժպտաց ու մի տեսակ կողքանց գլխով արեց։
: ֊ Դե ինչ, թռա՞նք,֊ ասաց Դոնը կամացուկ, ասես խոսում էր մեկի հետ, որը վաղուց էր սպասում իր հերթին, և ահա խաղին մասնակցելու ժամանակը եկել էր։ Եթե ինչ֊որ տարօրինակ բան կար այդ ամենի մեջ, ապա հետ, անցյալին նայելով՝ կարող եմ ասել՝ այն լարվածությունն էր, որով Դոնը խոսում էր։ Դա շինծու լարվածություն չէր, ո՛չ, բայց և հրաման էր, որը ենթադրում էր, թե մարդը հիմա վեր կկենա ու կբարձրանա ինքնաթիռ, և՛ ոչ մի առարկություն։ Այն, ինչ հետո կատարվեց, նման էր ներկայացման վերջնարարի․ դերասանը հաշմված խեղանդամ էր խաղում, ու ժամանակն էր, որ վեր կենա և գլուխ տա հանդիսատեսին։ Ահռելի ծանրությունն ընկավ նրա վրայից, ասես չէր էլ եղել։ Մարդը պոկվեց սայլակից և, ինքն իրենից ապշած, համարյա թե վազքով դիմեց դեպի Թռեվըլ Էյրը։
: Ես շատ մոտ էի կանգնած ու լսեցի․ «Այս ի՜նչ արեցիք։ Դուք ի՜նչ արեցիք ինձ հետ»։
: ֊ Դուք ուզո՞ւմ եք թռչել, թե՞ դուք չեք ուզում թռչել,֊ հարցրեց Դոնը։֊ Գինը երեք դոլար է։ Խնդրում եմ վճարել նախքան թռչելը։
: ֊ Թռչո՜ւմ եմ,֊ ճչաց մարդը։
: Շիմոդան նրան օգնեց, որ բարձրանա առջևի խցիկը, ինչպես սովորաբար վարվում էր մյուս ուղևորների հետ։
: Մեքենաներում նստածները դուրս թափվեցին, հավաքվածների միջով բվվոցի ալիք անցավ, ապա վրա հասավ շշմեցնող լռությունը։ Մարդը չէր քայլում արդեն տասնհինգ տարի, այն պահից ի վեր, երբ նրա բեռնատարը գլորվել էր կամրջից։ Եվ ահա, սավանից պատրաստած թևերը մեջքին կապած երեխայի պես, նա ցատկեց ինքնաթիռի խցիկը, չափից դուրս գրգռված, թևերը թափահարելով՝ սահեց նստիքին, ասես նրան հենց նոր էին ձեռքեր տվել, որոնց հետ կարելի էր խաղալ։ Նախքան որևէ մեկը կհասցներ խոսել, Շիմոդան սեղմեց դրոսելի կափույրն, ու ինքնաթիռը ճախրեց վեր՝ կտրուկ շրջանցելով ծառերը և սրընթաց բարձրություն հավաքելով։
: Ակնթարթը կտրո՞ղ է երջանիկ ու, միևնույն ժամանակ, զարհուրելի լինել։ Հետո այդպիսի բազում ակնթարթներ եղան։ Դա հրաշք էր․ հրաշագործ ապաքինումը մարդու, որն այնպիսի տեսք ուներ, ինչպիսին հարկ է, որ ունենար խեղանդամը, և միևնույն ժամանակ զգացվում էր՝ անպայման ինչ֊որ տագնապալի բան է կատարվելու, երբ այդ զույգն իջնի ցած։ Մարդկանց բազմությունն արդեն վերածվել էր հոծ ու սպասման մեջ քարացած խմբի, իսկ մարդկային հոծ խումբն ամբոխն է, և այդ ամենի մեջ ոչ մի լավ բան չկա։ Վայրկյաններն անցնում էին, հարյուրավոր աչքեր շաղափում էին պստլիկ կետը, որ անհոգ ճախրում էր արևի ճառագայթների մեջ, և ինչ֊որ սոսկալի բան պիտի կատարվեր։ Թրեվըլ Էյրը ծուլորեն մի քանի ութ գծեց, ապա՝ ձիգ պարույր, ու քարացավ օդում՝ ցանկապատի վրա, նմանվելով դանդաղաշարժ, աղմկոտ թռչող ափսեի, որը պատրաստվում է վայրէջք կատարել։ Եթե նրա մեջ մի փշուր ողջամտություն լիներ, ուղևորին կիջեցներ դաշտի հեռավոր ծայրին, արագ կիջեցներ ու կչքանար։ Մարդկային բազմությունն ավելի էր մեծացել, հայտնվել էր հաշմանդամի ևս մեկ սայլակ, որը վազքով հրում էր ինչ֊որ կին։
