Changes

Ես ասացի «անլեզո՞ւ»՞

Նա շատ լավ էր հոգում մեր մասին։ Դա չի կարելի ժխտել։ Սինթեզավորում էր սնունդը, եփում ու մատուցում էր ճաշը։ Հետեւում էր ջերմաստիճանին եւ խոնավությանը։ Լվանում եւ արդուկում էր մեր շորերը, բուժում էր մեզ, եթե դրա հարկը լինում էր։ Երբ Բենը հարբուխ ընկավ, նա շշով ինչ֊որ հեղուկ տվեց, ու մյուս օրը Բենի հարբուխի հետքն էլ չկար։

— Հանգստացիր, — խորհուրդ տվեց Բենը։ — Լավ չէ մեղքը Ջիմիի վրա գցել։ Հիմնական պատճառը Մեղրամիսն է, ասում եմ քեզ։

— Մեղրամսի վրա, — ասաց Սիրունիկը, — կային տեսակներ, որ…

— Բայց դա անհնարին բան է…

Մի քիչ հետո մենք ձեռ քաշեցինք նրանից ու գնացինք քնելու, իսկ Սիրունիկը լույսն անջատեց ու օրորոցային երգեց մեզ համար։

Դրանից հետո էլ ես միանգամից չքնեցի, այլ պառկել ու մտածում էի։ Ես հասկանում էի, որ մի բան պետք է մտածել, բայց այնպես, որ նա չիմանա։ Սակայն դա անհնարին բան էր, որովհետեւ նա շարունակ հետեւում էր մեզ։ Նա խորհուրդներ էր տալիս, լսում էր, կարդում էր մեր ուսի վրայից, ու մեր ոչ մի շարժումը, ոչ մի բառը հնարավոր չէր թաքցնել նրանից։

Երբեմն ես ուզում էի վեր կենալ ու կոտլետ սարքել Ջիմիից, բայց ինքս ինձ ասում էի, որ հիմա էլ ոչինչ չես անի, ծեծից օգուտ չկա։ Ջիմին կծկվել էր անկյունում ու ինչ֊որ բան էր գրում ծոցատետրում, իսկ ես զարմանում էի, թե նա ինչքան պետք է լկտի լինի, որ այս բոլորից հետո նորից շարունակի գրել։

Շորերս թափում էինք չորս կողմ։ Կեղտոտ սպիտակեղենը չէինք դնում այնտեղ, որտեղ լվացք էր անում Սիրունիկը։ Սեղանի վրա թողնում էինք կեղտոտ ափսեները, փոխանակ դնենք լվացարանի մեջ։ Ծխամորճներս թափ էինք տալիս հատակին։ Մենք չէինք սափրվում, ատամներս չէինք մաքրում, չէինք լվացվում։

Մի երկու շաբաթ հետո մենք հաղթեցինք, բայց դա այն հաղթանակը չէր։

Բենը փորձում էր նրա հետ անկեղծորեն խոսել կյանքի որոշ անձնական հարցերի մասին (որոնց մասին նա, իհարկե, գիտեր) ու ճգնում էր զարմացնել նրան, պատմելով, թե սիրո մեջ որքան մեծ դեր է խաղում ֆիզիոլոգիական գործոնը։

Թախծոտ ձայնով, որի մեջ հազիվ լսելի էին զայրույթի նոտաներ, նա ասաց, որ մենք մոռանում ենք սիրո էլ ավելի վեհ իմաստի մասին։ Նա սկսեց անգիր մեջբերել Ջիմիի փսլնքոտ ոտանավորները, որոնց մեջ խոսվում էր սիրո վեհության եւ մաքրության մասին, ու մենք ոչ մի բան չէինք կարողանում պատասխանել։ Շատ նեղն էինք ընկել։

Հրաշալի միտք է։

Մենք ինչ֊որ բան անում էինք։ Գիրք էինք կարդում, գարշելի բանաստեղծություններ էինք գրում, թղթախաղով էինք զբաղվում եւ վիճում էինք իրար հետ։ Ժամանակի մեծ մասը ինչ֊որ բանով զբաղեցնում էինք։ Տիեզերքում այդպես է, միշտ ինչ֊որ բան պիտի անես, որքան էլ անիմաստ ու աննպատակ թվան քեզ քո սեփական զբաղմունքները։

