Changes
Չի լուսանում։ Ես դեռ ազդանշան չեմ տվել։
Մեծ բան է՝ սոխա՜կ։ Մենք, ճնճղուկներս, ավելի շատ ենք։
Ինչո՞ւ չեն ասում․ «Արժանապատիվ կոճղ»։
Բոլոր կենդանի արարածները բաժանվում են երեք կարգի՝ թշնամիների, մրցակիցների և որսի։
Ես կնայեմ, թե դուք ինչպես եք աշխատում, իսկ դուք կնայեք, թե ես ինչպես եմ ուտում։
Հարյուրամյա՜ կրիա։ Ինչպե՞ս կարելի է այդպես հրեշավոր կերպով հետամնաց լինել։
Ինչպե՜ս, արտույտն իրավացի՞ լինի։ Դա բացառված է։ Ճշմարտությունը մեկն է, և այն՝ ճնճղուկային։
Ոչ մի կենդանի էակ չի կարող ապրել՝ խորասուզված օդում։
Թո՛ւհ։ Այսպիսի լուրջ պահ, և կեռասենին առանց քաշվելու ծաղկում է իր համար։
Ժամանակի պահա՞նջը։ Գիտենք՝ սոսափել քամու դեմ։
Ես էլ եմ քայլում ժամանակի հետ։
Այդ Արքիմեդը վախկոտի ու դավաճանի մեկն է։ Թշնամին ներխուժում է մեր քաղաքը, իսկ նա իր գծագրերն է գծագրում։
Ի՞նչ։ Սո՞վ։ Աղքատությո՞ւն։ Անբերրիությո՞ւն։ Դատարկ բան։ Ամենից առաջ անհրաժեշտ է Կարթագենը կործանել։
Քրիստոնյաների հետապնդումը հերյուրանք է։ Մենք միայն հերքում ենք նրանց հայացքները։
Մենք էլ ենք եկել աշխարհը փրկելու։
Ես հասա համախոհության։ Բոլորը պետք է հնազանդվեն։
Էյ դո՜ւք, տականքնե՛ր։ Ես ձեզանից փառապանծ ազգ ստեղծեցի։
Ողորմած աստված, դո հո գիտես, որ անմարդկայնությունը խորթ է ինձ։ Բայց ախր աստեկը մարդ չէ։
Ինչո՞ւ պետք է իմանամ, թե աշխարհն ինչպիսին է։ Բավական է որ գիտեմ, թե նա ինչպիսին պետք է լինի։
Իմ կարծիքով, օձը չպետք է այդքան երկար լիներ։
Այժմ ես գիտեմ, թե որտեղ է կեցության սահմանը։
Մարդը լոկ իմ պատկերացումն է։
Պատմությո՞ւն։ Այդ ինձ ոչինչ չի ասում։
Սպասելը նույնպես հեշտ աշխատանք չի։
Թող մորթեն, բայց ինչո՞ւ են տանում։
Ձեր կարծիքով գարունը կգա՞։ Սիրելիս, դուք լավատես եք։
Ինչ որ չես կարող անել ինքդ, հրամայիր ուրիշին։
Միայն մեր կուսակցությունն է մեծարում մեր մեծ, հերոսական ժողովրդին։ Բոլոր մյուս կուսակցությունները դավաճաններ են, վախկոտներ, ծախված հոգիներ ու սրիկաներ։
Պետության օգո՞ւտը։ Դա կամ այն է, ինչը օգտակար է մեզ, կամ այն, ինչը օգտակար է մնացյալներին։
Ես կգործեմ, իսկ դուք կսկսեք իմ գործողությունների համար հիմունքներ որոնել։
Բը՜ռռ։ Այս ի՞նչ են լցրել իմ կեղտաջրի մեջ։ Սա ի՞նչ խոզություն է։
Մենք, անշուշտ, դատապարտում ենք բռնությունը, բայց պատրաստ ենք զենք տրամադրելու։
Չեզոքությո՞ւն։ Այդ նշանակում է վաստակել պատերազմում, որ վարում են ուրիշները։
Ուժերի հավասարակշռությունն այն է, երբ մեր կողմն է գերակշռությունը։
Իսկ հիմա հայրաբար հոգանք նրանց մասին, ովքեր ողջ են մնացել։
Ճշմարտությունը լոկ այն է, որը ծառայում է մեր կուսակցության շահերին։
Այստեղ ահա հաղորդագրություն է ստացվել, որ միջոց է գտնված գեղձուռուցքի ժանտախտի դեմ։ Դուք չգիտեք՝ մեր կուսակցությունը ժանտախտի կո՞ղմ է, թե դեմ։
Փա՜ռք աստծու, պայմանագիրը կնքված է։ Այժմ եկեք մտածենք, թե ինչպես պիտի խախտենք այն։
Միջազգային իրավո՞ւնք։ Այդ միշտ այն է, որ խախտում են ուրիշները։
Ես հայրենիքի սիրո շլացուցիչ օրինակ տվի․ երեք հարյուր հազար մարդու ստիպեցի իրենց կյանքը զոհաբերել նրան։
Ճագարներ, դուք հավերի հետ պայմանագիր կնքեցիք, որ իրար չեք խժռի։ Տեսնենք, թե ինչ կասի դրան բազեն։
Երկրի երեսից ջնջված է հիսուն քաղաք։ Ինչպիսի՜ ցնցող հաջողություն։
Այս խոյը զզվելի դիտավորություն ուներ՝ ուզում էր թաքնվել ինձանից։
Այս գայլն ավելի շուտ կկշտանա, եթե նրան չդիմադրես։