: Դոնն ինքնաթիռը մոտ քշեց ամբոխին, մեքենան դարձրեց այնպես, որ պտուտակը հայտնվեր հակառակ կողմում, և անջատեց շարժիչը։ Մարդիկ մոտ վազեցին խցիկին, և ինձ մի պահ թվաց, թե նրանք պատրաստվում են պլոկել ֆյուզելաժի երեսվածքը, որպեսզի հասնեն ուղևորին ու նրան։
: Դա վախկոտությո՞ւն էր։ Չգիտե՛մ։ Ես դանդաղաքայլ մոտեցա իմ մեքենային, բաց արի կափույրները, գործարկեցի պտուտակը, որ շարժիչն աշխատի։ Ապա ելա խցիկ, Ֆլիտի քիթը դարձրի քամուն հակառակ և օդ բարձրացա։ Իմ վերջին հայացքում դրոշմվեց Դոնալդ Շիմոդան, որ նստել էր իր խցիկի անկյունում, իսկ շուրջը ամբոխն էր։ Ես մեքենան դարձրի դեպի արևելք, ապա հարավ֊արևելք, ու շուտով վայրէջք կատարեցի՝ գիշերելու հանդիպած առաջին իսկ դաշտում, որտեղ սաղարթախիտ ծառեր կային և առվակ, որից կարելի էր ջուր խմել։ Դաշտը հեռու էր քաղաքից։
:==6==
: Մինչև օրս չեմ կարող ասել, թե ինչ էր կատարվում ինձ հետ։ Պարզապես մի ճնշող զգացում ինձ հեռու էր քշում այդ տղայից՝ Դոնալդ Շիմոդայից։
: Եթե վիճակվի եղբայրանալ ճակատագրի հետ, ապա ինքը Փրկիչն էլ չի կարողանա ստիպել, որ անբանության մատնվեմ։ Դաշտում լռություն էր։ Դա մի հսկայական, լռակյաց մարգագետին էր՝ երկնքի դեմ բաց։ Միակ ձայնը առվակինն էր, ասենք՝ այն էլ հազիվ էր լսվում։ Նորից մենակ եմ։ Մարդը վարժվում է իր մենակությանը, սակայն բավական է մենությունը խախտվի թեկուզ մեկ օրով, ու ստիպված ես լինում նորից վարժվել, ամենասկզբից։
: ֊ Օ՚քեյ, վատ չզվարճացանք,֊ ասացի ես մարգագետնին,֊ փառահեղ էր, և կարող էր այդպես լինել, որ ես շատ բան սովորեի այդ տղայից։ Բայց հերիք է, չե՛մ ուզում այդ ամբոխները, նույնիսկ երջանիկ ամբոխները․․․ Ամբոխին վախեցրիր՝ կամ կխաչի, կամ կերկրպագի։ Կներեք, բայց դա արդեն չափազանց է։
: Այդ ասելով՝ պապանձվեցի։ Բառերը, որ հնչեցին, ստուգապես կարող էին Շիմոդայինը լինել։ Նա ինչո՞ւ մնաց այնտեղ։ Իմ ողջամտությունը բավականացրեց, որ հեռանամ, չնայած Փրկիչ չէի։ Պատրանքնե՜ր։ Նա ինչ նկատի ուներ՝ պատրանքներ ասելով։ Դա շատ ավելին էր նշանակում, քան այն ամենը, որ ասում և անում էր,֊ նա մոլեգնած էր, երբ ասաց․ «Այդ ամենը պատրանքներ են»։ Իհարկե, դա պրոբլեմ էր, և ինձ պետք էին նրա ընծաները, բայց ես դեռ չգիտեի, թե ինչ է նշանակում։
: Շուտով կրակ արեցի և գուլյաշի պես մի բան եփեցի ինձ համար՝ սոյայի, արիշտայի ու երկու նրբերշիկի խառնուրդ,֊ եռօրյա վաղեմության կռճոններ, որ դեռ կարելի էր օգտագործել։ Սննդամթերքի արկղը հենց գործիքների արկղի կողքին էր․ ես առանց որևէ անհրաժեշտության դուրս քաշեցի 16 համարի բանալին ու սկսեցի զննել, ապա մաքուր սրբեցի ու սկսեցի դրանով խառնել գուլյաշը։