— Ոչ մի բանի հավես չկա, — ասացի նրան։— Գործ անելուց ոչ մի օգուտ չկա։

Մի քիչ հետո Սիրունիկը ձեռ քաշեց մեզանից, ու մենք այդպես նստել էինք՝ ոնց որ երանության գիրկն ընկած թուրքեր։

Ֆանտաստիկա՞ է։ Իհարկե։ Բայց դա օգնում էր ժամանակը սպանելուն։

Ինչ էլ որ ասեի ինքս ինձ, ինչպես էլ որ վիճեի ինքս ինձ հետ, ավելի ու ավելի շատ էի հակվում այն մտքին, որ մենք շարժվում ենք Երկրի ուղղությամբ։

Ահա ինչու չզարմացա, երբ Սիրունիկը վերջապես ցած իջավ։ Ես համակ երախտագիտություն էի եւ թեթեւացած շունչ քաշեցի։ Մենք նայեցինք իրար, ու ընկերներիս աչքերում ես տեսա տարակուսանք եւ հույս։ Բնականաբար, մեզանից ոչ մեկը չէր կարող հարց տալ։ Մի բառը կարող էր ի չիք դարձնել մեր հաղթանակը։ Միայն մի բան կարող էինք անել՝ լուռ նստել ու սպասել, թե ինչ է լինելու հետո։ Դռնակը սկսվեց բացվել, ու ես Երկրի հոտն առա։ Էլ չսպասեցի, որ դուռը լրիվ բացվի, վազելով խցկվեցի դռան արանքը ու ճարպկորեն դուրս թռա։ Շրմփալով գետնին այնպես ուժեղ, որ քիչ մնաց շունչս փչեի, հազիվհազ ոտքի կանգնեցի ու միանգամից սկսեցի փախչել։ Ես չէի ուզում վտանգի դիմել։ Մտածում էի, քանի դեռ Սիրունիկը միտքը չի փոխել, որքան հնարավոր է հեռու փախչեմ։

Մենք վազեցինք անտառի կողմը․ եթե հասցնեինք թաքնվել ծառերի մեջ, ապա Սիրունիկի համար հեշտ չի լինի մեզ այնտեղից հանելը։

— Նայե՛ք աստղերին։ Նայե՛ք ծառերին։

— Դու ճիշտ ես։

Վերջապես Սիրունիկը խաղաղվեց մեր վայրէջքի տեղից մի հարյուր յարդ հեռու։ Նա ոչ մի ձայն չէր հանում, բայց ինձ թվում էր, որ շնչում է ծանր՝ հոգնած քերծեի պես։

— Բացվի՛ր,— ճչացինք,— մենք ուզում ենք ետ գանք։

— Նա ցնդել է,— ասաց Ջիմին։

Դանդաղորեն հեռացանք Սիրունիկից՝ առանց աչքներս նրանից կտրելու։ Վախենալը չէինք վախենում, բայց դե չէինք էլ վստահանում։

— Դա ճիշտ միտք է,— ասաց Բենը։— Պետք է ենթադրել, որ նա չի կարող թռչել, քանի դեռ մենք չենք չքվել նրա աչքից։ Մենք տնտղեցինք այն մթերքները, որ Սիրունիկը թողել էր մեզ համար։ Նա լավ էր հոգացել մեր մասին եւ ոչ միայն ոչինչ չէր մոռացել, այլեւ նույնիսկ մանրամասն ցուցումներ եւ խորհուրդներ էր գրել արկղերից մեծ մասի վրա։

Մենք բացեցինք երկու արկղն էլ։ Այնտեղ գտանք նորագույն հրեշավոր զենք՝ ունիվերսալ ավտոմատի պես մի բան, որը կրակում էր ամեն ինչով՝ գնդակից սկսած եւ վերջացրած ամենատարբեր զրահահար լիցքերով։ Այդ ավտոմատը կարող էր արձակել կրակ, գազ, թթու, թունավոր նետեր, նռնակ եւ տարբեր պարկուճներ։ Այդ ավտոմատները շատ ծանր էին եւ անհարմար, բայց գործում էին անխափան, եւ առանց դրանց մենք ասես առանց ձեռք կլինեինք այս անծանոթ մոլորակում, որտեղ ամեն քայլափոխին կարող էին լինել հազարումի վտանգներ։

