Էլեգիա (Բորխես)

Գրապահարան-ից
Էլեգիա

հեղինակ՝ Խորխե Լուիս Բորխես
թարգմանիչ՝ ∅ (իսպաներեն և անգլերեն տարբերակների հիման վրա)


Օ, ճակատագիր Բորխեսի․
նավարկել բազմազան ծովերով աշխարհի
կամ ծովով մի, որը բազմազան անուններ ունի,
լինել մի մասը Էդինբուրգի, Ցյուրիխի, երկու Կորբոդաների,
Կոլումբիայի և Տեխասի,
վերադառնալ փոփոխվող ավարտին սերունդների,
նախնիների հնագույն հողեր,
Անդալուսիա, Պորտուգալիա և այն երկրներ,
ուր սաքսոնները կռվելով դանիացիների հետ խառնել են արյունը,
թափառել կարմիր և հանդարտ Լոնդոնի լաբիրինթոսում,
ծերանալ այնքա՜ն շատ հայելիներում,
ապարդյուն որոնել մարմարե հայացքը քանդակների,
ուսումնասիրել վիմագրերը, հանրագիտարանները, ատլասները,
տեսնել այն ամենն, ինչ տեսնում է տղամարդը,
մահը, ծուլորեն շարժվող աստղերը,
և տեսնել ոչինչ, կամ համարյա ոչինչ,
բացի բուենոսայրեսցի մի աղջկա դեմքի,
դեմք, որը չի ցանկանում հիշես իրեն։
Օ, Բորխեսի ճակատագիր․
երևի ոչ այնքան տարօրինակ,
որքան քոնն է։