: Ինչպես հիշում եք՝ մենակ էի, շուրջս՝ ոչ մի շունչ, ուստի, հանուն զվարճության, փորձեցի թռցնել բանալին, ինչպես Դոնն էր անում։ Եվ ահա, եթե բանալին ուղիղ վեր էի նետում և աչքերս թարթում այն պահին, երբ դադարում էր բարձրանալ ու սկսում էր ցած ընկնել, կես վայրկյանի չափ այնպիսի զգացում էի ունենում, ասես լողում է օդում։ Սակայն հետո շրմփում էր խոտին կամ իմ ծնկանը, ու տպավորությունն անմիջապես ցնդում էր։ Բայց չէ՞ որ դա նոիյն բանալին էր․․․ Նա ինչպե՞ս էր անում։ Եթե այդ ամենը պատրանքներ են, մի՛ստր Շիմո՛դա, ապա ի՞նչն է իրական։ Եվ եթե կյանքը պատրանք է, ինչո՞ւ ենք այն ապրում ընդհանրապես։
: Վերջապես ձեռ քաշեցի իմ զբաղմունքից։ Մանեկաբանալին էլի մեկ֊երկա անգամ նետեցի վեր ու դադարեցի։ Եվ այդ հրաժարումն անսպասելի ուրախություն բերեց։ Շուրջն ամեն ինչ անսպասելիորեն երջանկություն զգեցավ,֊ և՛ այն, որ ես այնտեղ եմ, ուր կամ, և՛ այն, որ գիտեմ՝ ինչ գիտեմ, թեև դա բոլոր պատրանքների կամ գոնե մի քանի պատրանքի գոյության հարցի պատասխանը չէր։
: Մենակ լինելիս երբեմն երգում եմ։ «Օ՜, ես ու այս Ներկը հին ․․․»՝ երգում էի ես ու թփթփացնում Ֆլիտի թևին՝ նրա հանդեպ իսկական սիրո զգացումով բռնված (չմոռանաք, որ չկար մեկը, ով կկարողանար լսել ինձ)։ «Մենք թափառում ենք երկնքում բարձր.․․ վարգում դաշտերով, մինչև մեզանից մեկը հետ մնա․․․»։ Երաժշտությունն ու բառերը ծնվում էին երգելուն զուգահեռ։֊ «Եվ ես նա չէի, ով հետ է մնում․․․ Մինչև չջարդվի ողնուցը․․․ այդժամ ես այն կձգեմ փաթեթավորման մետաղալարով․․․ ու մենք կթռչենք, կթռչենք առաջ․․․ ԿԹՌՉԵՆՔ ԱՌԱ՜Ջ․․․»։ Տողերը հաջորդում էին իրար, քանի դեռ տրամադրությունս տեղն էր ու երջանիկ էի, որովհետև հանգն այստեղ տասներորդական նշանակություն ունի։ Ես դադարեցի մտածել Փրկչի պրոբլեմների մասին, որևէ հնար չունեի պարզելու, թե ով է նա և ինչ կա այս ամենի ետևում։ Դրա համար էլ դադարեցի ջանալ ու կարծում եմ, որ հենց դա էլ երջանկություն բերեց ինձ։
: Դեռ բավական ժամանակ կար մինչև տասը, երբ խարույկը հանգավ, նրա հետ մարեց և իմ երգը։
: ֊ Որտեղ էլ որ լինես, Դո՛նալդ Շիմոդա,֊ ծածկոցն ինքնաթիռի թևի տակ փռելով՝ ասացի ես,֊ երջանիկ թռիչք եմ մաղթում ու՝ ոչ մի ամբոխ։ Եթե, իհարկե, դա այն է, ինչ դու ցանկանում ես։ Ո՛չ, խոսքս հետ եմ վերցնում։ Ես ցանկանում եմ, թանկագին միայնակ Փրկի՛չ, որ գտնես այն ամենն, ինչ ուզում ես։
: Նրա գրքույկը, երբ վերնաշապիկս հանում էի, ընկավ գրպանիցս, ու բացված էջին կարդացի․
: Կապերը,
: որոնցով կապված են
: քո իսկական ընտանիքում,
: արյան կապեր չեն,
: այլ կապեր հարգանքի և ցնծության՝
: առ մեկմեկու կյանքը։