Սիրունիկը ոչ մի բան չէր մոռացել։

— Նա շա՜տ ավելի է չարչարվել, քան դու մտածում ես,— ավելացրի ես։— Ո՛չ միայն այնպիսի մոլորակ, որտեղ մարդը կարող է ապրել, այլ այնպիսի մի մոլորակ, որն ունենա Երկրի բույրերը եւ արտաքուստ չտարբերվի Երկրից։ Որպեսզի մենք ուզենանք ինքներս դուրս փախչել։ Եթե մենք ինքներս չփախչենինք, նա ինքը չէր կարողանա մեզ հարկադրել դուրս գալ նավից։ Այդպիսին է նրա գիտակցությունը, եւ…

Աղոտ փայլատակող կաշին կարող էր միայն մետաղյա լինել․ ես տեսնում էի կրակոցների առաջացրած փոսերը։ Կաշվի վրա երեւում էին թաց տեղեր, դրանք այն քնաբեր պատիճների տեղերն էին, որոնցով կրակում էր Ջիմին։

Վերջապես Բենը շրջվեց եւ ավտոմատի փողով դիպավ Սիրունիկի կողին։

Մենք էլի մի քանի անգամ ծեծեցինք նրա կողը բայց պատասխան չստացանք։ Սիրունիկը նեղացած էր։

Իսկույն ձեռքներիցս ցած գցեցինք ցախն ու վազեցինք ճամբար, բայց դե շտապելու հարկ չկար։ Հրեշը չէր ուզում նորից ծեծ ուտել։ Նա մեծ կեռման կատարեց դեպի արեւելք, որ շրջանցի մեզ, եւ սլացավ դեպի բլուր։

Սկսեցինք խոսել մեր հյուրի մասին։ Քանի որ նրան ինչ֊որ կերպ պետք էր կոչել, մենք նրան կոչեցինք Էլմեր անունով։ Դա արեցինք առանց որեւէ պատճառի, հենց այնպես, հարմարության համար։

— Նա հենց պետք է մարդկայնացված լիներ,— նկատեց Ջիմին։— Այլապես իր առաջադրանքները գլուխ չէր բերի։

— Հետաքրքիր է, նա դեռ շարունակո՞ւմ է խռով մնալ,— ասաց Բենը։

Ի միջի այլոց, Սիրունիկը լրիվ չէր մոռացել մեզ, լրիվ դուրս չէր հանել իր կյանքից։ Նա մի լավ դնգսեց Էլմերին, երբ սա հարձակվեց մեզ վրա։ Ինձ շատ էր մխիթարում այն միտքը, որ նա մեզ պաշտպանեց ծանր պահին։ Ուրեմն, դեռ հույս կա, որ մենք ի վերջո կհաշտվենք։

Ճամբարում Բենը վրան էր սարքում, ու ես սկսեցի օգնել նրան։

— Ես գտա՛,— հաղթականորեն ասաց նա։

Նա նայեց վրաս ու ծուռ ժպտաց։

Մարդն առաջին անգամ էր հանդիպում բարձր քաղաքակրթության, բայց եկել էր չափազանց ուշ եւ, Սիրունիկի վատ տրամադրության պատճառով, եկել էր շատ վատ հանդերձավորված, որպեսզի ուսումնասիրի այն, ինչ մնացել էր այդ քաղաքակրթությունից։

Ես վերադարձա ճամբար ու պառկեցի խարույկի մոտ, որտեղ նստած էին ընկերներս։

Կարծեմ, երկրորդ թե երրորդ օրը նա գլխի ընկավ, որ իրեն հետեւում են։ Մի տեսակ անհանգստացած էր։ Բարձրանալով իր դիտակետը, նա մեր կողմն ավելի շատ էր նայում, քան մյուս կողմերը։ Իսկ մի անգամ, երբ ես էի նրան հետեւում, նա, կարծես, սկսեց գրոհի պատրաստվել, բայց հենց որ ես որոշեցի հեռանալ, գազանը հանգստացավ ու անցավ իր սովորական պտույտին։

Բենը անհանգստանում էր՝ իսկ եթե այս մոլորակն ունի՞ տարվա եղանակներ։ Նա իրեն համոզեց, որ հենց այդպես էլ կա, ու գնաց անտառ, որ տեղ գտնի խրճիթ սարքելու համար։