: Քիչ է պատահում,
: որ մի ընտանիքի անդամները
: հասակ առնեն
: նույն հարկի տակ։
: Ես չհասկացա, թե այդ ամենն ինչով կարոդ էր վերաբերել ինձ, և ինքս ինձ հիշեցրի՝ գրքին երբեք թույլ չպիտի տամ, որ դուրս մղի իմ սեփական մտքերը։ Ես շուռումուռ էի գալիս ծածկոցի տակ, հետո անջատվեցի,֊ ասես մարեց էլեկտրական լամպը,֊ աներազ, երկնքի ու մի քանի հազար աստղերի ներքո, որոնք եթե նույնիսկ պատրանք էլ էին, ապա սքանչելի պատրանք։
: Երբ մյուս առավոտ արթնացա, արևը նոր էր ծագել՝ շուրջը լույս ու ոսկի ստվերներ շաղելով։ Արթնացա ոչ թե նրանից, որ արդեն լույս էր, այլ ինչ֊որ մեկը թեթև հպվեց գլխիս։ Մտածեցի՝ ծղոտ է։ Երկրորդ միտքս այն էր, թե բզեզ է, որ ծանր թրմփաց ու քիչ էր մնում ջարդեր ձեռքս․․․ 16 համարի մանեկաբանալին էր,֊ այդ ծանր երկաթակտորը, որ ընկավ ողջ արագությամբ,֊ ես անմիջապես արթնացա։ Մանեկաբանալին հետ թռավ ողնուցի ծխնիից, մի ակնթարթ տապ արեց խոտերի մեջ, ապա ճախրեց վեր։ Հետո, երբ, արդեն լրիվ արթնացած սկսեցի հետևել նրա ընթացքին, փափուկ իջավ հողին ու անշարժացավ։ Այն պահին, երբ որոշեցի վերցնել, կրկին նույն հին ու բարի 9/16 բանալին էր, որը ճանաչում ու սիրում էի, առաջվա պես ծանր, առաջվա պես՝ ինձ ձանձրացրած մանեկներն ու պնդօղակները ձգելու ցանկությամբ այրվող։
: Ես երբեք «գրողը տանի» կամ «սատանա» չեմ ասում, մանկուց մնացած սովորություն է։ Բայց լրջորեն մտահոգված էի, իսկ նման դեպքում այլ բան չես ասի։ Ի՞նչ է կատարվում իմ մանեկաբանալու հետ։ Դոնալդ Շիմոդան այստեղից առնվազն վաթսուն մղոն հեռավորության վրա է, հորիզոնից անդին։ Ես վերցրի բանալին, զննեցի, ծանրութեթև արեցի ձեռքիս մեջ՝ ինձ նախապատմական կապիկ զգալով, որը չի կարողանում հասկանալ, թե անիվն ինչպես է պտտվում իր աչքի առաջ։ Չէ որ մի պարզ պատճառ պիտի լինի․․․ Վերջապես դադարեցի, բանալին նեղսրտած դրեցի գործիքների արկղն ու կրակ արեցի, որ բաղարջ թխեմ։ Շտապելու տեղ չունեի։ Կարող եմ ամբողջ օրն այստեղ մնալ, եթե ցանկանամ։
: Բաղարջը թավայում լավ փքվել էր, ու ես արդեն պատրաստվում էի շուռ տալ երբ երկնքում արևմուտքից եկող ձայն լսեցի։ Անհնար էր ենթադրել, որ դա Շիմոդայի ինքնաթիռի ձայնն է, կամ որևէ մեկը հետևել֊գտել է ինձ այս մեկուսի դաշտում՝ Միջին Արևմուտքի միլիոնավոր դաշտերի մեջ, բայց գիտեի, որ նա է, ու սկսեցի շվշվացնել՝ մեկ բաղարջին, մեկ երկնքին հետևելով, փորձելով գտնել այն բառերը, որոնցով դիմավորելու եմ նրան, երբ վայրէջք կատարի։ Իհարկե, դա Թրեվըլ Էյրն էր։ Ցածր թռչելով Ֆլիտի վրայից, կտրուկ, ձև թափելով՝ շրջադարձ արեց, ճախրեց օդում ու նստեց այն արագությամբ, որով և հարկ է, որ նստեր Թրեվըլ Էյրը։ Նա մոտ քշեց ինքնաթիռն ու հանգցրեց շարժիչը։ Ես ոչինչ չասացի։ Ձեռքով արեցի, բայց՝ ոչ մի բառ։ Սուլելն էլ դադարեցրի։ Նա դուրս եկավ խցիկից ու մոտեցավ կրակին։
: ֊ Ողջո՛ւյն, Ռի՛չարդ։
: ֊ Դու ուշացար,֊ ասացի,֊ բաղարջը քիչ էր մնում վառվի։
: ֊ Ների՛ր։
: Ես նրան մեկնեցի առվակի ջրով լի գավաթն ու անագե ափսեն՝ վրան բաղարջի կեսն ու մի քիչ մարգարին։
: ֊ Այնտեղ այդ ամենն ինչո՞վ ավարտվեց։
: ֊ Բարեհաջող ավարտվեց,֊ ասաց նա՝ մի ակնթարթ թեթև ժպտալով։֊ Ողջառողջ ծլկեցի։
: Նա որոշ ժամանակ լուռումունջ ուտում էր։
: ֊ Գիտե՞ս,֊ իր պատառը զննելով՝ վերջապես ասաց նա,֊ սա ահավոր գարշանք է։
: ֊ Ոչ ոք չի պնդում, թե դու պարտավոր ես ուտել իմ հացը,֊ վիրավորվեցի ես։֊ Ինչո՞ւ են բոլորն ատում իմ հացը։ ՈՉ ՈՔ ԻՄ ԲԱՂԱՐՋՆԵՐԸ ՉԻ ՍԻ֊ ՐՈԻՄ։ Ինչո՞ւ է այդպես, Ուսուցի՛չ։
: ֊ Դե ինչ,֊ քմծիծաղ տվեց նա,֊ հիմա ես խոսում եմ որպես Աստված։ Կարծում եմ՝ դու հավատում ես, որ դրանք լավն են, դրա համար էլ քեզ համեղ են թվում։ Փորձիր, բայց առանց վստահաբար հավատալու՝ ինչին հավատում ես․ չէ որ այս բաղարջը․․․ հրդեհի պես բան է․․․ ջրհեղեղից հետո․․․ ջրաղացում, քեզ այդպես չի՞ թվամ։ Կարծում եմ՝ կուզենայիր հացին համեմունքներ խառնել։
: ֊Ների՛ր, մի տեսակ մտքիցս թռել էր։ Բայց չե՞ս կարծում, որ ինքնին հացը հանապազօրյա,֊ ոչ թե համեմունքները կամ ինչ֊որ վառված պատառ,֊ հանապազօրյա հաց է, չե՞ս կարծում։
: ֊ Սարսափելի է,֊ ասաց նա՝ վերադարձնելով բաղարջի կտորը, որից մի պատառ էր միայն կծել։֊ Ավելի լավ է սոված մնամ։ Իսկ դեղձ մնացե՞լ է։
: ֊ Արկղում կա։
: Նա ինձ ինչպե՞ս էր գտել այդ դաշտում։ Քսանութ ոտնաչափ երկարությամբ թևերով ինքնաթիռն այնքան էլ հասանելի նշանակետ չէ քսան հազար մղոնանոց պրերիայում, մանավանդ երբ թռչում ես արևին հակառակ։ Բայց ես երդվել էի չհարցնել։ Եթե կուզենա, թող ինքը պատմի։
: ֊ Ինձ ինչպե՞ս գտար,֊ հարցրի,֊ չէ որ կարող էի իջնել՝ ուր պատահեր։
: Նա արդեն բացել էր դեղձերի տուփը և դանակին քաղելով՝ ուտում էր, ինչը նույնպես հեշտ գործ չէ։
: ֊ Նմանը ձգում է նմանին,֊ քրթմնջաց նա՝ դեղձից մի կտոր կծելով։
: ֊ Ի՞նչ։
: ֊ Տիեզերական օրենք է։ ֊Հա՜։
: Ես կերա֊վերջացրի բաղարջս ու թավան լվացի առվակի ջրում։
: ֊ Գուցե բացատրե՞ս։ Նվաստս ինչո՞վ է նման ձերդ մեծարգո բարեծնությանը։ Թե՞ «նմանություն» ասելով, նկատի անես, որ ինքնաթիռներն են նման, այդ կարգի մի բա՞ն։
: ֊ Մենք՝ հրաշագործներս, պիտի միասին լինենք,֊ ասաց նա։ Ու խոսքը և՛ կատակ էր, և՛ սարսափելի՝ այնպե՜ս ասաց։
: ֊ Ինչպե՞ս, Դո՛ն։ Քո այդ հայտարարությո՜ւնը․․․ գուցե բացատրե՞ս ինչ էր մտքիդ, երբ ասում էիր՝ մենք, հրաշագործներս։
: ֊ Գործիքների արկղում 16 համարի դիրքից ելնելով՝ ես կասեի, որ այս առավոտ զբաղվել ես լևիտացիայով։ Ասա, եթե սխալվում եմ։
: ֊ Ոչ մի բանով էլ չէի զբաղվում։ Ես արթնացա․․․ այդ բանն ինքը ինձ արթնացրեց։