Վերջապես Էլմերը շրջվեց եւ գլորվեց իմ ծառի տակ։ Նշան բռնելով՝ նա իր մետաղյա ծնոտներով սկսեց կրծել ծառի բունը։ Ծառը դողում էր, տաշեղները թռչում էին չորս կողմ։ Ես է՛լ ավելի ամուր կպա ճյուղից եւ ցած նայեցի։ Էլմերը վատ փայտահատ էր, բայց դե որոշ ժամանակից այնուամենայնիվ կկրծեր ծառը։

Բենը իջավ ծառից ու նետվեց դեպի զենքը։ Նա վերցրեց երկու ավտոմատները եւ թաքնվեց մի ուրիշ ծառի ետեւում։ Կրակը տեղաց կարճ տարածությունից։ Զրահարար գնդակները կարկուտի պես ծեծում էին Էլմերին։ Պայթյուններից ճյուղերը այնպես էին ցնցվում, որ ես ստիպված էի ամբողջ ուժով կառչել ծառից։ Երկու բեկորներ խրվեցին բնի մեջ ինձնից մի քիչ ներքեւ, բեկորների մի մասը դիպչում էին սաղարթին, օդի մեջ պտտվում էին, տերեւներն ու կոտրված ճյուղերը, բայց ինձ չէին կպչում։

— Լավ,— ասաց նա դժկամորեն։— Հիմա կբարձրանամ ու ճյուղը կկտրեմ։

Բենը բռնել էր անկոթ կացինը ու ճառ էր ասում ճակատագրի խարդախ արարքների մասին։

Ես փորձեցի ու ասացի, որ չեմ կարող։

Ճյուղը ավելի ու ավելի էր կռանում դեպի գետին, որքան որ Բենը դյույմ առ դյույմ առաջ էր գնում, ու ինձ թվում էր, որ թաթս հիմա էլ առաջվա պես չի ցավում։ Ես ձգում էի ոտքս ու հանկարծ զգացի, որ մի քիչ շարժում եմ թաթս, բայց դեռ չէի կարողանում ազատել։

Ես գնացի ճամբար ու քնից հանեցի Բենին ու Ճիմիին։ Պատմեցի իմ կասկածների ու Սիրունիկի հետ ունեցած խոսակցության մասին։ Մենք լրջորեն տխրեցինք, որովհետեւ այս անգամ իսկապես ելք չէինք գտնում։

Եվ ամենավատն այն է, որ նրա այս վարմունքը կամակորություն չէ։ Դա վաղուց էր սկսվել։ Էլմերը գիշերները այստեղ քարշ էր գալիս ոչ թե մեզ հետեւելու համար։ Նա գալիս էր Սիրունիկի հետ սիրաբանելու։ Եվ կասկածից վեր է, որ նրանք միասին էին որոշել Էլմերի հարձակումը իմ ու Բենի վրա, որովհետեւ գիտեին, որ Ջիմին կսլանա մեզ օգնելու, ու ծովափը կթողնի առանց հսկողության։ Այ հենց այդ ժամանակ էլ Էլմերը կարող էր ետ սլանալ, իսկ Սիրունիկն էլ նրան կվերցներ իր մեջ։ Եվ դրանից հետո էլ Սիրունիկը դուրս էր հանել իր շոշափուկն ու սրբել էր բոլոր հետքերը, որ մենք գլխի չընկնենք, թե Էլմերը իր ներսում է։

Հետո մենք փաթաթվեցինք վերմակների մեջ ու նույնիսկ ժամապահ չկանգնեցրինք։ Դե որ Էլմերը չէր շրջում մոտակայքում, ժամապահի կարիք էլ չկար։

Ու եթե մենք ներս խցկվեինք, ապա ձեռնամարտի պիտի բռնվեինք Էլմերի հետ, իսկ Էլմերը մի այնպիսի գազան է, որ նրա ուզածն էլ հենց դա է։

Բենն ու Ջիմին վերադարձան կեսօրին, եւ նրանց աչքերը փայլում էին հուզմունքից։ Նրանց վերմակը փռեցին գետնին ու գրպաններից նրա վրա թափեցին ամենաանհավանական բաներ։

Շղթայից բացի, այնտեղ էլի շատ ու շատ բաներ կային, եւ դրանցից յուրաքանչյուրին նայելիս քիչ էր մնում շունչս կտրվեր։ Հայացքումս կարդալով համր հարց՝ Բենը թոթվեց ուսերը։

— Եթե գործիքներ ունենայի՜նք,— ասաց Բենը։

— Մենք կկարողանայինք որոշ գործիքներ սարքել…

Եվ այսպես երկուսով գնացինք դեպի քարայրները։ Ես առաջին անգամ էի դրանք տեսնում, իսկ այնտեղ շատ բան կար տեսնելու։ Տասներկու քարայր, եւ բոլորն էլ լիքը լցված։ Գլուխս պտտվեց, երբ տեսա բոլոր հարմարանքները, եթե կարելի էր այդպես անվանել։ Պարզ է, որ ես չգիտեի այդ առարկաներից եւ ոչ մեկի նշանակությունը։ Հենց միայն դրանց նայելուց կարելի էր ցնդել․ դա ուղղակի տանջանք էր․ նայել ու չիմանալ, թե ինչն ինչոց է։ Բայց Բենը ճգնում էր հասկանալ՝ խելագարի համառությամբ, որովհետեւ գլուխն էր մտցրել, որ մենք կարող ենք այստեղ գտնել Սիրունիկին հպատակեցնող միջոց։

Բայց Բենին զսպելն անհնարին էր։ Հաջորդ օրը նորից գնացինք այնտեղ, հետո՝ նորից ու նորից։ Երկրորդ օրը մի բան գտանք, որը շատ հարմար էր պահածոյի տուփը բացելու համար, բայց ես գնավ համոզված չեմ, որ դա ստեղծված էր հենց այդ նպատակվ, իսկ մյուս օրը մենք վերջապես գլխի ընկանք, որ գործիքներից մեկը կարելի է օգտագործել յոթանկյուն փոս փորելու համար, ու ես հարց եմ տալիս, թե այդ որ խելոքը կուզենա փոս փորել։

Մենք ոչ մի արդյունքի չէինք հասնում, բայց շարունակում էինք գնալ այնտեղ, ու ես զգում էի, որ Բենն էլ է ինձ պես հուսահատ, բայց չի ուզում հանձնվել, քանի որ դա վերջին ծեղն է, որից ուզում է կառչել չխելագարվելու համար։

Ջիմին ոչ մի անգամ չեկավ մեզ հետ։ Նա նստում էր, գլուխը կախած իր թղթերի վրա, եւ գրում էր, նորից կարդում գրածի, ջնջում էր գրած բառերը եւ նորերը գրում։ Նա վեր էր կենում տեղից, պտտվում չորս կողմը, դեսուդեն գցում իրեն, ինչ֊որ բաներ փնթփնթում, հետո նստում էր ու նորից գրում։ Նա գրեթե չէր ուտում, չէր խոսում եւ շատ քիչ էր քնում։ Նա ստեղծագործելու տառապանքներով բռնված երիտասարդի իսկական կերպար էր։

Այսպիսի զառանցանք նույնիսկ առաջ էլ չէր գրում։ Այդ գիշեր աչքերս բաց պառկել ու նայում էի անծանոթ աստղերին, անձնատուր լինելով միայնակության զգացումին։ Սակայն, հանձնվելով այդ տրամադրությանը, ես մտածեցի, որ այնքան էլ միայնակ չեմ, ինչպես կարող էի լինել․ թվում էր, որ գերեզմանաթմբերի լռությունը, քարայրների հրաշքը հանգստացնում էին ինձ։ Խորհրդավորությունը անհետանում էր։

Չգիտեմ, ինչը արթնացրեց ինձ։ Միգուցե քամին, միգուցե ափին բախվող ալիքների աղմուկը, կամ էլ գիշերվա զովությունը։

— Ես ինչպես սխալվեցի՜,— խոր հոգոց հանելով ասաց Սիրունիկը։

— Մի վայրկյան, — ասաց նա գործնական տոնով։— Հիմա մի բան պիտի անեմ։

Սիրունիկի կողքի դռնակը բացվեց։ Դուրս եկավ եւ աճեց մի երկար, ճկուն շոշափուկ, որը մտավ ներս եւ դուրս քաշեց այնտեղից Էլմերին։ Գազանը օրորվում էր օդի մեջ։

Մենք չսպասեցինք շարունակությանը։ Վազում էինք սպրինտերների պես։ Մի ցատկով հաղթահարեցինք սանդուղքը եւ հայտվեցինք մեր սենյակներում։