: ֊ Հա՜, ինքը,֊ նա ծիծաղեց վրաս։
: ֊ԱՅՈ՛, ԻՆՔԸ։
: ֊ Հրաշագործության քո ընկալումը նույնքան խորն է, որքան հաց թխելու ըմբռնումդ։
: Ես չպատասխանեցի, միայն ավելի հարմար նստեցի անկողնուն ու փորձում էի ինձ հնարավորինս հանգիստ պահել։ Եթե ասելու բան ունի, ինքը կասի, երբ անհրաժեշտ համարի։
: ֊ Մեզնից ոմանք այդ ամենը սկզբում անգիտակցաբար են անում։ Մեր սթափ միտքը չի ընդունում այդ ամենը, դրա համար էլ հրաշքները գործում ենք քնի մեջ։֊ Նա վեր նայեց՝ առաջին մանրիկ ամպերին։֊ Անհամբեր մի՛ լինի, Ռի՛չարդ։ Մենք բոլորս շատ ավելին սովորելու ճանապարհին ենք։ Հիմա դա շատ ավելի արագ կհասնի գիտակցությանդ, և ղու շատ ավելի վաղ կդառնաս ծեր ու իմաստուն հոգևոր մաեստրո, քան գլխի կընկնես, որ դարձել ես։
: ֊ Ի՞նչ է նշանակում՝ շատ ավելի վաղ, քան գլխի կընկնեմ։ Ես դա չեմ ուզում իմանալ։ Ես ոչինչ չեմ ուզում իմանալ։
: ֊ Դու ոչինչ չես ուզում իմանալ։
: ֊ Դե լավ, ես ուզում եմ իմանալ ինչո՞ւ գոյություն ունի այս աշխարհը, և ինչո՞ւ եմ ես ապրում այստեղ և ո՞ւր կընկնեմ հետո, ես ուզում եմ իմանալ ինչպես թռչեմ առանց ինքնաթիռի, եթե ցանկանամ։
: ֊ Ների ր։
: ֊ Ինչի՞ համար ներեմ։
: ֊ Այդպես բան դուրս չի գա։ Եթե ուզում ես իմանալ, թև ինչու գոյություն ունի այս աշխարհը, ինչպես է այն կառուցված՝ դու մեքենայաբար սկսում ես հրաշքներ գործել՝ այն ամենն, ինչն ընդունված է հրաշք անվանել։ Բայց, իհարկե, ոչ մի հրաշալիք էլ չկա։ Իմացար այն, ինչ գիտեն մոգերը, և դա այլևս մոգություն չի լինի,֊ նա հայացքը կտրեց երկնքից։֊ Դու նման ես մյուսներին։ Դու արդեն ամեն ինչ գիտես, պարզապես չես գիտակցում, որ գիտես։
: ֊ Ես չեմ հասկանում,֊ ասացի,֊ չեմ հիշում, որ հարցրած լինեիր՝ ուզո՞ւմ եմ, արդյոք, այդ ամենը սովորել,֊ այն ամենը, որ դեպի քեզ է ձգում ամբոխներն ու դժբախտությանը՝ ողջ կյանքիդ ընթացքում։ Գուցե պարզապես մոռացե՞լ եմ։
: Ու հենց ասացի, արդեն գիտեի, թե ինչ եմ լսելու, ֊ այն, ինչ ես կհիշեմ հետագայում,֊ ու նա իրավացի կլինի։
: Դոնը, ալյուրի մնացորդներով պարկը գլխի տակ, մեկնվեց խոտին։
: ֊ Լսի՛ ր, ամբոխների հարցում մի անհանգստանա։ Նրանք չեն դիպչի քեզ, քանի դեռ ինքդ չես ցանկանում։ Հիշի՛ր, դու կախարդ ես,֊ ո՜ւ֊ դու անտեսանելի ես և անցնում ես փակ դռների միջով։
: ֊ Ամբոխը քեզ ճանկել էր Տրոյայում, ճի՞շտ է։
: ֊ Իսկ ես ասացի, թե չէի՞ ցանկանում դա։ Այդ ես թույլ տվի նրանց։ Դա ինձ դուր էր գալիս։ Ամեն մեկիս մեջ մի քիչ չկայացած դերասան կա, հակառակ դեպքում երբեք Ուսուցիչ չէինք դառնա։
: ֊ Բայց մի՞թե դու չես հրաժարվել։ Ես չէ՞ որ կարդացի․․․
: ֊ Այնպես պատահեց, որ ինձնից Մեն֊Ս՝իակ֊Լրիվ Դրույքով Փրկիչ էին սարքում, և այդ առաջարկը մերժելով մերժեցի։ Բայց ես չեմ կարոդ հետ վարժվել այն ամենից, ինչի վրա դրել եմ ողջ կյանքս, ճիշտ չե՞մ։
: Ես, ծղոտի շյուղը ծամելով, փակեցի աչքերս։
: ֊ Լսի՛ր, Դո՛նալդ, դու ինձ ի՞նչ ես վարձում բացատրել։ Չե՞ս կարոդ ուղիղ ասել, թե ինչ է կատարվում։
: Երկար ժամանակ լռություն էր, հետո նա խոսեց․
: ֊ Գուցե պետք է, որ դո՞ւ ասես։ Դու ինձ կասես այն, ինչը ես փորձում եմ ասել քեզ, ու ես կուղղեմ, եթե սխալվես։
: Մի րոպեի չափ մտմտում էի այդ ամենի վրա, ապա որոշեցի զարմացնել նրան։
: ֊Օ՚քեյ, ե՛ս կասեմ։ ֊ Ես դադար տվի, որ տեսնեմ՝ ինչքան կարող է համբերել, եթե իր նկատի ունեցածն այնքւսն էլ շուտ չասվի։ Արևն արդեն մի քիչ բարձրացել ու տաքացնում էր, հեռվում, ինչ֊որ տեղ, մի անտեսանելի դաշտում, ինչ֊որ ագարակատեր գործի դրեց դիզելային տրակտորը, թեև օրը կիրակի էր։
: ֊ Օ՚քեյ, ե՛ս կասեմ։ Նախ՝ պատահականություն չէր, որ քեզ առաջին անգամ տեսա դաշտում, Ֆերիսի մոտ, ճի՞շտ է։
: Նա լուռ ու խաղաղ էր՝ աճող խոտի պես։
: ֊ Եվ երկրորդ, իմ ու քռ միջև յուրատեսակ միստիկական համաձայնություն կա, որը ես, հավանաբար, մոռացել եմ, իսկ դու՝ ոչ։
: Մեղմ քամի էր փչում՝ մերթ բերելով, մերթ վանելով բանող տրակտորի հեռավոր հռնդոցը։ Իմ ինչ֊որ մասնիկը, որ լսում էր ինձ, չէր գտնում, թե այն ամենը, ինչ ասում եմ, հորինվածք է։ Ես ճշմարիտ պատմություն էի հորինում։
: ֊ Ուզում եմ ասել, որ մենք հանղիպել ենք երեք կամ չորս հազար տարի առաջ, մի օր ավելի, մի օր պակաս։ Մեզ դուր են գալիս նույն արկածները, հնարավոր է, որ մենք ատում ենք նույն ավերիչներին, սովորում ենք միանման հաճույքով, նույնչաւի արագ։ Քո հիշողությունն ավելի լավն է։ Եվ մեր բոլոր հանդիպումները հենց այն են, ինչ դու նկատի ունես՝ «Նմանը ձգում է նմանին» ասելով։
: Ես նոր ծղոտիկ վերցրի։
: ֊ Դե ինչ, կարողանո՞ւմ եմ։
: ֊ Սկզբում կարծում էի, թե ճանապարհը երկար է լինելու,֊ ասաց նա։֊ Այդ֊ պես է, բայց, կարծես, մի պստիկ հնարավորություն կա, որ այս անգամ կհաղթահարես։ Շարունակի՛ր, ասա՛։
: ֊ Ես շարունակելու կարիք չունեմ, որովհետև դու արդեն գիտես այն, ինչ գիտեն մարդիկ։ Բայց եթե ես դա չասեի, դու չէիր իմանա, թե ինչ եմ մտածում և ինչ գիտեմ, իսկ առանց դրա չեմ կարոդ սովորել այն ամենը, որ ուզում եմ սովորել։֊ Ես դեն նետեցի ծղոտիկը։֊ Դա ինչի՞ համար է, քո ինչի՞ն են պետք իմ նմանները, Դո՛ն։ Երբ էլ որ հայտնվեն քեզ նման կատարյալ մարդիկ, նրանց համար հրաշագործ ուժերն ընդամենը ածանցյալ են լինելու։ Ես քեզ պետք չեմ, քեզ ընդհանրապես ոչինչ պետք չէ այս աշխարհից։
: Ես դարձրի գլուխս ու նայեցի նրան։ Շիմոդայի աչքերը փակ էին։
: ֊ Ինչպես Թրեվըլ Էյրի՞ն բենզին պետք չէ,֊ ասաց նա։
: ֊ ․․․ Ոչ մի արկած, քանզի դու գիտես, որ այս աշխարհում ոչինչ չի կարող խանգարել քեզ։ Քո միակ պրոբլեմն այն է, որ դու պրոբլեմ չունես։
: Ասացի ու մտածեցի, որ սարսափելի բան էր ասածս։
: ֊ Այստեղ վրիպեցիր,֊ խոսեց նա։֊ Ասա ինձ՝ ինչո՞ւ հրաժարվեցի իմ աշխատանքից․․․ դու գիտե՞ս, թե ինչու եմ հրաժարվել Փրկիչ աշխատել։
: ֊ Դու ասում էիր՝ ամբոխները։ Ամեն մեկն ուզում էր, որ հրաշքներդ հատկապես ի՛ր համար գործես։
: ֊ Այո։ Բայց դա ոչ թե նախ և առաջն է, այլ երկրորդը։ Ամբոխից վախենալը քո՛ խաչն է, Ոի՛չարդ, ոչ թե իմ։ Ինձ հոգնեցնում են ոչ թե պարզապես ամբոխները, այլ ամբոխը, որ ընդհանրապես թքած ունի, թե ի՛նչ եմ ասելու։ Կարող ես ոտքով կտրել օվկիանոսը՝ Նյու Յորքից Լոնդոն, կարող ես ոսկու անձրև տեղալ, մե՛կ է, նրանց հետաքրքրությունը չես շարժի, պատկերւսցնո՞ւմ ես։
: Երբ նա ասում էր այս ամենը, այնքան միայնակ տեսք ուներ, ինչպիսին երբևէ չէի տեսել, որ ունեցած լիներ մեկնումեկը այս երկրի վրա։ Նրան ոչ ուտելիք է պետք, ո՛չ տուն, ո՛չ փող, ո՛չ փառք։ Նա մեռնում է իր իմացածն ասելու կարիքից, ու ոչ մեկին հետաքրքիր չէ, ոչ ոք չի լսում նրան։ Ես կկոցեցի աչքերս, որ արցունքս պահեմ։
: ֊ Դե ինչ, ինքդ ես մեղավոր,֊ ասացի։֊ Եթե քո երջանիկ լինելը կախված է նրանից, թե ինչ է անում մեկ ուրիշը, ուրեմն, համենայնդեպս, պրոբլեմ ունես։
: Նա արագ բարձրացրեց գլուխն, ու աչքերից կայծեր թռան, ասես խփած լինեի մանեկաբանալիով։ Ես անմիջապես մտածեցի, որ անխոհեմ կլիներ այդ տղային իմ դեմ լարելը։ Կայծակնահար մարդն արագ է վառվում։ Սակայն նա ժպտաց իր հպանցիկ ժպիտով։
: ֊ Գիտե՞ս ինչ, Ռի՛չարդ,֊ դանդաղ խոսեց նա։֊ Դու․․․ դու․․․ իրավացի ես։
: Ու կրկին լռեց՝ համարյա տրանսի մեջ ընկնելով այն ամենից, ինչ ասել էի։ Այդ փոփոխությունը չնկատելով՝ շարունակում էի պատմել, թե ինչպես ենք հանդիպել, թե ինչ է պետք սովորել, բոլոր այն գաղափարների մասին, որ անցնում էին իմ գլխով, վաղորդյան ասուպների ու իրիկնային երկնաքարերի պես։ Նա լուռումունջ պառկել էր խոտին, չէր շարժվում, չէր խոսում, ո՛չ մի խոսք։ Կեսօրվա կողմ ավարտեցի Տիեզերքի ու նրա պարունակության իմ վարկածը։
: ֊․․․ Եվ ես ինձ այնպես եմ զգում, ասես նոր֊նոր եմ սկսել, Դո՛ն, այնքան բան ունեմ ասելու։ Ես որտեղի՞ց գիտեմ այդ ամենը։ Ինչպե՞ս է այդ ամենը կատարվում։
: Նա չպատասխանեց։
: ֊ Եթե սպասում ես, որ պիտի պատասխանեմ քո սեփական հարցերին, ապա խոստովանում եմ, որ չգիտեմ։ Ինչո՞ւ եմ կարողանում այդ ամենի մասին խոսել այժմ, երբ նախկինում նույնիսկ չէի էլ փորձել։ Ի՞նչ է պատահել ինձ։
: Ոչ մի պատասխան։
: ֊ Դո՛ն, գուցե խոսեիր, հը՞։ Խնդրում եմ․․․
: Նա ոչ մի բառ չարտաբերեց։ Ես նրա առաջ բացում էի կյանքի համապատկերը, իսկ իմ Փրկիչը, կարծես իր երջանկության մասին ասված պատահական բառի մեջ լսելով այն ամենն, ինչ իրեն պետք էր՝ խորունկ քնել էր։
:==7==
[[Category: Արձակ]]
